Worldlink ads

युआरएल शिविरमा ३ सय जनाको रगत जाँच

आदर्श समाज सम्वाददाता
फागुन ६, २०७४
url

पोखरा, ५ फागुन । युनाइटेड रेफरेन्स ल्याबोरेटरी प्रालि -युआरएल) र लायन्स क्लब अफ तनहुँ शुक्लागण्डकी टाउनको संयुक्त आयोजनामा शनिबार शुक्लागण्डकीमा ३ सय ५ जनाको निःशुल्क रगत जाँच गरिएको छ ।

शिविरमा मधुमेह तथा रगतमा हुने खराब बोसोसम्बन्धी रक्त परीक्षण गरिएको हो । अन्य सबै प्रकारका रक्त परीक्षणमा समेत ५० प्रतिशत छुट दिइएको थियो । कार्यक्रममा मधुमेह, थाइराइड तथा हर्माेन रोग विशेषज्ञ डा. तीथलाल उपाध्यायले खानपान, जीवनशैली, सचेतना र उचित उपचारको प्रबन्ध हुँदा मात्रै मानिस स्वस्थ हुन सक्ने औंल्याए । उनले भने-‘जसरी जीवनशैली र खानपान परिवर्तन भएको छ, नयाँ चुनौती थपिएका छन् ।’

उनले तनहुँको शुक्लागण्डकी क्षेत्रमा थाइराइड र मधुमेहका बिरामी अन्यत्र भन्दा बढी पाएको सुनाए । उनले विभिन्न सामाजिक संघ, संस्थालाई यी रोगबारे सचेतना, निःशुल्क जाँच र नयाँ कार्यक्रम सञ्चालन गर्नसमेत सुझाव दिए ।

युआरएलका प्रबन्ध निर्देशक ठाकुरप्रसाद पन्तले विभिन्न संघ, संस्थासँगको सहकार्यमा युआरएलले प्रदेश ४ का विभिन्न जिल्लामा निशुल्क शिविर आयोजना गर्दै आएको उल्लेख गरे । अति संवेदनशील रक्त परीक्षण, अन्तर्राष्ट्रियस्तरको प्रविधि र रियजेन्ट प्रयोग गरी प्रयोगशाला क्षेत्रमा प्रदेशलाई आत्मनिर्भर बनाउने दिशातर्फ आफूहरु लागिरहेको बताए । उनले चाँडै नै शुक्लागण्डकीमा निःशुल्क थाइराइडसम्बन्धी रक्त परीक्षण शिविरसमेत गर्ने प्रतिबद्धता जनाए ।

कार्यक्रममा क्लबका चार्टर प्रिसिडेन्ट दुर्गाकुमार श्रेष्ठ र तनहुँ उद्योग वाणिज्य संघका द्वितीय उपाध्यक्ष हरिबहादुर थापाले बोलेका थिए । लायन्स क्लब अफ तनहुँ शुक्ला गण्डकी टाउनका अध्यक्ष दीर्घबहादुर थापाको अध्यक्षतामा भएको कार्यक्रममा स्वागत प्रथम उपाध्यक्ष प्रदीप थापा, आस्थापाठ द्वितीय उपाध्यक्ष लालबहादुर श्रेष्ठ र सञ्चालन सचिव कमल गैरेले गरेका थिए ।

Related News

सम्बन्धित समाचार

    • आमाको स्मृतिमा बास्तोला परिवारको अक्षयकोष

      आदर्श समाज सम्वाददाता असाेज २५, २०७८
      पोखरा । पोखरा ११, फूलबारीका रामचन्द्र बास्तोला र कृष्णप्रसाद बास्तोला (राजु) ले आमाको स्मृतिमा अक्षयकोष स्थापना गरेका छन् । उनीहरुले…
    • विश्व हिन्दू महासंघको पोखरामा महायज्ञ तयारी

      आदर्श समाज सम्वाददाता असाेज २५, २०७८
      पोखरा । विश्व हिन्दू महासंघ राष्ट्रिय समिति कास्कीको आयोजनामा ॐकार सनातन वैदिक धर्म संकल्प महायज्ञ एवं श्रीमद्भागवत् धर्म जागरण विराट…
    • पोखरामा खसी बजारमा अनुगमन

      आदर्श समाज सम्वाददाता असाेज २५, २०७८
      पोखरा । चाडपर्वमा उपभोक्ता ठगिएको गुनासा आएपछि पोखरा महानगरले बजार अनुगमन सुरु गरेको छ । महानगर उपप्रमुख मञ्जुदेवी गुरुङको नेतृत्वमा…
    • पाल्पाली समाज पोखराको शुभकामना आदानप्रदान

      आदर्श समाज सम्वाददाता असाेज २५, २०७८
      पोखरा । पाल्पाली समाज पोखराले दसैं, तिहार, नेपाल संवत, छठ अवसरमा शुभकामना आदानप्रदान कार्यक्रम गरेको छ। कार्यक्रममा पोखरा विश्वविद्यालयका पूर्व…
    • मेयर मानबहादुर जिसी पोखरा फर्के

      आदर्श समाज सम्वाददाता असाेज २३, २०७८
      पोखरा, २३ असोज । पोखरा महानगरपालिकाका मेयर मानबहादुर जिसी झण्डै २ महिनाको उपचारपछि पोखरा फर्केका छन् । उनी शनिबार पोखरा…

    hero news full width

    Jewellery

    sanil ads

    wordlink ads