Worldlink ads

प्रदेश ४ मा नेपाली रेडियो नेर्टवर्क सञ्जाल

आदर्श समाज सम्वाददाता
फागुन २९, २०७४
photo hemja

हेमजा, २८ फागुन। प्रदेश ४ मा नेपाली रेडियो नेर्टवर्कको सञ्जाल स्थापना गरिएको छ।

पोखरामा सम्पन्न प्रदेशस्तरको रेडियोको भेलाले रेडियो हेमजा पोखराका स्टेशन म्यानेजर परशुराम अधिकारीको संयोजकत्वमा समिति गठन गरेको हो।

समिति सहसंयोजकमा तीर्थ केसी (रेडियो सार्थक) र सदस्यमा दीपेश कडरिया, भूमि सुवेदी, छविलाल पाण्डे, दीपक श्रेष्ठ, गोपाल छन्त्याल, शंकर शर्मा, रमेश गोदार र पवन पौडेल रहेका छन्। समिति संरक्षक किशोरजंग थापा र ओमप्रकाश घायल रहेका छन्।

उक्त भेलाले गठित सञ्जालले प्रदेशस्तरीय समाचार बुलेटिन दैनिक उत्पादन गरी नेपाली रेडियो नेर्टवर्क मार्फत प्रदेशका सबै रेडियोबाट प्रसारण गर्ने, नेपाली बहसमा स्थानीय विषयलाई पनि उठान गर्ने, राष्ट्रिय/अन्तर्राष्ट्रिय निकायबाट सहयोग जुटाएर स्थानीय रेडियोलाई पनि उक्त सहयोग आदानप्रदान गर्ने, वान सीटी वान रेडियोको नीति कडाइसाथ कार्यान्वयन गर्ने लगायत महत्वपूर्ण निर्णय पनि गरेको छ।

त्यस्तै, साँझ ६ बजे जिल्लाका खबर र रिपोर्टलाई प्राथमिकता दिने, नेपाली खबरमा पनि प्रदेशका खबरका लागि केही व्यवस्था गर्ने, सहयात्री रेडियोबीचमा क्षमता विकाससम्बन्धी कार्यक्रम सञ्चालन गर्ने, राम्रा कार्यक्रम एक अर्कामा आदानप्रदान गर्ने र  विशेष घटनामा प्रत्यक्ष प्रसारण गर्ने निर्णय पनि गरेको नेर्टवर्कका अध्यक्ष ऋषि धमलाले जानकारी दिए।भेलालाई सम्बोधन गर्दै नेपाली रेडियो नेर्टवर्कका अध्यक्ष धमलाले रेडियोलाई पनि केन्द्र, प्रदेश र स्थानीय तहमा गरी विभाजन गरिनुपर्नेमा जोड दिए। उनले नेपाली रेडियो नेर्टवर्कले आवाजविहीन जनताका आवाज समेट्दै जाने प्रतिबद्घता व्यक्त गरे ।

कार्यक्रममा नेर्टवर्कका प्रबन्ध निर्देशक अमृत अधिकारी र समाचार निर्देशक जीवन भण्डारीले सहजीकरण गरेका थिए।

नेपाली रेडियो नेर्टवर्कका अध्यक्ष धमलाको अध्यक्षतामा सम्पन्न उक्त कार्यक्रम नेर्टवर्कका प्रबन्ध निर्देशक अधिकारी र समाचार निर्देशक भण्डारीले संयुक्त सञ्चालन गरेका थिए।

Related News

सम्बन्धित समाचार

    • नव सिद्धार्थ सहकारीमा भवानी माकाजु

      आदर्श समाज सम्वाददाता पौष २९, २०७८
      हेमजा।पोखरा महानगरपालिका–८, वगालेटोल स्थित नव सिद्धार्थ महिला बचत तथा ऋण सहकारी संस्था लि.को बुधवार सम्पन्न विशेष साधारणसभाले भवानी माकाजुको अध्यक्षतामा…
    • नेप्सेमा दोहोरो अङ्कको वृद्धि

      रासस पौष २६, २०७८
      काठमाडौं । धितोपत्र बजारमा शेयर कारोबार मापक नेप्से परिसूचक आज पनि दोहोरो अङ्कले उकालो लागेको छ । नेपाल स्टक एक्सचेञ्जका…
    • लेखनाथमा अनाधिकृत व्यवसाय निरुत्साहित गरिने

      आदर्श समाज सम्वाददाता पौष २६, २०७८
      पोखरा । लेखनाथ उद्योग वाणिज्य संघले नेपाल सरकारको कुनै पनि निकायमा दर्ता नगरी बिना इजाजत सञ्चालनमा आएका व्यवसायलाई निरुत्साहित गर्ने…
    • शुभ चेरिस्मा इम्पोरियम पुन सञ्चालनमा

      आदर्श समाज सम्वाददाता पौष २६, २०७८
      पोखरा । पोखराको न्युरोडमा शुभ चेरिस्मा इम्पोरियम पुन सञ्चालनमा आएको छ । केही समय बन्द रहेर पुन सञ्चालनमा आएको इम्पोरियमको…
    • नेप्सेमा उच्च अङ्कको वृद्धि

      रासस पौष २५, २०७८
      काठमाडौं । शेयर कारोबार हुने साताको पहिलो दिन आज कारोबार मापक नेप्से परिसूचक उच्च अङ्कले बढेको छ । नेपाल स्टक…

    hero news full width