Worldlink ads

महिलालाई ट्राफिक सचेतनासँगै गाडी सिकाइँदै

आदर्श समाज सम्वाददाता
फागुन १६, २०७४
28643003_1894883230531101_144743149_o

पोखरा, १५ फागुन।  सामाजिक जागरणका लागि नारी अभियानले पोखरामा महिलालाई ट्राफिक सचेतनासँगै गाडी सिकाउने अभियान शुरु गरेको छ।

पोखरामा मंगलबार आयोजित कार्यक्रममा मानव सेवा आश्रमको परिचयात्मक कार्यक्रमसँगै गाडी सिकाउने अभियान शुरुवात गरिएको पत्रकार महासंघ पूर्व केन्द्रीय सदस्य समेत रहेकी सामाजिक जागरणका लागि नारी अभियानकी अध्यक्ष सुष्मा पौडेलले जानकारी दिइन् ।

कार्यक्रम उद्घाटन गर्दै प्रमुख अतिथि प्रदेश ४ का उपसभामुख सृजना शर्माले मानवसेवा नै सबै मानिसको कर्त्तव्य भएको बताइन् । उनले सेवामा जस्तो आनन्द अरु कार्यमा नहुने बताइन्। उनले मानव सेवा आश्रमले गरेको सेवा र सामाजिक जागरणले समाज र महिलाका लागि गरेका गतिविधिको प्रशंसा गरिन्।

यस्तै, उपसभामुख शर्मालाई सामाजिक जागरणका तर्फबाट सम्मान गरियो । उनलाई अभियन्ता सुष्मा पौडेलले दोसल्ला ओढाउँदै सम्मानपत्र हस्तान्तरण गरिन् ।

यस्तै, सोही कार्यक्रममा प्रदेशसभा सदस्य प्रभा कोइराला, गायत्री गुरुङ र मीना गुरुङलाई समेत सम्मान गरिएको थियो । कार्यक्रमबीच विभिन्न आमा समूह तथा संस्थाका महिला समूहले समेत सम्मान गरेका थिए।मानवीयताको लागि सडक मानवको हकहित र अधिकार विषयमा आवाज उठाउँदै मानवसेवा आश्रमको विषयमा आश्रमको अभियन्ता होमनाथ तिमल्सिनाले परिचयात्मक प्रस्तुति राखेका थिए ।

अभियन्ता नवराज केसी र राजेश फुयालले कास्कीमा मावन सेवा आश्रम चाँडै सञ्चालन हुन लागेको जानकारी दिँदै सहयोगका लागि आहृवान गरे।

जिल्ला ट्राफिक प्रहरी कार्यालयका प्रमुख प्रहरी निरीक्षक ऐनबहादुर मल्लले टोलटोलमा ट्राफिक  सचेतना जगाउनुपर्ने आवश्यकता औल्याए ।

कार्यक्रममा ट्राफिक सचेतना विषयमा सहायक प्रहरी निरीक्षक राजेन्द्र कार्कीले सहजीकरण गरेका थिए।

संस्था अध्यक्ष सुष्मा पौडेलको अध्यक्षतामा भएको कार्यक्रममा स्वागत मन्तव्य सदस्य सरस्वती अधिकारी र सञ्चालन पवित्रा केसीले गरेका थिए। कार्यक्रममा विभिन्न वडाका जनप्रतिनिधि, विभिन्न राजनीतिक दलका प्रतिनिधि, मानवअधिकारकर्मी, समाजसेवी, आमा समूह लगायत विभिन्न संघसंस्थाका प्रतिनिधि गरी १ सय ५० भन्दा बढीको सहभागिता थियो।

Related News

सम्बन्धित समाचार

    • त्रिशूलीमा कार खस्दा पोखराका ३ जना बेपत्ता

      आदर्श समाज सम्वाददाता असाेज ८, २०७८
      पोखरा, ८ असोज । त्रिशूली नदीमा कार खस्दा पोखराका ३ जना बेपत्ता भएका छन् । काठमाडौंबाट पोखरा आउँदै गरेको कार…
    • कांग्रेस जिल्ला उपसभापतिमा ढुंगानाकाे उम्मेदवारी

      आदर्श समाज सम्वाददाता असाेज ८, २०७८
      लेखनाथ । नेपाली कांग्रेसको १४ औं महाधिवेशनमा कास्की जिल्लाको उपसभापतिमा पोखरा–३१ का कृष्णप्रसाद ढुंगानाले उम्मेदवारी घोषणा गरेका छन् । वेगनासतालमा…
    • शुभ अवसर ग्रामको तालिम सम्पन्न

      आदर्श समाज सम्वाददाता असाेज ८, २०७८
      पोखरा । शुभ अवसर ग्राम नेपालको आयोजनामा उद्यमशीलता विकास तथा व्यवसाय व्यवस्थापन तालिम सम्पन्न भएको छ । ४ दिनसम्म चलेको…
    • उत्तरदायी पत्रकारितामा जोड

      आदर्श समाज सम्वाददाता असाेज ८, २०७८
      पोखरा  । नेपाल पत्रकार महासंघ केन्द्रीय समिति र कास्की शाखाको संयुक्त आयोजनामा उत्तरदायी पत्रकारिता विषयक अभिमुखीकरण कार्यक्रम भएको छ । कार्यक्रममा…
    • बिरौटा सहकारीको रक्तदान

      आदर्श समाज सम्वाददाता असाेज ७, २०७८
      पोखरा । बिरौटा बचत तथा ऋण सहकारीले १२ औं वार्षिकोत्सवको अवसरमा आयोजना गरेको रक्तदानमा ३३ युनिट रगत संकलन भएको छ…

    hero news full width

    Jewellery

    sanil ads

    wordlink ads