उत्प्रेरणा सांगीतिक मञ्चमा बाल प्रतिभा 

Avatar एजेन्सी
वैशाख ७, २०७५

पोखरा, ६ वैशाख । नयाँ वर्ष अवसरमा उत्प्रेरणा सांगीतिक मञ्चमा सय भन्दा बढी बालबालिकालेे प्रतिभा देखाएका छन् ।

जोजिजू म्युजिक सेन्टर तथा म्यूजिक स्कूलले आयोजना गरेको उक्त कार्यक्रममा करिब सय जना बालबालिकाले विभिन्न प्रस्तुति राखेको सेन्टरका प्रबन्ध निर्देशक एवं गायक विनित जोजिजूले बताए।

विद्यार्थीमा अतिरिक्त क्रियाकलापमा रुची बढाउने उद्देश्यले चित्रकला, गीत संगीत, नृत्य, उत्प्रेरणा जगाउने, उद्घोषण लगायत कृयाकलाप सिकाउने उद्देश्यले तीन हप्ते कोर्ष पूरा गरेसँगै प्रतिभा प्रस्फुटन गरिएको जोजिजूले बताए।

सेन्टरका संरक्षक योगमाया जोजिजूले कार्यक्रमको उद्घाटन गरेकी हुन। अभिभावक गोपालप्रसाद भुषालले छोटो समयमा पनि बालबालिकाले उत्कृष्ट प्रतिभा प्रष्फुटन गर्नुले उनीहरुमा धेरै सम्भावना भएको विश्वास व्यक्त गरे।

लेखनाथ साहित्य प्रतिष्ठानका अध्यक्ष लोकगायक पदमराज ढकालले सेन्टरले नयाँ प्रतिभा तथा कलाकार उत्पादन गर्नमा महत्वपूर्ण भूमिका खेलेको भन्दै प्रशंसा गरे। उक्त अवसरमा विश्वकै कम उमेरका ड्रमर उत्प्रेम जोजिजूले समेत आफ्नो प्रस्तुति राखेका थिए।

कार्यक्रममा कला प्रदर्शनी समेत भएको थियो भने ५ वषीय बालिका पल थापाले कलात्मक ढंगले कार्यक्रम सञ्चालन गरेकी थिइन्।

सानु जोजिजू, गोविन्द थापा, राजु गुरुङ, डेडिज खड्की, वीनित जोजिजू लगायतले प्रशिक्षण गराएका थिए। सो कोर्ष पूरा गरेका बालबालिकालाई संगीतकर्मी श्यामलाल श्रेष्ठ, प्रबन्ध निर्देशक वीनित जोजिजु, स्कूलका व्यवस्थापक सानु जोजिजू लगायतले प्रमाणपत्र वितरण गरेका थिए।

प्रतिक्रिया

Comments on उत्प्रेरणा सांगीतिक मञ्चमा बाल प्रतिभा 

अन्य समाचार

लामाचौर स्वास्थ्य चौकीमा बालबालिकालाई भिटामिन 'ए’

पोखरा, ६ वैशाख। नेपाल सरकारले २४ वर्षदेखि निरन्तर रूपमा खुवाउँदैआएको भिटामिन 'ए’ क्याप्सुल र जुकाको औषधि बिहीवार देशभर खुवाइएको छ। बाल मृत्युदर घटाएर बाल स्वास्थ्यमा सुधार ल्याउने उद्देश्यले जारी कार्यक्रमअन्तर्गत ६ महिनादेखि ५९ महिनाका बालबालिकालाई निःशुल्क भिटामिन 'ए’ क्याप्सुल र जुकाको औषधि खुवाइने गरिन्छ । सन् १९९३ देखि शुरु कार्यक्रम सन् २००४ मा आएर देशभरी नै सञ्चालन हुँदैआएको हो । यसैक्रममा लामाचौर स्वास्थ्य चौकी वडा १९ ले ५ सय ९ जना बालबालिकालाई भिटामिन 'ए’ क्याप्सुल खुवाएको जनाएको छ । सोही अवसरमा ४ सय ७० जना बालबालिकालाई जुकाको औषधिसमेत खुवाइयो । कार्यक्रम उद्घाटन गर्दै निमित्त वडा अध्यक्ष कृष्णप्रसाद गौतमले दुर्इ दिनसम्म चल्ने उक्त कार्यक्रममा सबै…

समाजसेवी गुरुङ सम्मानित

पोखरा, ६ वैशाख। तमु ह्युल छोंज धिं गुरुङ राष्ट्रिय परिषद् कास्कीद्वारा समाजसेवी दुर्गा गुरुङ 'मिलन’ सम्मानित भएका छन्। समाजसेवी गुरुङलाई गुरुङ समुदायको विकास र उत्थानमा महत्त्वपूर्ण योगदान पुर्‍याएको भन्दै सम्मान गरिएको हो। तमु ट्हो ह्युल हङकङका सल्लाहकार रहेका समाजसेवी गुरुङलाई तमु ह्युल छोंज धिं गुरुङ राष्ट्रिय परिषद्का केन्द्रीय सदस्य चेतबहादुर गुरुङले सम्मानपत्र र फेटासहित सम्मान गरे। समाजसेवी गुरुङ मिलन फाउण्डेशन नेपालका संरक्षक एवं मिलन डीजी इन्टरनेशनल प्रालिका अध्यक्ष समेत छन्। कार्यक्रममा तमु ह्युल छोंज धिं गुरुङ राष्ट्रिय परिषद्का केन्द्रीय सदस्यद्वय…