पोखरा, ११ चैत। साहित्यकार जनार्दनशरण त्रिपाठीको महाकाव्य ‘नेपालश्री’ को नाममा पुरस्कार कोष घोषणा भएको छ। पोखरामा आइतवार एक समारोहको आयोजना गरी १५ लाख रूपैयाँको पुरस्कार कोषको घोषणा गरिएको हो।
विभिन्न क्षेत्रमा पुरस्कार प्रदान गर्ने उद्देश्यले स्थापित उक्त कोषको व्याजबाट हाललाई प्रत्येक वर्ष वाङ्मयको क्षेत्रमा ५१ हजारको सम्मान पुरस्कार र १० हजार रूपैयाँको प्रोत्साहन पुरस्कार प्रदान गर्ने लक्ष्य राखिएको छ।
प्रत्येक वर्ष वृद्धि गर्दै लगिने तथा अन्य महानुभाव र संस्थाले पनि सघाउन सक्ने उक्त कोषमा शनिवार नै एशिया फोरमले २५ हजार रूपैयाँ प्रदान गरेको छ।
समारोहमा प्रमुख अतिथिको आसनबाट नेपाल संगीत तथा नाट्यप्रज्ञा प्रतिष्ठानका कुलपति सरुभक्तले राष्ट्रिय सम्पदाको दर्पणको रूपमा रहेको कृति नेपालश्रीको नाममा स्थापित पुरस्कार कोषको घोषणा महत्वपूर्ण र ऐतिहासिक भएको उल्लेख गर्दै गरिमामय बन्ने विश्वास व्यक्त गरे।
उनले साहित्यकार त्रिपाठीको नेपालश्री महाकाव्य देशको सम्पदा कोष भएको बताए।
महाकाव्यकार माधव वियोगीले उक्त पुरस्कार कोष घोषणाले महाकाव्यप्रति आकर्षण बढाएको चर्चा गरे।
पत्रकार बद्रीविनोद प्रतीकले कृतिको नामबाट स्थापित पुरस्कारको सम्मान बढ्ने बताए।
डा कृष्ण अधिकारीले साहित्यिक सेवाको दृष्टिले स्थापित पुरस्कार ओजपूर्ण हुने उल्लेख गरे।
एशियन फोरमका अध्यक्ष लक्ष्मण बानियाँ क्षत्रीले विदेशबाट फर्केका युवाको संगठन फोरमले देशको लागि केही सहयोग पुर्याउने सोचका साथ कार्य गर्दै आएको बताए।
समारोहमा अध्यक्षको आशनबाट कोषका अध्यक्ष अरुणस्तोम त्रिपाठीले नेपालश्री कृतिले देखाएको मार्गर्दर्शनबाट अभ्रि्रेरित भएर पुरस्कार स्थापना गरिएको जानकारी दिए ।
स्वागत मन्तव्य राख्दै उपाध्यक्ष डा बाबुराम अधिकारीले नेपालश्री महाकाव्य २०६४ कात्तिक २२ मा सार्वजनिक गरिएको बताउँदै महाकाव्यमा १० हजार ७ सय ७६ श्लोक रहेको उल्लेख गरे । उनले महाकाव्यकार जनार्दनशरण त्रिपाठीका कृतिको बिक्रीबाट संकलित रकम पनि कोषमा जम्मा हुने जानकारी दिए।
उक्त समारोहमा साहित्यकार डा जगन्नाथ रेग्मी, शाल्रि्राम आचार्य, छविलाल आचार्य, नारायण मरासिनी, आवाज शर्मा, छन्दिका घिमिरे, आर्या त्रिपाठीले रचना वाचन गरेका थिए।
कार्यक्रम सञ्चालन महासचिव छन्दमणि त्रिपाठीले गरेका थिए।
Related News
सम्बन्धित समाचार
कतारी अमिरलाई ‘रुद्रकली’ र ‘खगेन्द्रप्रसाद’ !
फेवातालमा दुर्घटनामा परेका ५ जनाको उद्धार
लोकतन्त्रका १८ वर्ष : लोकतन्त्रले छोएन लोकलाई
गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
कतारी राजा नेपाल आउने दिन भोलि सार्वजनिक बिदा
hero news full width
मुख्य समाचार
कामचलाउ सरकारको आयु लम्बियो
गण्डकी सरकार विरुद्धको रिट सपना र सारंगाको बेन्चमा
वैशाख १०, २०८१मुग्लिन–पोखरा सडक विस्तार : म्याद सकियो, काम अधुरै
वैशाख १०, २०८१कास्कीका सहकारी पीडित एउटै मोर्चामा : बन्यो संयुक्त संघर्ष समिति
वैशाख १०, २०८१अधिकारी सरकारको भविष्य के होला ? सर्वाेच्चमा सुनुवाइ आज
वैशाख १०, २०८१कास्कीका सहकारी पीडित एउटै मोर्चामा, बन्यो संयुक्त संघर्ष समिति
वैशाख ९, २०८१