Worldlink ads

रामनवमीको भव्य तयारी

पहिलो महिला महामण्डलेश्वर हेमानन्दलाई सम्मान गरिँदै

आदर्श समाज सम्वाददाता
चैत्र ९, २०७४
ram mandir

पोखरा, ८ चैत । राम मन्दिर सञ्चालक समिति र विश्व हिन्दू महासंघ, कास्की शाखाको संयुक्त आयोजनामा रामनवमी पर्व भव्य रुपमा मनाइने भएको छ । उक्त अवसरमा पहिलो महिला महामण्डलेश्वर हिमानन्द गिरिजी महाराजलाई सम्मान गरिने कार्यक्रम छ ।

पोखरामा बिहीबार आयोजित पत्रकार सम्मेलनमा राम मन्दिर सञ्चालक समिति अध्यक्ष लिलाभक्त आचार्यले समाजमा सुसंस्कार बसाल्न रामनवमी पर्वलाई राष्ट्रिय पर्वको रुपमा मनाउनुपर्नेमा जोड दिए ।

विश्व हिन्दू महासंघ कास्की अध्यक्ष शंकर खरालले रामनवमी हिन्दूको महान पर्व भएकाले राम मन्दिर सञ्चालक समितिसँगको सहकार्यमा यस वर्ष भव्य रुपले मनाइने बताए ।

खरालले भने, ‘हिन्दू धर्म संस्कृतिमाथि धावा बोल्नेमाथि सचेतना ल्याउन पर्व विशेष बन्नेछ।’

श्रीराम मन्दिरको धार्मिक मूल्यमान्यता उत्थान तथा वैदिक सनातन हिन्दू धर्मको संरक्षण र सर्म्बर्द्धन गर्ने, उद्देश्यअनुरुप मन्दिरले स्थापनाकालदेखि सो पर्व मनाउने गरेकोमा यस वर्ष पहिलो महिला महामण्डलेश्वर शंकराचार्य हिमानन्द गिरिजी महाराजको प्रमुख आतिथ्यमा अझ भव्य बन्ने उनले बताए ।

पर्व अवसरमा भगवान् प्रतिमा रथमा राखी रथयात्रा गरी नगर परिक्रमा गरिने छ । रथयात्रा बिरौटास्थित मन्दिरदेखि शुरु भै बिरौटा, राष्ट्रबैकचोक, रत्नचोक, सृजनाचोक, पृथ्वीचोक, एयरपोर्ट हुँदै पुनः मन्दिर पुग्नेछ । कार्यक्रममा हेलिकोप्टरबाट पुष्पवृष्टिको समेत तयारी गरिएको छ । रथयात्रामा सहभागी हुने समूह भजन टोली, झाँकीको मूल्यांकन गरी उत्कृष्टलाई पुरस्कृत गरिने जनाइएको छ ।

मन्दिर सञ्चालक समिति सचिव पुण्डरीप्रसाद बरालले धार्मिक पर्यटनको विकासका साथै धर्म संस्कृतिको जगेर्नाका लागि यस कार्यक्रमले महत्वपूर्ण भूमिका निर्वाह गर्ने बताए ।

स्वतन्त्र पत्रकार संघका केन्द्रीय अध्यक्ष कृष्णप्रसाद बास्तोलाले भगवान् रामले देखाएको असल बाटो अनुशरण गर्न सकेमात्र समाज सकारात्मक हिसाबले परिवर्तित अवस्थामा जाने बताए । उनले रामनवमी पर्वलाई सहभागिताको रुपमा मात्र नहेरी सांस्कृतिक पक्षको निरन्तरताको रुपमा हेर्र्नुपर्ने बताए।

पत्रकार महासंघ कास्की उपाध्यक्ष विमला भण्डारीले विभिन्न सामाजिक, धार्मिक, राजनीतिजस्ता विषयलाई पहिलो प्राथकितामा राख्ने हुनाले स्वतःस्फूतरुपमा रामनवमी पर्वलाई विशेष रुपमा सहयोग गर्ने प्रतिबद्धता व्यक्त गरिन् ।

मन्दिर सञ्चालक समिति अध्यक्ष लिलाभक्त आचार्यको अध्यक्षतामा भएको कार्यक्रमा उपाध्यक्ष रुद्रनाथ बरालले स्वागत  र सचिव पुण्डरीप्रसाद बरालले सञ्चालन गरेका थिए । सो दिन विश्व हिन्दू महासंघ कास्कीको अधिवेशनसमेत हुने प्रचारप्रसार उपसंयोजक रामजीप्रसाद बरालले बताए।

Related News

सम्बन्धित समाचार

    • अशक्तलाई घरमै नागरिकता

      रासस असाेज ३, २०७८
      सप्तरी । शारीरिकरुपमा अशक्त एक महिला र उहाँका श्रीमान्लाई जिल्ला प्रशासन कार्यालय सप्तरीले आज घरमै गएर नेपाली नागरिकता प्रमाणपत्रको प्रतिलिपि…
    • दुःख र छाप्रामै थलिए राउटे

      रासस असाेज ३, २०७८
      कर्णाली । चिसो भुइँमाथि पातलो खुइलिएको म्याट । बुढ्यौलीले शरीर दिनप्रतिदिन चाउरिँदैछ । शरीर ढाक्ने कपडा छ न पानीबाट ओत…
    • राष्ट्रपतिद्वारा ९०३ जनालाई विभूषण प्रदान

      आदर्श समाज सम्वाददाता असाेज ३, २०७८
      काठमाडाैं । संविधान दिवसका अवसरमा राष्ट्रपति विद्यादेवी भण्डारीले ९०३ जनालाई विभिन्न विभूषण, अलङ्कार र पदक प्रदान गर्नुभएको छ । नेपालको…
    • दशैं तिहारका लागि अग्रिम टिकट खुलाइने

      रासस असाेज १, २०७८
      काठमाडौं । सरकारले दशैँ, तिहार, छठलगायत चाडपर्वमा घर जान चाहने नागरिकलाई लक्ष गरी यही १०/११ गतेदेखि अग्रिम टिकट खुलाउने भएको…
    • हतारमा विद्यालय नखोल्न निर्देशन

      रासस भाद्र ३०, २०७८
      काठमाडौं । स्वास्थ्य तथा जनसङ्ख्या मन्त्रालयले हतारमा विद्यालय सञ्चालन नगर्न निर्देशन दिएको छ । शिक्षा, विज्ञान तथा प्रविधि मन्त्रालय कोभिड–१९…

    hero news full width

    Jewellery

    sanil ads

    wordlink ads