पोखरा, ११ चैत । पोखराका गजलकार मन क्षेत्री र नेपालगञ्जका हुकुम धड्कनले पोखरामा शनिबार गजलको मेहफिल जमाए ।

उनीहरुको गजलले हिमालयन रिर्र्डस कर्नरको हलमा दर्शकको धड्कनमात्रै बढाएन, ताली र वाहवाहीको वषा नै ल्याइदियो।

गजल सन्ध्या पोखराले विशेष गजल वाचन नाम दिएर दुर्इ गजलकारलाई एउटै मञ्चमा उभ्याएको थियो। सन्ध्याले महिनाको तेस्रो शनिबार गर्दै आएको नियमित वाचनको १ सय ७७ औं शृंखलामा मन र हुकुमलाई विशेष गजल वाचनको रुपमा पोखरेली पारखीसामु प्रस्तुत गरेको हो।

गजलकार घड्कनले पोखरेली र आसपासका ठाउँबाट गजल सुन्न पुगेका पारखीको मन जिते। शुरुमै गजल वाचनमा खरो उत्रिएका हुकुमले कार्यक्रम अवधिभर दर्शकको मन जिते।पोखरेली दर्शकसामु परिचित गजलकार मनले गजलका नयाँ-नयाँ शैली र स्वादका गजल पस्िकएर मन जिते। उनले सामाजिक विसंगति, मानवीय संवेदनालाई गजलमार्फत सुनाए। राजनीतिक खिचातानी, देशको पछौटेपन, वेरोजगारी र प्रेमलाई गजलका शेरमार्फत सुनाउँदा मनले दर्शकको पनि मन जिते। मनले गजलमार्फत घरि भावुक बनाए, घरि हास्योको फोहोरा छुटाए। घरि देश, माटो र राजनीतिक परिस्थित्रि्रति गम्भीर बनाए।

खेती योग्य जमिन कंक्रिटको जंगल बन्दै गएको र मानवीय अतिक्रमणले खुम्चिँदै गएकोप्रति उनले गजलका शेरमार्फत व्यंग्य गर्दा दर्शकले तालीले थप उत्साही बनाए। १०/१० गजल वाचन गर्न मञ्चमा उक्लेका मन र धड्कनले दर्शकको आग्रहले थप गजल नसुनि धरै पाएनन्। सन्ध्याका अध्यक्ष अमृत सुवेदीले यस श्रृंखलासम्म आइपुग्दा गजल सन्ध्याले गजलको राजमार्गलाई फराकिलो बनाउँदै आएको बताए।