Worldlink ads

नेपाली संस्कृतिका अभियन्ता राणाको सम्मान

आदर्श समाज सम्वाददाता
फागुन १४, २०७४
lamjung

लमजुङ, १२ फागुन। नेपाली संस्कृति सुरक्षा परिषद् असम राज्य भारतका महासचिव वीरेन्द्र राणालाई वेशीशहरमा नेपाली सँस्कृति अभियन्ताका रूपमा विशेष सम्मान गरिएको छ।

ठाडोभाका लोककला प्रतिष्ठान नेपाल, ब्राहृमण समाज नेपाल लमजुङ, क्षत्री समाज नेपाल लमजुङ र नेपाल मगर संघ वेशीशहर नगर इकाइद्वारा संयुक्त रूपमा आयोजित कार्यक्रममा सम्मान गरिएको हो। प्रमुख अतिथि प्रमुख जिल्ला अधिकारी युवराज मैनाली र आयोजक संस्थाका अध्यक्षले राणालाई सम्मानपत्रद्वारा सम्मान गरेका थिए।

प्रमुख अतिथि मैनालीले सम्मान पुरस्कार सानो देखिए पनि त्यसको गहन महत्व हुन्छ भन्दै वीरेन्द्र राणालाई दिइएको यो सम्मान सम्पूर्ण लमजुङबासीतर्फबाट हो भने।  नेपाली संस्कृति सयथरी बाजा एउटै तालको रूपमा अनन्त रहेको बताए।

सम्मानित व्यक्तित्व राणाले नेपाली संस्कृति नेपाली संस्कृतिको गौरव विश्वमै उच्च रहेको बताए।

ब्राहृमण समाज नेपालका जिल्ला अध्यक्ष शाल्रि्राम अधिकारीले नयाँ पुस्तालाई संस्कार दिनु हाम्रो कर्तव्य भएको बताउँदै आज अनुभूति गरेका कुरालाई अभियानको रूपमा अघि बढाउन सकौँ भन्ने आग्रह गरे। स्वतन्त्र पत्रकार संघका सचिव समेत रहेका ठाडोभाका लोककला प्रतिष्ठान नेपालका अध्यक्ष नवराज पहाडीले कार्यक्रम सञ्चालन गरेका थिए।

कार्यक्रममा वेशीशहर नगरपालिका वडा ८ का अध्यक्ष एवम् मगर समाज वेशीशहर नगरका अध्यक्ष पवित्रा थापा राना, लोकदोहोरी गीत प्रतिष्ठान नेपालका जिल्ला सहसचिव अनुज अधिकारी र इभरग्रिन दोहारी साँझका कलाकार प्रीया नेपाली, जूना परियार, संगीता परियारले सांगीतिक प्रस्तुति देखाएका थिए । कार्यक्रममा वेशीशहर नगर कार्यपालिकाका सदस्य एवम् नेपाल मगर संघका कावा जिल्ला अध्यक्ष विष्णुमाया राना, क्षेत्री समाज नेपाल प्रदेश ४ का सदस्य राजु थापा, क्षेत्री समाज नेपालका पूर्व जिल्ला अध्यक्ष रामचन्द्र अर्याल, मुक्तक मञ्चका जिल्ला अध्यक्ष वसन्त अधिकारी अधीर, सहजी आमा समूहका सचिव अनिता थापा लगायत बोलेका थिए।

Related News

सम्बन्धित समाचार

    • हतारमा विद्यालय नखोल्न निर्देशन

      रासस भाद्र ३०, २०७८
      काठमाडौं । स्वास्थ्य तथा जनसङ्ख्या मन्त्रालयले हतारमा विद्यालय सञ्चालन नगर्न निर्देशन दिएको छ । शिक्षा, विज्ञान तथा प्रविधि मन्त्रालय कोभिड–१९…
    • जुवाको खालबाट ८ जना पक्राउ

      रासस भाद्र ३०, २०७८
      चितवन । इलाका प्रहरी कार्यालय खैरहनीले नगद रु एक लाख ४४ हजार १७० सहित आठ जना जुवाडेलाई पक्राउ गरेको छ…
    • बाघको आक्रमणमा एकको मृत्यु

      रासस भाद्र २९, २०७८
      बाँके । बाँके राष्ट्रिय निकुञ्जमा बाघको आक्रमणमा परी एक भारतीय नागरिकको मृत्यु भएको छ । बाँकेको राप्ती सोनारी गाउँँपालिका–१ गाभरगाउँको…
    • मौसम खुले पनि सकिएको छैन मनसुन

      आदर्श समाज सम्वाददाता भाद्र २७, २०७८
      काठमाडौं । मनसुनको अवधि जुनदेखि सेप्टेम्बर पूरा नहुँदै (चार महिना नपुग्दै) मुलुकमा सरदरभन्दा बढी वर्षा भएको छ । अझ उत्तरी…
    • सभामुखले बोलाए भोलि सर्वदलीय बैठक

      रासस भाद्र २७, २०७८
      काठमाडौं । सभामुख अग्निप्रसाद सापकोटाले संसद्को कामकारवाहीलाई प्रभावकारी रुपमा अगाडि बढाउन सर्वदलीय बैठक बोलाउनुभएको छ । सोमबार अपराह्न २ः३० बजे…

    hero news full width

    Jewellery

    sanil ads

    wordlink ads