गन्तव्य धम्पुस लालीगुराँस महोत्सव तयारी

आदर्श समाज सम्वाददाता
वैशाख ३, २०७५
dhampus laliguras

हेमजा, २ वैशाख। ‘धम्पुस लालीगुराँस महोत्सव हाम्रो पहिचान, आन्तरिक तथा बाह्य पर्यटन प्रवर्द्घन हाम्रो अभियान’ भन्ने नाराका साथ माछापुच्छे्र गाउँपालिका-७, धम्पुसमा हुन लागेको गन्तव्य धम्पुस लालीगुराँस महोत्सव-२०७५ को तयारी पूरा भएको छ।

आयोजक लालीगुराँस युवा क्लबले आइतबार महोत्सव स्थलमा पत्रकार सम्मेलन गरी सोबारे जानकारी दिएको हो।

क्लबका अध्यक्ष आशिम गुरुङले महोत्सव बैशाख ४ गतेदेखि ८ गतेसम्म हुन लागेको भन्दै महोत्सवमा मुख्यतया महिला तथा पुरुष भलिबल, खुल्ला लोकदोहोरी गीत प्रतियोगिता, वडा स्तरीय झाँकी प्रतियोगिता, कृषि तथा हस्तकला प्रदर्शनी, लाइभ कर्न्र्सट, छेलो हुने बताए।

उनले पुरुष भलिबलतर्फ १६, महिला भलिबलतर्फ ७, लोकदोहोरी गीततर्फ ८ समूहको सहभागिता रहने जनाउँदै महोत्सवमा खानाका ४, कपडाका ३, कृषि तथा हस्तकलाका ३ गरी कुल १० स्टल रहने पनि जनाएका छन्।

वडा अध्यक्ष तथा क्लबका संस्थापक अध्यक्ष समबहादुर गुरुङले विगतका लालीगुराँस महोत्सवबाट धेरै लोकदोहोरी क्षेत्रका कलाकार जन्मिएको बताउँदै महोत्सवको विशेष प्रस्तुतीको रुपमा धम्पुसका आमाहरुको प्रस्तुति रहने जनाए। उनले महोत्सवलाई आगामी वर्षदेखि पृथक ढङगले सञ्चालन गरिने पनि जनाएका छन। पृथ्वीनारायण माविको खेलमैदानमा हुने उक्त महोत्सवको समुदघाटन प्रदेश ४ का मुख्यमन्त्री पृथ्वीसुव्वा गुरुङ र समापन समारोह युवा तथा खेलकुद मन्त्री जगत विश्वकर्माले गर्ने कार्यक्रम रहेको छ।

महोत्सव सम्पन्न गर्न २५ लाख रुपैयाँ खर्च लाग्ने तथा महोत्सवबाट बचेको रकम धम्पुसको पर्यटन प्रवर्द्घनमा खर्च गरिने आयोजकले जनाएको छ।

महोत्सव स्थल पुग्न पोखराको हरिचोकदेखि यातायातको सहज व्यवस्था मिलाइएको क्लबले जनाएको छ। महोत्सव करिब १ लाख दर्शकले अवलोकन गर्ने आयोजकको दावी छ।महोत्सव अवलोकनका लागि २५ रुपैयाँको प्रवेश टिकटको व्यवस्था पनि गरिएको छ।

क्लबका अध्यक्ष आशिम गुरुङको अध्यक्षतामा सम्पन्न सो कार्यक्रम क्लबका सचिव सुरेश सुनारले सञ्चालन गरेका थिए।

Related News

सम्बन्धित समाचार

  • स्थानीयका कर्मचारी पनि आन्दोलित

    आदर्श समाज सम्वाददाता असाेज ४, २०८०
    पोखरा । आफूहरूको माग सम्बोधन हुने गरी संघीय निजामती विधेयक ल्याउन दबाब दिँदै स्थानीय तहका कर्मचारीले पनि आन्दोलनको तयारी थालेका…
  • संविधानका ८ वर्ष : गण्डकीमा ६० ऐन पारित, ४२ क्षेत्रगत कानुन बनाउन बाँकी

    आदर्श समाज सम्वाददाता असाेज ३, २०८०
    पोखरा । संविधानको मर्म र भावनाअनुरुप जनताको विकास र समृद्धिको आकांक्षालाई पूरा गर्न संघीयताको व्यावहारिक कार्यान्वयन हुनुपर्नेमा जोड दिइएको छ…
  • कानुन कार्यान्वयनका लागि हो

    आदर्श समाज सम्वाददाता असाेज ३, २०८०
    विश्वले राम्रो भनेको संविधान हामीले नराम्रो कसरी भन्ने ? त्यति ठुलो युद्ध र आन्दोलनबाट निर्माण भएको संविधान जति खारिनुपर्ने हो,…
  • हाम्रो यात्रा विब्प्याँटो छ

    आदर्श समाज सम्वाददाता असाेज ३, २०८०
    मेरो दृष्टिकोणमा जुन संविधानलाई स्वीकार गरेर यहाँ आइपुग्यौं, अब रोकिएर सबैभन्दा पहिले नमिलेका कुरा मिलाउनुपर्छ । हामी विब्प्याँटो बाटोमा हिँडेका…
  • नियम बन्यो, नियत फेरिएन

    आदर्श समाज सम्वाददाता असाेज ३, २०८०
    संविधान एक पटक निर्माण गरेपछि सधैंका लागि तृप्त हुने कुरा होइन । आवश्यकता र परिवेश अनुसार संशोधन हुनुपर्ने हो ।…

hero news full width