वेगनासमा आजदेखि फिस फेस्टिभल

आदर्श समाज सम्वाददाता
चैत्र २९, २०७४

लेखनाथ, २८ चैत। लेखनाथस्थित होटल तथा रेष्टुरेष्ट एशोसिएसनले लेखनाथ क्षेत्रलाई उत्कृष्ट पर्यटकीय गन्तव्य बनाउने उद्देश्यले बिहीबारदेखि चौथो फिस फेस्टिभल शुरु गर्दैछ । वेगनासतालमा वैशाख १ सम्म चल्ने फेस्टिभलमा २५ वटा स्टल रहनेछन्।

फेस्टिभलमा करिब ७० हजार दर्शकले प्रत्यक्ष अवलोकन गर्ने तथा ४० लाख रुपैयाँको आर्थिक कारोबार हुने आयोजकको अनुमान छ ।

फेस्टिभलमा माछा तथा स्थानीय कृषि उत्पादनबाट बनेका विभिन्न परिकार, मोटरबोटमा ताल सयर तथा बराह मन्दिर दर्शन, माछा रोग शिविर, माछा तथा मह प्रदर्शनी, हेलिकप्टरबाट सात ताल तथा आसपासका पर्यटकीय स्थल अवलोकन, जडिबुटी प्रदर्शन तथा बिक्री, पप कर्न्र्सट, हास्य व्यङ्ग्य तथा दोहोरी, भेषभूषा तथा झाँकी प्रदर्शनी, दौड प्रतियोगिता, पौडी प्रतियोगिता, माछा मार्ने प्रतियोगिता लगायत आकर्षण रहेको एशोसिएसन अध्यक्ष कृष्णप्रसाद तिवारीले जानकारी दिए।

यसैबीच, फेस्टिभलमा आवश्यक सुरक्षा व्यवस्थापनका लागि सरोकारवालाले छलफल गरेका छन् । नयाँ वर्ष पनि भएकोले दर्शक बढ्ने हुँदा समूह बनाएर प्रहरी खटाइने योजना छ ।

कार्यक्रममा फेस्टिभल निर्देशक दुर्गा अधिकारी, निवर्तमान अध्यक्ष दामोदर थापा, हंशपुर इलाका प्रहरी कार्यालयका प्रहरी नायव निरीक्षक कृष्णबहादुर रानाभाट, बेगनासताल युवा क्लबका अध्यक्ष रामबहादुर रानाभाट लगायत बोलेको लेखनाथ सामुदायिक सेवा केन्द्रका अध्यक्ष ज्ञानेन्द्र बजगाईले बताए ।

सम्बन्धित समाचार

प्रेमील गजलकारको भावपूर्ण बिदाइ

आदर्श समाज सम्वाददाता वैशाख ५, २०८१

पोखरा। ‘साँझमा दीयो बालिराख्यौ को आउँदै छ आज ? हातका औँला चालिराख्यौ को आउँदै आज ? हिजो अस्ति उक्किएका घरका…
मिस नेपालको पोखरा अडिसन आज

आदर्श समाज सम्वाददाता वैशाख ३, २०८१

पोखरा । मिस नेपालको पोखरा अडिसन मंगलबारदेखि सुरु हुने भएको छ । द हिडन ट्रेजरले हरेक वर्ष आयोजना गर्दै आएको…
वेद विद्याश्रममा छन्दोबद्ध कविता प्रतियोगिता

आदर्श समाज सम्वाददाता चैत्र ३०, २०८०

पोखरा । पोखरा चिसाखोला वेद विद्याश्रमले रजत महोत्सव सन्दर्भमा प्रदेशव्यापी खुला छन्दोबद्ध कविता प्रतियोगिता भएको छ । प्रतियोगितामा संगम बस्याल…
मदरल्याण्डका शाश्वत निबन्धमा प्रथम

आदर्श समाज सम्वाददाता चैत्र १९, २०८०

पोखरा । को–अपरेटिभ प्रेसिडेन्ट सोसाइटी (कोप्स सेन्टर) आयोजनामा भएको निबन्ध प्रतियोगितामा मदरल्याण्ड माविका छात्र शाश्वत रेग्मी प्रथम भएका छन् ।…
सरसफाइ विज्ञ भूमिको पुस्तक विमोचन

आदर्श समाज सम्वाददाता चैत्र १८, २०८०

दमौली । सरसफाइ विज्ञ नमस्तेलाल भूमिबारेमा लिखित ‘नमस्तेलाल देशभित्र, देशबाहिर’ पुस्तकको आज विमोचन गरिएको छ । तनहुँको बन्दीपुर गाउँपालिका निवासी…