मुक्तिनाथको ७७ औं शाखा जनकपुरमा

आदर्श समाज सम्वाददाता
वैशाख २५, २०७५
muktinath

पोखरा, २४ वैशाख। मुक्तिनाथ विकास बैंकले जनकपुर उपमहानगरपालिका-२, भानुचोकमा बैंकको ७७ औं शाखा विस्तार गरेको छ।

नेपाल राष्ट्र बैंक जनकपुरका प्रमुख नरेश शाक्यले सोमबार उक्त शाखा कार्यालयको समुद्घाटन गरे।

सो क्रममा शाक्यले मुक्तिनाथ विकास बैंकले जनकपुर क्षेत्रमा रहेका ग्रामीण तथा शहरी भेगका जनताहरुमा समावेशी वित्तीय पहुँच पुर्‍याउँदै ग्राहकमैत्री सेवा सुविधा प्रदान गर्ने कुरामा विश्वस्त रहेको बताए। प्रदेश २ का प्रदेश सभा सदस्य रामआशीष यादवले उत्पादनशील क्षेत्रमा वित्तीय सेवा विस्तार गर्न सुझाव दिँंदै यसको समावेशी वित्तीय मोडल नेपाल कै नमूनाको रुपमा रहेको बताए।

बैंकका नायव प्रमुख कार्यकारी अधिकृत तारा मानन्धरको अध्यक्षतामा सम्पन्न उक्त कार्यक्रममा बैंकका मानव संशाधन विभाग प्रमुख शर्मिला लम्सालले स्वागत मन्तव्य व्यक्त गरेकी थिइन्।

बैंकले आफ्ना समकक्षी विकास बैंकमध्ये प्रगतिका प्रमुख १० वटा सूचकमध्ये ६ वटा सूचकमा सबैभन्दा अब्बल रहेको जनाएको छ।

Related News

सम्बन्धित समाचार

hero news full width