Worldlink ads

पोखराका हिन्दूवादी आन्दोलित 

आदर्श समाज सम्वाददाता
चैत्र २७, २०७४
hindu

पोखरा, २६ चैत युवा सन्त श्रीनिवासाचार्य महाराजमाथि गत शनिबार विराटनगरमा भएको गोली प्रहार घटनाले हिन्दूवादीहरु आन्दोलित भएका छन्।

यसैक्रममा कास्कीमा पनि हिन्दूवादीहरुले घटनाको विरोध गर्दै सोमबार प्रमुख जिल्ला अधिकारीमार्फत सरकारलाई ज्ञापनपत्र बुझाएका छन्।

घटनाको विरोधमा आन्दोलनको अगुवाई गरेको विश्व हिन्दू महासंघका जिल्ला अध्यक्ष शंकर खरालको नेतृत्वमा जिल्ला प्रशासन कार्यालय पुगेको टोलीले प्रजिअ तारानाथ अधिकारीलाई ज्ञापनपत्र बुझाउँदै गोलीप्रहार घटना निन्दनीय भएको र घाइते श्रीनिवासाचार्यको उपचारमा कुनै कसर बाँकी नराख्न सरकारलाई आग्रह गरेको छ।

सनातन हिन्दू राष्ट्र पुनस्र्थापना आन्दोलनका अग्रणी व्यक्तित्व श्रीनिवासाचार्यलाई सुतिरहेको अवस्थामा गोली प्रहार गरिनुले परम्परादेखि एक धर्मले अर्को धर्मलाई गरिँदैआएको सम्मानमा आँच पुर्‍याउने सो घटना निन्दनीय भएको विज्ञप्तिमा उल्लेख छ।

सरकारले सो घटनाको सूक्ष्म अध्ययन गरी यस्ता घटना तत्काल नियन्त्रण नगरे भविष्यमा धार्मिक द्वन्द्वको विरारोपण हुन सक्ने भएकोले सनातन हिन्दूवादीहरुलाई कायरतापूर्वक आक्रमणबाट कमजोर बनाउने दिवास्वप्न नदेख्न चेतावनीसमेत दिइएको छ।

त्यसअघि केदारेश्वरमा भएको पत्रकार सम्मेलनमा घटनाको निन्दा गर्दै आगामी दिनमा यस्ता घटना दोहोर्‍याए आन्दोलनका कार्यक्रमसहित अघि बढ्ने चेतावनी दिइयो।

कार्यक्रम विश्व हिन्दू महासंघ कास्कीका संरक्षक एवं केदारेश्वर महादेवमणि सेवाश्रम समितिका पीठाधीश डा लेखनाथ आचार्यको अध्यक्षतामा भएको महासंघ जिल्ला उपाध्यक्ष पार्वती पौडेलले जानकारी दिइन्।

Related News

सम्बन्धित समाचार

    • आमाको स्मृतिमा बास्तोला परिवारको अक्षयकोष

      आदर्श समाज सम्वाददाता असाेज २५, २०७८
      पोखरा । पोखरा ११, फूलबारीका रामचन्द्र बास्तोला र कृष्णप्रसाद बास्तोला (राजु) ले आमाको स्मृतिमा अक्षयकोष स्थापना गरेका छन् । उनीहरुले…
    • विश्व हिन्दू महासंघको पोखरामा महायज्ञ तयारी

      आदर्श समाज सम्वाददाता असाेज २५, २०७८
      पोखरा । विश्व हिन्दू महासंघ राष्ट्रिय समिति कास्कीको आयोजनामा ॐकार सनातन वैदिक धर्म संकल्प महायज्ञ एवं श्रीमद्भागवत् धर्म जागरण विराट…
    • पोखरामा खसी बजारमा अनुगमन

      आदर्श समाज सम्वाददाता असाेज २५, २०७८
      पोखरा । चाडपर्वमा उपभोक्ता ठगिएको गुनासा आएपछि पोखरा महानगरले बजार अनुगमन सुरु गरेको छ । महानगर उपप्रमुख मञ्जुदेवी गुरुङको नेतृत्वमा…
    • पाल्पाली समाज पोखराको शुभकामना आदानप्रदान

      आदर्श समाज सम्वाददाता असाेज २५, २०७८
      पोखरा । पाल्पाली समाज पोखराले दसैं, तिहार, नेपाल संवत, छठ अवसरमा शुभकामना आदानप्रदान कार्यक्रम गरेको छ। कार्यक्रममा पोखरा विश्वविद्यालयका पूर्व…
    • मेयर मानबहादुर जिसी पोखरा फर्के

      आदर्श समाज सम्वाददाता असाेज २३, २०७८
      पोखरा, २३ असोज । पोखरा महानगरपालिकाका मेयर मानबहादुर जिसी झण्डै २ महिनाको उपचारपछि पोखरा फर्केका छन् । उनी शनिबार पोखरा…

    hero news full width

    Jewellery

    sanil ads

    wordlink ads

    trending post

    ट्रेन्डिङ्ग