छैटौं पेक इञ्जिनियरिङ एक्स्पो शुरु

आदर्श समाज सम्वाददाता
फागुन २५, २०७४
pec prakash

पोखरा, २४ फागुन । इञ्जिनियरिङका विद्यार्थीको प्रयोगात्मक अभ्यासलाई जोड दिन पोखरा इञ्जिनियरिङ कलेजले बिहीबारदेखि छैटौं पेक इञ्जिनियरिङ एक्स्पो थालेको छ ।

मेला उद्घाटनमा बोल्दै पोखरा लेखनाथ महानगरका मेयर मानबहादुर जिसीले पोखरालाई प्रविधिमैत्री शहर बनाउने बताए । उनले विज्ञान र प्रविधिका क्षेत्रमा काम गरेका कलेजसँग सहकार्य गरेर प्रविधिमैत्री शहर बनाउन पहल थाल्ने बताए ।

पोखरा विश्वविद्यालय विज्ञान तथा प्रविधि संकायका डीन वुद्धिराज जोशी, इञ्जिनियरिङ अध्ययन संस्थान  पश्चिमाञ्चल क्याम्पसका प्रमुख रामप्रसाद पौडेल, सिँचाइ डिभिजन कार्यालयका इञ्जिनियर तुलसी भट्टराई, कलेजका संस्थापक प्रिन्सिपल लेखबहादुर गुरुङ, कलेजका रिर्र्सच एण्ड डेभलपमेन्ट चिफ सरोज गिरी, विद्यार्थी प्रतिमा गुरागाईं, स्मृति बराल र विनायक पौडेलले बोलेका थिए । इञ्जिनियरिङ, विज्ञान तथा प्रविधिको नयाँ खोजमा सघाउने उद्देश्यले दुर्इदिने प्रदर्शनी गरिएको हो । विद्यार्थीले विकसित गरेका नयाँ प्रविधि उद्यमी तथा व्यवसायीबीच प्रस्तुत गर्न मेला आयोजना गरिएको प्रिन्सिपल गुरुङले बताए ।

प्रदर्शनीमा ४० भन्दा बढी परियोजना राखिने कलेजका व्यवस्थापक चिजकाजी गुरुङले जानकारी दिए । उनका अनुसार सार्वजनिक सवारीमा विद्यार्थी छुटको लागि प्रयोगमा ल्याइएका परिचयपत्र परीक्षण गर्ने मिस्टर स्क्यान, ट्राफिक बत्ती कन्ट्रोलर, विद्युतीय खपत रोक्ने प्रविधि, भूकम्पप्रतिरोधी भवनको नमूना लगायत प्रदर्शनीका मुख्य आकर्षणको रुपमा रहने छ ।

Related News

सम्बन्धित समाचार

  • मानव सेवा आश्रमको महायज्ञमा दाताको ओइरो

    आदर्श समाज सम्वाददाता माघ २३, २०७९
    हेमजा । हेमजामा जारी श्रीमद्भागवत ज्ञानविज्ञान महायज्ञकमा आधा करोड बढी रुपैयाँ संकलन भएको छ । बावियाँतरास्थित मानव सेवा आश्रमको निर्माणाधीन…
  • पार्किङ खुलाको सूचना, निषेधको उद्घाटन

    आदर्श समाज सम्वाददाता माघ २३, २०७९
    पोखरा । पोखराका मुख्यबजारमा पार्किङ निषेध गर्ने पोखरा महानगरपालिका यातायात व्यवस्थापन समितिको गत साताको निर्णयले धेरै आश्चर्यमा परे । १६…
  • पोखराको रोकिएको नगरसभा सोमबारदेखि हुने

    आदर्श समाज सम्वाददाता माघ २२, २०७९
    पोखरा । पोखरा महानगरपालिकाको १२ औं नगरसभा हुने भएको छ । पुस २६ गते स्थगित भएको नगरसभा सोमबारका लागि बोलाइएको…
  • हेमजा युनाइटेडमा राजेश

    आदर्श समाज सम्वाददाता माघ २२, २०७९
    हेमजा । हेमजा युनाइटेडको शनिबार छैटौं वार्षिक साधारणसभा तथा चौंथो अधिवेशनले राजेश त्रिपाठीको अध्यक्षतामा नयाँ कार्यसमिति चयन गरेको छ ।…
  • गुणस्तरीय सौन्दर्य सामग्री बेच्न आग्रह

    आदर्श समाज सम्वाददाता माघ २२, २०७९
    पोखरा । कस्मेटिक व्यवसायी संघ कास्कीले आफ्ना सदस्यलाई गुणस्तरीय सामान बिक्रीका लागि अनुरोध गरेको छ । संघको शनिबार नवौं वार्षिक…

hero news full width