काठमाडौं, ३ वैशाख । पार्टीएकीकरणको औपचारिक घोषणाको मिति नजिकिँदै गएपछि नेकपा एमाले र माओवादी केन्द्रबीच सहमति हुन बाँकी विषयमा छलफलका लागि शीर्ष तहका नेता गम्भीररुपमा जुटेका छन् । दुर्इ पार्टीीच औपचारिक एकता घोषणा बैशाख ९ मा हुने तय भइसकको छ ।
विषेशगरी जनयुद्ध र समान सहभागितामा पार्टीसमायोजनबारे गम्भीर मतभेद देखिएपछि दोस्रो तहका नेताहरुले विवाद मिलाउने जिम्मा अध्यक्षद्वयलाई नै दिएको थियो । तर, दुर्इ अध्यक्षबीच केही समययता छलफल हुन नसकेपछि एकता प्रक्रियामा समेत अन्योलता बढिरहेको बेला पुनः दुर्इ अध्यक्षबीच छलफल शुरु भएको छ ।
प्रधानमन्त्री एवं नेकपा एमालेका अध्यक्ष केपी शर्मा ओली र नेकपा माओवादी केन्द्रका अध्यक्ष पुष्पकमल दाहालबीच सोमबार भेटघाट भएको छ । दुर्इ नेताबीच पार्टीएकता प्रक्रिया अघि बढाउने विषयमा छलफल भएको छ । प्रधानमन्त्री ओली छिमेकी भारतबाट फर्केलगत्तै गत चैत २७ मा बस्ने भनिए पनि हालसम्म बैठक बस्न नसकेको थिएन । शीर्ष नेताको भेटमा मंगलबार बिहान पार्टीएकता संयोजन समितिको बैठक डाँक्ने सहमति भएको माओवादी केन्द्रका अध्यक्ष दाहालले जानकारी दिए ।
आइतबारको लागि निर्धारित वार्ता नबसी सिन्धुपाल्चोकको सुकुटे पुगेका दाहाल सोमबार बिहान फर्किएपछि दुर्इ नेताबीच गोग्य वार्ता प्रधानमन्त्री निवास बालुवाटारमा छलफल भएको थियो । वैशाख ९ गते पार्टीऔपचारिक रूपमा एकीकरण गर्ने भनिए पनि केही विषयमा विवाद यथावत छन् । विशेषगरी केन्द्रीय समितिमा प्रतिनिधित्व गर्ने संख्या, चुनाव चिन्ह र विधानको प्रस्तावनाका विषयमा विवाद कायमै छन् । माओवादीले विधानमा जनयुद्ध शब्द राखेर जानुपर्ने अडानमा छ भने एमालेले त्यसलाई अस्वीकार गर्दै आएको छ । यस्तै, सङठनमा ५०-५० प्रतिशतको हिस्सा हुनुपर्ने माओवादीको मागलाई पनि एमालेले अस्वीकार गरेको छ । चुनावी परिणाम अनुसार सङठनमा प्रतिनिधित्वको पक्षमा एमाले छ । चुनाव चिन्ह पनि दुवै दलले आ-आफ्नै हुनुपर्ने अडान लिइरहेका छन् । एकीकृत अखिल नेपाल शिक्षक संगठनद्वारा सोमबार राजधानीमा आयोजित शैक्षिक कार्यशालामा अध्यक्ष दाहालले आफू पार्टीएकता प्रक्रियालाई निष्कर्षमा पुर्याउने अत्यन्त गम्भीर दायित्वमा रहेकाले ओलीसँग अढाइ घण्टा छलफल गरेको बताए ।
बिहान भएको छलफलमा दिनभरि र मंगलबार बिहानसम्म पार्टीएकताबारे गृहकार्यको जिम्मेवारी लिएको बताउँदै उनले भने, ‘भोलि (मंगलबार) ९ बजे हामी संयोजन समितिको बैठकमार्फत अगाडि बढ्ने भन्ने कुरा भएको छ ।’
Related News
सम्बन्धित समाचार
एमाले कास्कीमा को-को निर्वाचित ? (अन्तिम मतपरिणामसहित)
एमाले कास्कीमा नयाँ नेतृत्वका लागि मतदान
एमाले कास्की अधिवेशन : दुइतिहाइले बुझे मनोनयन फाराम
ओली नआउँदा पोखरेलद्वारा एमाले कास्की अधिवेशन उद्घाटन
एमाले कास्की अधिवेशन आजदेखि : पृथ्वीसुब्बा र खगराजको शक्ति परीक्षण
hero news full width
मुख्य समाचार
सुरु भयो एसइई, ५ लाख ४ हजार ४ सय १४ विद्यार्थी सामेल
बजेट अभावमा नगर अस्पतालको काम रोकियो
चैत्र १५, २०८०एमाले कास्की अध्यक्षमा बैनबहादुर विजयी
चैत्र १४, २०८०तनहुँ र चितवनलाई जोड्ने ठिमुरामा पक्की पुल
चैत्र १४, २०८०बाँदरसँग आजित किसानले गुहारे कानुन मन्त्री, भन्छन् : बाँदर मार्ने कानुन बनाइदेउ
चैत्र १४, २०८०कास्की कारागारमा आँखा शिविर, १ सय ८८ जनाको आँखा परीक्षण
चैत्र १३, २०८०