नागबेली टोल विकास संस्थाको अध्यक्षमा गिरीको निरन्तरता

आदर्श समाज सम्वाददाता
चैत्र १२, २०७४
nagbeli

पोखरा, ११ चैत। पोखरा लेखनाथ महानगरपालिका वडा ८ स्थित नागबेली टोल विकास संस्थाको छैटो साधारणसभा तथा तेस्रो अधिवेशनले पुनः शारदा गिरीको अध्यक्षतामा नयाँ कार्यसमिति चयन गरेको छ।

समितिको उपाध्यक्षमा गीता पौडेल, सचिवमा खेमराज गिरी, कोषाध्यक्षमा करुणा श्रेष्ठ, सहसचिवमा इ आनन्द सापकोटा छन्।

सदस्यमा अनिल गुरुङ, लइनबहादुर गुरुङ, जमुना पौडेल, बुद्विलाल श्रेष्ठ, अल्पना श्रेष्ठ, गङ्गाराम पुरी, रमा ढकाल, दीलमाया पौडेल, लक्ष्मी पराजुली र मीनबहादुर राना छन्।तारा सापकोटा संयोजक र केवि थापा सदस्य रहेको निर्वाचन समितिले निर्वाचन प्रक्रिया गराएको थियो।साधारणसभाले सचिव खेमराज गिरीले प्रस्तुत गरेको वाषिर्क र कोषाध्यक्ष करुणा श्रेष्ठले प्रस्तुत गरेको आर्थिक प्रतिवेदन पारित गरेको छ। त्यस अवसरमा उत्कृष्ट बचतकर्ता हिरा थापा, लालबहादुर गुरुङ, मीनबहादुर केसी र ८० वर्षे ज्येष्ठ नागरिक बमबहादुर सेनलाई सम्मान गरिएको थियो।

साधारणसभा उद्घाटन गर्दै प्रदेश ४ का सांसद बिन्दुकुमार थापाले हरेक व्यत्तिले सभ्य समाज निर्माणका लागि भूमिका खेल्नुपर्नेमा जोड दिए। उनले जनताका आवश्यकताका काम गर्ने उल्लेख गरे।नागढुङ्गा विकास समाजका अध्यक्ष राजेन्द्रमान श्रेष्ठले टोलको विकास र पहिचानका लागि सबै मिलेर अघि बढ्नुपर्नेमा जोड दिए।

कार्यक्रममा आदर्श समाज दैनिकका कार्यकारी सम्पादक नवीन सिग्देल, समाजसेवी टेकन गिरी, ज्ञानेन्द्र शर्मा, प्रतिभा मार्ग टोल विकास संस्थाका अध्यक्ष डिल्लीराज पौडेल, पृथ्वी होटल व्यवसायी समितिका अध्यक्ष कमल न्यौपाने, नारी परोपकार केन्द्रका उपाध्यक्ष राधाकुमारी शर्मा, मिलिजुली आमा समूहकी अध्यक्ष कृष्णकुमारी खड्का, एयरपोर्ट टोल विकास संस्थाकी अध्यक्ष कमला श्रेष्ठ र संस्थाकी सदस्य तारा सापकोटाले बोलेका थिए।

नागबेली टोल विकास संस्थाकी अध्यक्ष शारदा गिरीको अध्यक्षतामा भएको कार्यक्रममा उपाध्यक्ष गीता पौडेलले स्वागत र सदस्य आनन्द सापकोटाले सञ्चालन गरेका थिए।

Related News

सम्बन्धित समाचार

  • पाेखरा नयाँबजारमा श्रीमद्भागवत् ज्ञानमहायज्ञ जारी

    आदर्श समाज सम्वाददाता वैशाख ६, २०८१
    पोखरा । पोखराको नयाँबजारमा नयाँ वर्षदेखि सुरु भएको श्रीमद्भागवत् सप्ताह ज्ञानमहायज्ञ–२०८१ जारी छ । महायज्ञमा विविध कार्यक्रमले नयाँबजारस्थित प्रदर्शनी केन्द्र…
  • प्रकट पगेनी ‘शिव’ को निधन

    आदर्श समाज सम्वाददाता वैशाख ४, २०८१
    पोखरा। गजलकार एवं गीतकार प्रकट पगेनी ‘शिव’ को निधन भएको छ । जण्डिस र निमोनियाबाट गम्भीर बिरामी उनको मणिपाल शिक्षण अस्पतालमा…
  • नयाँ वर्षमा एगाको सहयोग

    आदर्श समाज सम्वाददाता वैशाख ३, २०८१
    पोखरा । इम्ब्रोइडरी एन्ड गार्मेन्ट एसोसिएसन (एगा) पोखराले नयाँ वर्ष २०८१ का अवसरमा शुभकामना आदानप्रदान एवम् शैक्षिक सामग्री सहयोग गरेको…
  • दरौंखोला समाजको भित्तेपात्रो

    आदर्श समाज सम्वाददाता वैशाख ३, २०८१
    पोखरा दरौंखोला सामीप्य समाजको भित्तेपात्रो विमोचन एवं नयाँ वर्षको शुभकामना आदानप्रदान शनिबार पोखरामा गरिएको छ । स्याङ्जाको दरौंखोला आसपासबाट पोखरामा…
  • भुलभुला देवीमा ट्रस्ट भवन उद्घाटन

    आदर्श समाज सम्वाददाता वैशाख ३, २०८१
    पोखरा । पोखरा ३३ पुडिटारस्थित भुलभुला देवी मन्दिरको परिसरमा निर्मित ट्रस्ट भवन एक कार्यक्रमबीच उद्घाटन गरिएको छ । पोखरा ३३…

hero news full width