Worldlink ads

प्राविधिक शिक्षाका लागि महायज्ञ

आदर्श समाज सम्वाददाता
वैशाख ७, २०७५
Mahayagya Pressmeet

पोखरा, ६ वैशाख। कास्कीको माछापुच्छ्रे गाउँपालिका वडा ३, घाचोकस्थित शुक्लागण्डकी माविमा यही वैशाख ११ देखि शुरु हुने विराट शैक्षिक श्रीमद्भागवत् धनधान्याचल महायज्ञको तयारी तीव्र पारिएको छ ।

विद्यालयमा प्राविधिक शिक्षा सञ्चालन गर्ने उद्देश्यले आयोजना गर्न लागिएको सो महायज्ञबाट करिब ५ करोड रुपैयाँ संकलन गर्ने लक्ष्य राखिएको पोखरामा बिहीबार आयोजित पत्रकार सम्मेलनमा महायज्ञ मूल आयोजक समिति अध्यक्ष रविलाल पोखरेलले जानकारी दिए ।

उनले प्राविधिक शिक्षालय स्थापनाका लागि विभिन्न श्रोत पहिचानमध्ये शुरुको रोजाईमा महायज्ञ परेको स्पष्ट पारे ।

विद्यालयका प्रधानाध्यापक शान्तिरमण पोखरेलले कुन विषयमा प्राविधिक शिक्षा सञ्चालन गर्ने भन्नेबारे प्राविधिक शिक्षा समन्वय तथा सहयोग संस्था गठन गरिएको र पछि विज्ञसँग पनि सल्लाह लिइने जानकारी दिए ।

महायज्ञ मूलआयोजक समितिका सचिव रमेश नेपालीले महायज्ञमा धेरै दाताको सहभागिता रहने वातावरण बनेको बताए।

महायज्ञमा प्रमुख वाचक युवापण्डित कमलनयन गौतम रहनेछन्।

महायज्ञ तयारीका लागि १ हजार १ सय ११ सदस्यीय मूल आयोजक समिति र ७५ वटा विभिन्न उपसमिति गठन गरिएको बताइएको छ। महायज्ञ मुख्यमन्त्री पृथ्वीसुब्बा गुरुङले उद्घाटन गर्ने कार्यक्रम छ।

२०३७ सालमा भकारीको बार र खरको छानोबाट अध्ययन अध्यापन शुरु गरेको शुक्लागण्डकी माविले २०३८ मा कक्षा ८ सम्म, २०४० मा कक्षा १० सम्म र २०६६ बाट उच्च मावि कक्षा सञ्चालन गर्न अनुमति प्राप्त गरेको थियो। विद्यालयमा हाल कक्षा १ देखि १२ सम्म ३ सय १० जना विद्यार्थी छन् ।

Related News

सम्बन्धित समाचार

    • गलकोटेलाई पोखराका अस्पतालमा छुट

      रासस कार्तिक ९, २०७८
      बागलुङ । जिल्लाको गलकोट भेगका सर्वसाधारणलाई पोखराका दुई अस्पतालले औषधि र उपचार सेवामा छुटको प्रबन्ध गरेका छन् । फेवासिटी र…
    • प्रतियोगिता पर्खिंदै युकेश

      धनबहादुर गुरुङ कार्तिक ९, २०७८
      पोखरा । पोखराका प्याराग्लाइडिङ पाइलट युकेश गुरुङलाई स्वेदश तथा विदेशको प्रतियोगितामाबाट निम्तो नआएको २ वर्ष बढी भयो । सन् २०१९…
    • त्रिनेत्रेश्वर शिव मन्दिरमा सम्मान

      आदर्श समाज सम्वाददाता कार्तिक ९, २०७८
      लेखनाथ । त्रिनेत्रेश्वर शिव मन्दिर पोखरा ३० शिशुवाले मन्दिरका विभिन्न गतिविधिहरुमा उल्लेखनीय योगदान पुर्‍याएको भन्दै शिशुवा सत्संग भजन भण्डलीलाई सम्मान…
    • ८० प्रतिशत फूल पोखरा आसपासमा नै उत्पादन

      रासस कार्तिक ८, २०७८
      गण्डकी । अधिकांश उत्पादनमा परनिर्भरता नै मौलिकता जस्तै बन्दै गएको वास्तविकतामा पोखरा फूलमा भने आत्मनिर्भर हुने क्रममा छ । तिहार…
    • पोखरा स्टिल फेब्रिकेटर्समा विश्व

      आदर्श समाज सम्वाददाता कार्तिक ८, २०७८
      पोखरा । पोखरा स्टिल फेब्रिकेटर्स एसोसिएसन कास्की अध्यक्षमा विश्वप्रसाद कर्माचार्य निर्वाचित भएका छन् । संस्थाको १४ औं अधिवेशन एवं २१…

    hero news full width

    Jewellery

    sanil ads

    wordlink ads