शंकरले बनाए फोहर संकलन यन्त्र

आदर्श समाज सम्वाददाता
वैशाख १, २०७५

पोखरा, २९ चैत । रत्नज्योति मावि कक्षा ७ का शंकर श्रेष्ठले फोहर संकलनका लागि उपयोगी स्वचालित यन्त्र निर्माण गरेका छन्। १३ वषीय श्रेष्ठले एकल प्रयासमा स्थानीय सामाग्री प्रयोग गरी उक्त रोर्बर्ट बनाएका हुन्।

काठका टुक्रा, आल्मुनियम तथा टीनका धातु, जुटको बोरा, गम, रबर पांग्रा, डिसी मोटर, हाइड्रोलिक लगायत साम्राग्री प्रयोग गरी बनाएको उक्त यन्त्र पत्रकार सम्मेलन गरी सार्वजनिक गरियो।

सो यन्त्रको अगाडिको भागले फोहर उठाएर मोटरको सहायताले माथिपट्टी रहेको लिफ्टमा पुर्‍याउँदछ। रोलरलाई पछाडि तान्दा लिफ्ट घुमेपछि फोहर बाकसमा जम्मा हुन्छ। क्रेनको सहायतमा सो फोहर विभिन्न बाकसमा राख्न सकिन्छ। फोहरको प्रकृति अनुसार फोहर छुट्याउन सकिने रोर्बर्ट निर्माणकर्ता शंकरले बताए। शंकरले यस रोर्बर्ट बाहेक केवलकार, रिमोट गाडी, डोजर बनाइसकेका छन्। यसै वर्ष जिल्ला शिक्षा कार्यालयबाट अन्तरविद्यालयस्तरीय प्रतिभा पहिचानअन्तर्गत विज्ञान विधामा उनी प्रथम भई पुरस्कृत समेत भएका थिए।

गोरखा गण्डक गाउँपालिका ३ घर भई रत्नचोक बस्दै आएका श्रेष्ठले नर्सरीदेखि नै सोही विद्यालयमा अध्ययन गर्दै आएका विद्यालयका संस्थापक निर्देशक हेमन्त अधिकारीले जानकारी दिए।

शंकरले निर्माण गरेको रोर्बर्टका लागि विद्यालयले आर्थिक सहयोग प्रदान गरेको छ। विद्यार्थीका यस्ता प्रतिभालाई विद्यालयले कदर गर्दै सहयोग गर्ने उनले बताए।

यसअघि सोही विद्यालयमा अध्ययन गरेका तल्लज बराल, तालांक बराल, सनिक केसी, शिशिर कुँवर लगायतले विभिन्न प्रकारका रोर्बर्ट निर्माण गरिसकेका छन्। यन्त्र प्रदर्शन कार्यक्रममा वडा अध्यक्ष रामचन्द्र बराल, वडा सदस्य दीनबन्धु पौडेल, पत्रकार नारायण कार्की, शंकरकी आमा रोमिका लगायत बोलेका थिए।

Related News

सम्बन्धित समाचार

  • स्पोर्टस् अवार्डलाई लगातार सहयोग

    आदर्श समाज सम्वाददाता चैत्र ७, २०७९
    पोखरा । पोखरा स्पोर्टस् अवार्डको सातौं संस्करणलाई पनि पोखरा रामबजारको पुन परिवारले साथ दिएको छ । सेनानी हेमबहादुर पुनको स्मृतिमा…
  • डिजिटल पेडागोजीसम्बन्धी कार्यशाला

    आदर्श समाज सम्वाददाता चैत्र ७, २०७९
    पोखरा । प्रविधि मैत्री शिक्षक समाज नेपाल गण्डकी प्रदेशले डिजीटल पेडागोजीसम्बन्धी कार्यशाला गरेको छ । शिक्षकका लागि प्रविधिमा पहुँचब पु¥याउन,…
  • दीपशिखा र ट्याग परियोजनाबीच सम्झौता

    आदर्श समाज सम्वाददाता चैत्र ७, २०७९
    पोखरा । दीपशिखा पुस्तकालय र ट्याग परियोजनाबीच सम्झौतापत्रमा हस्ताक्षर भएको छ । रिड नेपालअन्तर्गत टेक एज गल्र्स (ट्याग) ट्याग नेपाल…
  • संस्कार समाज नेपालद्वारा सम्मान

    आदर्श समाज सम्वाददाता चैत्र ५, २०७९
    पोखरा । संस्कार समाज नेपालको पाँचौ वार्षिकोत्सव अवसरमा ३ जना व्यक्तिलाई सम्मानित एवं पुरस्कृत गरियो । पोखरामा आयोजित कार्यक्रममा समाजसेवी…
  • प्रहरीले नागरिकसँग कस्तो व्यवहार गर्ने ?

    आदर्श समाज सम्वाददाता चैत्र ५, २०७९
    पोखरा । वडा प्रहरी कार्यालय बैदामका प्रहरी कर्मचारीलाई प्रभावशाली सञ्चार एवं सेवाग्राहीसँग गर्नुपर्ने व्यवहारसम्बन्धी अभिमुखीकरण भएको छ । वडा प्रहरी…

hero news full width