पोखरा, २४ चैत। पोखरा स्वास्थ्य विज्ञान प्रतिष्ठान विकास समिति कर्मचारी युनियनको अध्यक्षमा डा ढाकाकुमार श्रेष्ठ सर्वसम्मत निर्वाचित भएका छन्।

युनियनको अध्यक्ष बन्नका लागि ४ जनाले इच्छा देखाएकोमा अन्यले पनि डा श्रेष्ठलाई समर्थन गरेपछि सर्वसम्मतको बाटो खुलेको निर्वाचन समितिका संयोजक डा सुनिल पनेरुले जानकारी दिए।

चैत १२ को भेलामा डा यज्ञराज सिग्देल, शंकर भण्डारी र शिवप्रसाद बास्तोलाले पनि अध्यक्षका लागि इच्छा जनाएका थिए।

समितिको प्रथम उपाध्यक्षमा पशुपति महतो, द्वितीय उपाध्यक्षमा डा तारा गुरुङ, तृतीय उपाध्यक्षमा देवी थापा, सचिवमा रमेश घिमिरे, सहसचिवमा डाकृष्ण बराल र कोषाध्यक्षमा शान्ति खड्का छन्।

त्यस्तै, सदस्यमा डा गोविन्दराज पाण्डे, समीक्षा आचार्य, बुद्वि तामाङ, डा मिलन सिग्देल, विज्ञान सिग्देल र मधु बराल छन्।

अध्यक्षमा निर्वाचित डा ढाकाकुमार श्रेष्ठले अस्पताल विकास समितिअन्तर्गत रहेका करार र अस्थायीलाई स्थायी गर्न तथा लामो समयदेखि स्थायी भएकालाई नियमानुसार पदोन्नतिका लागि पहल गर्ने प्रतिबद्वता व्यक्त गरे।

उनले कर्मचारीमाथिका ज्यादति अन्त्य गर्दै अस्पतालको चौतर्फी विकासमा सहयोग गर्ने उल्लेख गरे।