प्रदेश ४ मा कास्कीबाट मन्त्री नपरेपछि माओवादीभित्र चरम अन्तरविरोध देखिएको छ। मन्त्रीमा नियुक्त भएका बाहेक नवै सांसदले हालका मन्त्रीमाथि अविश्वासको प्रस्ताव पेश गर्ने तयारी गरेका छन्। शुक्रबार साँझ विरोधकै बीच तनहूँका सांसद तथा संसदीय दलका नेता समेत रहेका हरिबहादुर चुमान र गोरखाका सांसद लेखबहादुर थापालाई मन्त्री सिफारिस गरिएको थियो। तर असन्तुष्ट सांसदहरुले चाहीँ तत्कालै निर्णय सच्याउन पार्टीभत्रै माग गरिरहेका छन्। कास्कीबाट निर्वाचित माओवादी सांसद दीपक कोइरालाले खल्तीबाट मन्त्री दिनु जिम्मेवार नेताको गल्ती भएको बताए। शुक्रबार माओवादी प्रदेश ४ का संयोजक हरि अधिकारी र इन्चार्ज देव गुरुङको उपस्तितिमा मन्त्री चयन गरिएको हो। मन्त्रीको नाम प्रस्ताव हुनेवित्तिकै अरु सांसदले विरोध जनाएका थिए। विरोध स्वरुप माओवादीका ६ सांसद मन्त्रीको शपथ ग्रहण कार्यक्रममा समेत उपस्तित भएनन्। कोइराला सहित रामजी बराल, गायत्री गुरुङ, विनोद केसी, दीपक चर्तिमगर र चन्द्रबहादुर बुढा शपथ कार्यक्रममा उपस्तित थिएनन्।
उनीहरुले संसदीय दलको बैठकमा छलफल गरेर मात्रै मन्त्रीको टुंगो लगाउनुपर्ने माग राखेका छन्। ‘बैठक बसेपछि गम्भीर छलफल हुनुपर्छ। को मन्त्री भयो हामीलाई जानकारी पनि छैन’-कोइराला भन्छन्-‘हामीसँग सल्लाह नै नगरी मन्त्री पठाइएको हो। यो निर्णय मान्य छैन।’ अविश्वासको प्रस्ताव लैजानेबारे सांसदबीचमै छलफल भैरहेको उनले बताए। असन्तुष्ट पक्षले दुवै मन्त्री नेताका पहुँचा पठाइएको आरोप लगाएका छन्। ‘गोरखामा गठबन्धनले जितेको २ सीट हो। दुवै सीटले मन्त्री पाउनु कत्तिको जायज छ -’-एक नेताले भने-‘भेग र व्यवहार हेरेर निर्णय गर्नुपर्छ। ५ सीट जितेको कास्कीलाई मन्त्री खै -’ माओवादीबाट कास्कीले कम्तीमा १ मन्त्री पाउनुपर्ने ती नेताको दावी छ। यसअघि संसदीय दलको नेता र उपनेतालाई मन्त्रीमा सिफारिस गर्ने लगभग सहमति भएको थियो। त्यसो भएमा चुमान र कास्कीका सांसद रामजी बराल मन्त्री बन्थे। पछि हरि अधिकारीको दबाबमा लेखबहादुर थापालाई मन्त्री बनाइएको माओवादीभित्रै गुनासो छ। अर्का मन्त्री चुमानलाई देव गुरुङको एकल सिफारिसमा पठाइएको बुझिएको छ। सल्लाह गरेर छिट्टै प्रस्ताव गर्ने र मन्त्रीबाट हटाउन लगाउने सांसदहरु बताउँछन्।
Related News
सम्बन्धित समाचार
प्रधानमन्त्री प्रचण्डले पाए विश्वासको मत, पक्षमा १७२ सांसद
उपराष्ट्रपति यादवले लिए पद तथा गोपनीयताको शपथ
मुस्ताङको तेज निरलामा अमिशाको प्यानल विजयी
निर्वाचन आयोगले राष्ट्रपति समक्ष बुझायो उपराष्ट्रपति निर्वाचन प्रतिवेदन
कांग्रेसको निर्णय : प्रचण्डलाई विश्वासको मत दिने, सरकारमा सहभागी हुने
hero news full width
मुख्य समाचार
वैदेशिक क्षेत्रका श्रमिक भोलिदेखि सामाजिक सुरक्षामा समेटिँदै
गोलाप्रथाबाट नवलपुरका अमृत भट्टचन छानिए उद्योग वाणिज्य महासंघ गण्डकीको अध्यक्ष
चैत्र ७, २०७९गण्डकीमा माओवादीले माग्यो मुख्यमन्त्री
चैत्र ७, २०७९‘रेक्स्यु गर्न मुख्यमन्त्रीमात्र जाने हो? प्रहरी पठाउन पाइँदैन’
चैत्र ७, २०७९रासायनिक मलमा दिँदै आएको अनुदान यथावत राख्ने सरकारको निर्णय
चैत्र ६, २०७९माइनस डिग्रीमा माछा उत्पादन
चैत्र ६, २०७९