Worldlink ads

हल्लनचोकदेखि खहरे पूर्ण सरसफाइ क्षेत्र

आदर्श समाज सम्वाददाता
चैत्र १८, २०७४
cleaning

पोखरा, १७ चैत।पोखराको हल्लनचोकदेखि खहरेसम्मको क्षेत्रलाई पूर्ण सरसफाइ क्षेत्र घोषणा गरिएको छ । पोखरा उपत्यका बृहत् सफाइ अभियानअन्तर्गत स्थानीय खहरे आमा समूहको सक्रियतामा १ वर्षसम्म हरेक हप्ता सरसफाई गरी सो क्षेत्रलाई पूर्ण सरसफाई क्षेत्र घोषणा गरिएको हो ।

नागरिक समाज पोखरा र वडा कार्यालय ६ को सहआयोजनामा समूहले शनिबार सरसफाइ क्षेत्र घोषणा गर्दै आफ्नो वाषिर्कोत्सव मनायो । गत वर्ष २०७३ चैत १२ गते तत्कालीन क्षेत्रीय प्रशासक यमकुमारी खतिवडाबाट शुरु अभियान हरेक हप्ता शनिबार चलेको थियो ।

पोखराका मठमन्दिरमा समेत गरी ५८ औं हप्तासम्म समूहले सरसफाइ कार्यक्रम गरेको थियो । घोषणापछि हल्लनचोकदेखि खहरेसम्मको क्षेत्र सरसफाइ क्षेत्र बनेको वडा सदस्य एवं सरसफाइ संयोजक हरिकृष्ण पहारीले बताए।

बृहत् सफाइ अभियानको ९६ औं श्रृंखलाका अवसरमा अख्तियार दुरुपयोग अनुसन्धान आयोगको कार्यालय पोखराका प्रमुख यदुप्रसाद पन्थीले विशेष कार्यक्रमबीच उक्त घोषणा गरेका हुन् ।

घेाषणा गर्नु पूर्व अभियानका संयोजक रामबहादुर पौडेलले वडा अध्यक्ष जगतबहादुर पहारीलाई नेपालकै राष्ट्रिय सम्पदा फेवाताल, ऐतिहासिक रत्नमन्दिर-हिमागृह, चौतारी, खोलानाला, मठ मन्दिर एवं बसुन्धरा-कोमागाने पार्कको उचित संरक्षणसँगै समग्र वडाको नियमित सरसफाइ गर्ने कार्यलाई विशेष प्राथमिकतामा राख्नेछु भन्ने व्यहोराको प्रतिबद्धता पत्र वाचन गराई हस्ताक्षर गराएका थिए ।कार्यक्रममा प्रदेशसभा सदस्य राजीव पहारीले सफाइ अभियानको प्रशंसा गर्दै फेवाताल संरक्षणका लागि आफू कटिबद्ध रहने वाचा गरेका थिए ।

यसअघि नागरिक समाज पोखराका हालै निर्वाचित संयोजक विष्णुहरि अधिकारीले राष्ट्रिय गान बजाई कार्यक्रमको शुभारम्भ गरेका थिए भने वडा अध्यक्ष जगत पहारीले सरसफाइ र राष्ट्रिय भावनाको शपथ गराएका थिए ।

पोखरा लेखनाथ महानगरपालिकाले डष्टबिन प्रायोजनका लागि ३० वटा थुन्से डोको र प्लाष्टिक थैलो, कमल भुजेलले थुन्से र डष्टबिन खहरे आमा समूहलाई प्रदान गरेका थिए।

यस्तै, अमेरिकामा बसोबास गर्ने कमल भट्टराईले अभियानका लागि फोहोरमैला टिप्ने १० थान आधुनिक चिम्टा र ओम डेभलपमेन्ट बैंकले १० प्याकेट डिस्पोजल ग्लोब उपलब्ध गराएका थिए ।

कार्यक्रममा खहरे आमा समूहका अध्यक्ष मैया थापाले उपस्थिति जनसमुदायलाई धन्यवाद ज्ञापन गरेकी थिइन् ।

यसपटकको अभियानमा नेपाली सेना, नेपाल प्रहरी, मुक्तिनाथ विकास बैंक, ओम डेभलपमेन्ट बैंक, ड्यामसाइड टोल विकास संस्था, अभियान महिला समूह, माछापुच्छे्र महिला क्लब, सृजनशील महिला समूह सेदीबगर, धादिङ-त्रिपुरा बाराही आमा समूह, हाम्रो क्रिउ स्काउट समूह, रेन्बो चिल्डे्रन होम, उपकार बचत तथा ऋण सहकारी संस्था, पश्चिमाञ्चल होटल संघ, महिला पर्यटन व्यवसायी मञ्च, सामुदायिक सेवा केन्द्र बैदाम, मितेरी नारी समूह, सामाजिक अभियन्ताहरु केन्द्र बैदाम, मितेरी नारी समूह, सामाजिक अभियन्ताहरु जनप्रतिनिधिहरु लगायत स्थानीय टोलबासीहरुको ऐक्यबद्धता रहेको खहरे आमा समूहका सचिव पम्फा थापाले जानकारी दिइन् ।

९७ औं हप्ताको सफाइ अभियान मणिपाल शिक्षण अस्पतालसँगैको सेती-काली दोभानघाट (रिठ्ठेघाट) हुनेछ ।

Related News

सम्बन्धित समाचार

    • पोखरा घुम्ने बहाना

      विजय नेपाल मंसिर १८, २०७८
      पोखरा । नेपालको प्रमुख पर्यटकीय पोखरा घुम्न यतिबेला बहाना छ । कोही लोक सेवा दिन आएका छन् त कांग्रेसको प्रदेशस्तरको…
    • एसियन फोरमको अन्तक्र्रिया

      आदर्श समाज सम्वाददाता मंसिर १७, २०७८
      पोखरा । वैदेशिक रोजगारीका कमीकमजोरी न्युनीकरणका लागि राज्यलाई नीतिगत पैरवी गर्दै आएको गैरसरकारी संस्था एशिया मानव अधिकार तथा सांस्कृतिक विकास…
    • रोस्टर प्रशिक्षक प्रशिक्षण

      आदर्श समाज सम्वाददाता मंसिर १७, २०७८
      पोखरा । शिक्षा तालिम केन्द्र गण्डकी प्रदेशले रोस्टर प्रशिक्षकका लागि प्रदेशस्तरीय प्रशिक्षक प्रशिक्षण कार्यक्रम गरेको छ । तालिम केन्द्र दमौलीको…
    • लागु औषधसहित २ पक्राउ

      आदर्श समाज सम्वाददाता मंसिर १७, २०७८
      पोखरा । लागु औषध कारोबारमा संलग्न रहेको अभियोगमा कास्की प्रहरीले २ जनालाई पक्राउ गरेको छ । उनीहरुलाई जिल्ला प्रहरी कार्यालय…
    • लायन्स–१९ र २० को जोन बैठक

      आदर्श समाज सम्वाददाता मंसिर १७, २०७८
      पोखरा । लायन्स क्लब इन्टरनेसनल डिष्ट्रिक ३२५ बि १ अन्तर्गत जोन–१९ र २० दोस्रो बैठक पोखरामा सम्पन्न भएको छ ।…

    hero news full width

    sanil ads

    wordlink ads

    trending post

    ट्रेन्डिङ्ग