लेखनाथ, १३ फागुन। बेगनास युवा क्लबको आयोजनामा बृहत् वेगनासताल सरसफाइको चौथो श्रृंखला सम्पन्न भएको छ।

प्रत्येक शनिबार गरिँदै आएको सरसफाइ अभियानअन्तर्गत यसपालि बेगनासतालको माथिल्लो बजार, तल्लो बजार, बेगनासताल बसपार्क, नहर क्षेत्रको फोहर डोजर लगाइ निकालेर व्यवस्थापन गरिएको थियो।

कार्यक्रममा पोखरा विश्वविद्यालयका मानविकी संकायका डीन इन्द्रप्रसाद तिवारी, पूर्व न्यायाधीश डिल्लीरमण तिवारी, पोखरा लेखनाथ महानगरपालिकाका कानुन अधिकृत राममणि अधिकारी सहित स्थानीयबासीको सक्रिय सहभागिताको रहेको थियो।

सड्ने र नसड्ने फोहर वर्गीकरण गरी व्यवस्थापन गरिएको क्लब अध्यक्ष रामबहादुर रानाभाटले जानकारी दिएका छन्।