Worldlink ads

महिला दिवसमा प्रजनन् स्वास्थ्य सम्मेलनको तयारी

आदर्श समाज सम्वाददाता
फागुन २२, २०७४
Mahila Diwas `1

पोखरा , २१ फागुन । १०८ औं अन्तराष्ट्रिय महिला दिवसको सर्न्दर्भमा महिला ससक्तिकरण नेपालको आयोजनामा पोखरामा अन्तराष्ट्रिय महिला स्वास्थ्य सम्मेलनको तयारी गरिएको छ। संस्थाले संयुक्त रुपमा सोमबार आयोजना गरेको पत्रकार सम्मेलनमा उक्त जानकारी दिइएको हो।

महिला विकासको लागि सबैभन्दा पहिला उनीहरु शारिरीक र मानसिक रुपमा स्वस्थ रहनु पर्छ भन्ने मान्यतामा यो वर्ष महिलाको स्वास्थ्यलाई प्राथमिकतामा राखिएको संयोजक तथा महिला ससक्तीकरण नेपालकी संस्थापक अध्यक्ष लक्की कार्की क्षेत्रीले जानकारी दिइन्।

महिलाको स्वास्थ्यमा पनि प्रजनन स्वास्थ्यप्रति उचित चासो हुनुपर्ने कार्यक्रममा कार्कीले बताइन्। सोही अनूरुप उक्त स्वास्थ्य सम्मेलनमा महिलाको प्रजनन स्वास्थ्य सम्बन्धी समस्यामध्येको एक महिनावारी संबन्धी समस्याबारे छलफल तथा सरोकारवालाहरुको प्रस्तुती रहनेछ।

उक्त सम्मेलनमा महिनवारी हुँदा बिद्यार्थी, शिक्षिका, कानूनव्यवसायी, स्वस्थ्यकर्मी र ट्रेकिङ गाइडले भोग्नुपर्ने समस्याबारे छुट्टाछुट्टै कार्यपत्र प्रस्तुत गरिनेछ । उक्त कार्यपत्र प्रस्तुत गर्नका लागि संबन्धित विषयमा बिज्ञ व्यक्तित्वहरु झिकाइने  कार्कीले जानकारी दिइन्।

अमेरिकी संस्था ब्याक प्याकिङ फर बेटीको सहयोगमा उक्त सम्मेलन हुन लागेको हो। सो संस्थाका संस्थापक काराले भूकम्पपश्चात नेपाल भ्रमणमा मानव स्वास्थ्य केन्द्रीत बिषय जटिल अबस्थामा रहेका कारण सो क्षेत्रमा केही योगदान गर्नेर्र् इच्छा जागेको बताउँदै अन्तराष्ट्रिय महिला दिवसमा महिनावारी र महिलाको स्वास्थ्य बिषयक कार्यक्रममार्फत जनचेतना जगाउनका लागि सहकार्य गरेको बताइन्।

रेडियो जननी ९०.६ का स्टेशन म्यानेजर बिमला भण्डारीले यस बर्ष ‘आर्थिक शसक्तिकरण सहितको सामाजिक जागरण ग्रामीण तथा शहरी महिलाको जिवनस्तर रुपान्तरण’ भन्ने राष्ट्रिय नाराका साथ यो दिवस मनाइदै गर्दा महिलाको स्वास्थ्य केन्द्रीत बिषयसमेत संवेदनशील बिषय भएकोले यस्ता कार्यक्रमले सामाजिक रुपान्तरणका लागि महत्वपूर्ण भूमिका निर्वाह गर्ने बताइन्।

सम्मेलन आगामी फागुन २६ गते हुनेछ र पोखराका बिभिन्न बिद्यालयका ५० जना बिद्यार्थीसहित अन्य जिल्लाबाट समेत गरी सयभन्दा बढी बिद्यार्थी र सरोकारवालाको सहभागिता रहनेछ।

कार्यक्रममा “बेचिएकी” नामक बृतचित्र लगायत अन्य महिला हिंस्ाा बिरुद्धका जनचेतनामूलक प्रस्तुतीकरण रहने आयोजकले जनाएको छ।

उक्त कार्यक्रम पर्यटन ब्यबसायी महिला संघ र थ्रि सिस्टर एडभेन्चर ट्रेकिङको संयोजनमा सम्पन्न हुने महिला शसक्तिकरण समाज नेपालका अध्यक्ष डिक्की कार्कीले बताइन्। कार्यक्रमको मिडिया संयोजन रेडियो जननी ९०.६ ले गरेको छ।

Related News

सम्बन्धित समाचार

    • कोरोनाले लोककवि अलिमियाँ फुटबल प्रतियोगिता स्थगित

      आदर्श समाज सम्वाददाता माघ १, २०७८
      पोखरा । कोरोना महामारीको प्रभावका कारण तेस्रो लोककवि अलिमियाँ स्मृति खुला सेभेन ए साइड फुटबल प्रतियोगिता स्थगित भएको छ। आयोजक…
    • ज्येष्ठ नागरिकको स्वास्थ्य परीक्षण

      आदर्श समाज सम्वाददाता पौष २७, २०७८
      हेमजा । पोखरा हेमजा निवासी ज्येष्ठ नागरिक स्वास्थ्य परीक्षण गरिएको छ । वडास्तरीय ज्येष्ठ नागरिक समितिले विशेष भेलाको आयोजना गरी…
    • प्रहरीद्वारा मास्क वितरण

      आदर्श समाज सम्वाददाता पौष २७, २०७८
      पोखरा । पोखराको तुल्सीघाटस्थित अस्थायी प्रहरी बिटका प्रहरी तथा समाजसेवीको सहयोगमा १ हजार ५ सय मास्क वितरण गरिएको छ ।…
    • महिला उद्यमी संघको साक्षरता

      आदर्श समाज सम्वाददाता पौष २७, २०७८
      पोखरा । महिला उद्यमी संघ नेपाल कास्कीले सातौं साधारण सभा अवसरमा कानुनी एवं बैंकिङ साक्षरता कार्यक्रम गरेको छ । कार्यक्रममा…
    • पेन्सन वितरण कार्यालयमा रक्तदान

      आदर्श समाज सम्वाददाता पौष २७, २०७८
      पोखरा । भारतको ७५ औं स्वतन्त्रता दिवस सन्दर्भमा भारतीय राजदूतावास पेन्सन वितरण कार्यालय, पोखराले सोमबार रक्तदान एवं निशुल्क स्वास्थ्य शिविर…

    hero news full width