सेयरमा लगानी गर्न सञ्चयकर्तालाई आग्रह

आदर्श समाज सम्वाददाता
फागुन १४, २०७४
Karmachari Sanchaya Kosh (1)

पोखरा, १३ फागुन। कर्मचारी सञ्चय कोषले आफ्ना सञ्चयकर्तालाई सेयरमा लगानी गर्न आग्रह गरेको छ। कोषले ऋण लगानी गरी कम्पनीको सेयरमा सञ्चयकर्तालाई सुनिश्चित गरिएको सेयरमा लगानी गर्न आग्रह गरेको हो।

कर्मचारी सञ्चयकोष शाखा कार्यालय पोखराले आइतबार पत्रकार सम्मेलन आयोजना गरी यस्तो जानकारी दिएको हो।

कोषले ऋण लगानी गरेका कम्पनीको सेयरमा सञ्चयकर्तालाई सहभागिता गराइएको कर्मचारी सञ्चयकोष शाखा कार्यालय पोखराका प्रमुख दिलीपराज पौडेलले जानकारी दिए।

अपर तामाकोशी हाइड्रोपावर लिमिटेडमा सेयर प्रदान भइसकेको र चिलिमे जलविद्युत् आयोजनाबाट प्रबर्द्धित ३ वटा परियोजना साञ्जेन, भोटेकोशी र रसुवागढी जलविद्युत् कम्पनीमा सेयर प्रदान गर्ने प्रक्रियामा रहेको पौडेलले बताए।

साञ्जेन जलविद्युत् कम्पनीको सयअङ्कित दरको सेयर २०६८ मंसिरदेखि बहाल रहेका र विवरणपत्र स्वीकृतप्राप्त २०७४ मंसिर २६ सम्म थप भएका कर्मचारी सञ्चयकोषका सञ्चयकर्ताले न्यूनतम् ५० कित्ता तथा अधिकतम् ३ सय कित्तासम्म आवेदन गर्न सक्ने उल्लेख गरिएको छ।

रसुवागढी हाइड्रोपावर कम्पनीको सय अङ्कित दरको सेयर २०६८ मंसिर २२ मा बहाल रहेका र २०७४ पुस २० सम्ममा थप भएका कर्मचारी सञ्चयकोषका सञ्चयकर्ताले न्यूनतम ५० कित्ता तथा अधिकतम् ५ सय कित्तासम्म आवेदन गर्न सक्ने जनाएको छ। भोटेकोशी जलबिद्युत कम्पनीको सेयरका लागि स्वीकृतिको प्रक्रियामा रहेको जनाइएको छ।

कर्मचारी सञ्चयकोष, विद्युत् प्राधिकरण, विद्युत् उत्पादन कम्पनीबाट पवबर्द्धित वेतन कर्णाली सञ्चयकर्ता हाइड्रोपावर कम्पनीमा सञ्चयकर्ताको ४० प्रतिशत सेयर लगानी गर्नेगरी कम्पनीको स्थापना गरिएको शाखा प्रमुख पौडेलले उल्लेख गरे। उनका अनुसार यसमा मुनाफा रकमलाई सेयरमा रुपान्तरण गरी सञ्चयकर्तालाई उपलब्ध गराउने व्यवस्था मिलाइएको हो।

कर्मचारी सञ्चय कोषले ऋण लगानी गरेको जलविद्युत् परियोजनासँग सम्बद्ध साञ्जेन जलविद्युत् कम्पनी र रसुवागढी हाइड्रोपावर कम्पनीको सेयर निष्काशन तथा बिक्री खुल्ला भइसकेको पौडेलले जनाए।

सेयर खरिदका लागि फागुन ११ देखि ३० गतेसम्म सेन्ट्रालाइज्ड एप्पलिकेशन फर एसबीए वेस्ड इस्सुएन्स, आस्वा प्रणालीमार्फत दरखास्त संकलन गर्न आवद्ध आस्वा सेवामा सहभागी बैंक तथा वित्तीय संस्था तथा तिनका शाखा कार्यालयबाट दरखास्त दिन सकिने छ।

कोषका सञ्चयकर्ताका लागि छुट्याइएको साधारण सेयर आवेदन गर्नका लाग कुनै पनि बैंक तथा वित्तीय संस्थामा डिम्याट खाता भएका सञ्चयकर्ताले दरखास्ता दिँदा सि-आस्वा सेवामा सहभागी बैंक तथा वित्तीय संस्थाले उपलब्ध गराएको दरखास्त फाराम भरी कर्मचारी सञ्चयकोषले जारी गरेको सञ्चयकर्ता परिचयपत्रको प्रतिलिपि अनिवार्य समावेश गर्नुपर्ने प्रावधान छ।

Related News

सम्बन्धित समाचार

  • वित्तीय साक्षरता तालिम

    आदर्श समाज सम्वाददाता माघ २२, २०७९
    स्याङ्जा । वित्तीय कारोबार बुझाउन र प्रयोगमा सहज बनाउने उद्देश्यले पुतलीबजार नगरपालिकामा वित्तीय साक्षरतासम्बन्धी तालिम दिइएको छ । पुतलीबजार नगरपालिका…
  • राष्ट्र बैंकका प्रथम गभर्नर राणाको निधन

    आदर्श समाज सम्वाददाता माघ २२, २०७९
    पोखरा । नेपाल राष्ट्र बैंकका प्रथम गभर्नर हिमालय समशेर जबराको आइतबार (आज) निधन भएको छ । उपचारका क्रममा राणाको नर्भिक…
  • वित्तीय संस्था कर्मचारी संघमा याम

    आदर्श समाज सम्वाददाता माघ २२, २०७९
    पोखरा । नेपाल वित्तीय संस्था कर्मचारी संघ कास्कीको नवौं अधिवेशनबाट यामबहादुर रानाभाटको अध्यक्षतामा १३ सदस्यीय कार्यसमिति निर्वाचित भएको छ ।…
  • बैंक तथा वित्तीय संस्थाको धरपकडविरुद्ध व्यवसायी

    आदर्श समाज सम्वाददाता माघ २०, २०७९
    पोखरा ।  बैंक तथा वित्तीय संस्थाहरुको धरपकडविरुद्ध पोखराका उद्योगी व्यवसायी आन्दोलित भएका छन् । पोखरा उद्योग वाणिज्य संघको अगुवाइमा बिहीबार…
  • चर्को ब्याजविरुद्ध पोखरामा रिले अनसन

    आदर्श समाज सम्वाददाता माघ १९, २०७९
    पोखरा । ‘सम्पूर्ण उद्योगी व्यवसायी एवं पीडित एक हौं’ भन्दै चर्को ब्याजविरुद्ध तीनदिने अनसन सुरु गरिएको छ । सरकारको विभेदपूर्ण…

hero news full width