काठमाडौं, ६ वैशाख । प्रदेश सांसदमा निर्वाचितपछि पूर्ववर्ती फैसला कार्यान्वयनका क्रममा फरार रहेका प्रदेश ४ अन्तर्गत मनाङका प्रदेश सभा सदस्य दीपक मनाङ्गे (राजीव गुरुङ) पक्राउ परेका छन् । उनलाई काठमाडौंको स्वयम्भूस्थित तीनधाराबाट पक्राउ गरिएको काठमाडौं प्रहरीले जनाएको छ ।
मनाङ्गेलाई स्वयम्भू तीनधारामा लुकीछिपी बसेको अवस्थामा पक्राउ गरिएको परिसरका प्रवक्ता एवं डीएसपी मोहन थापाले बताए ।
मनाङेलाई फैसला कार्यान्वयनका लागि जिल्ला अदालत काठमाडौंमा बुझाइने काठमाडौंका प्रहरी प्रमुख एसएसपी विश्वराज पोखरेलले जानकारी दिए ।
२०६९ साउन २८ गते तत्कालीन पुनरावेदन अदालत पाटनले ‘ज्यान मार्ने उद्योग’ मुद्दामा मनाङेलाई ५ वर्ष कैद सजाय तोकेको थियो । गत माघमा सवोर्च्चले ज्यान मार्ने उद्योगमा ५ वर्ष जेल सजाय गर्ने तत्कालीन पुनरावेदन अदालतको सजाय सदर गरेको थियो । त्यसपछि प्रहरीले मनाङेको खोजी थालेको हो ।
मनाङ्गे गत प्रदेश सभा निर्वाचनमा नेकपा एमालेको समर्थनमा स्वतन्त्र उम्मेद्वारको रुपमा निर्वाचित भएका थिए । निर्वाचित भए लगतै अदालतको कैद सजाय सार्वजनिक भएपछि उनी सांसदको सपथ नै हुन नपाई फरार बनेका थिए ।
२०६१ सालमा ‘गुण्डा नाइके’ चक्रे मिलन समूहसँग खुकुरी हानाहान हुँदा मनाङे समूहले चक्रे मिलनको हात छिनाएको थियो । सोही घटनामा संलग्न अन्य अभियुक्तहरु रेवती कार्की, रमेश सुनुवार, गणेश लामा र उमेश लामालाई माघ २ गते सवोर्च्च अदालतले सफाइ दिएपछि मनाङेलाई पुनरावेदनले पहिल्यै ५ वर्षको कैद सजाय सुनाएको रहस्य बाहिर आएको थियो ।
उनको खोजी गर्न महानगरीय प्रहरी परिसर काठमाडौं, महानगरीय अपराध महाशाखा र केन्द्रीय अनुसन्धान ब्यूरोले छुट्टाछुट्टै टोली खटिएको थियो । यसअघि जिल्ला अदालत काठमाडौंको फैसलाबमोजिम मनाङे २ वर्ष जेल बसिसकेका छन् । जिल्ला अदालतको फैसलापछि जिल्ला सरकारी वकिल कार्यालय काठमाडौंले मनाङेलाई सजाय कम भएको दाबी गर्दै समूहविरुद्ध पुनरावदेन अदालत पाटनमा मुद्दा दायर गरेको थियो ।
Related News
सम्बन्धित समाचार
पुस्तक दिवसमा पुस्तक साटासाट
स्वदेश फर्किए कतारी अमिर
अधिकारी सरकारको मुख्य न्यायाधिवक्ता चिरन्जीवी शर्मा !
पोखराको चाउथेमा गएराति स्कुटर दुर्घटनामा एक किशोरीको मृत्यु
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
hero news full width
मुख्य समाचार
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१