Worldlink ads

फागुन ७ देखि एक्र्सपर्ट कलेज प्रिमियर लिग

आदर्श समाज सम्वाददाता
फागुन ३, २०७४
Cricket

पोखरा, २ फागुन। नेपालय इन्टरनेशनल काठमाडौंले पोखराबाट तेस्रो एक्र्सपर्ट कलेज प्रिमियर लिग क्रिकेट प्रतियोगिता शुरु गर्ने भएको छ।

पोखरा रगंशालाको क्रिकेट मैदानमा फागुन ७ गतेदेखि शुरु हुने प्रतियोगिता १६ गतेसम्म संचालन हुनेछ। पोखरामा बुधबार पत्रकार सम्मेलन गरी प्रतियोगिताको तयारी शुरु गरेको जनाएको छ। प्रतियोगितामा कास्की र आसपासका जिल्लाका गरी १२ समूहको सहभागिता रहने अनुमान गरिएको प्रतियोगिता संयोजक विधान श्रेष्ठले बताए।

प्रतियोगितालाई एक्र्सपर्ट एजुकेशन एण्ड भिसा सर्भिसेजले मुख्य प्रायोजन गर्ने छ भने राष्ट्रिय खेलकुद परिषद् र हिसानले समन्वय गर्ने छ।

कास्कीको पोखराबाट शुरु हुने यो प्रतियोगिता एक महिनाभित्र काठमाण्डौं, नारायणगढ, भैरहवा, दाङ, नेपालजगञ्ज, इटहरी, धनगढी र विर्तामोडमा संचालन गरिने छ। प्रत्येक जिल्लामा सञ्चालित प्रतियोगिताको बिजेता समूहका खेलाडीहरु ड्युज क्रिकेट ब्याट, ट्रफी, मेडल र प्रमाणपत्र प्रदान गरिने छ।

रनर अपलाई स्पोर्टस वयर किट, ट्रफी, मेडल र प्रमाणपत्र प्रदान गरिने छ। त्यस्तै, प्रत्येक खेलमा म्यान अफ दि म्याच, म्यान अफ दि सिरिज, बेष्ट ब्याट्स मेन, बेष्ट बलर र फ्यान अफ दि डेलाई आकर्षक पुरस्कारको व्यवस्था गरिएको छ।

जिल्ला/जिल्लाका बिजेता समूहबीच प्रतिस्पर्धा गराई बिजेतालाई एक्र्सपर्ट च्याम्पियन्स लिग क्रिकेट प्रतियोगिताको उपाधी प्रदान गरिने नेपालय इन्टरनेशनलका पोखरा प्रतिनिधि भगवान श्रेष्ठले जानकारी दिए।

प्रत्येक जिल्लामा प्रतियोगिता सञ्चालन गर्नका लागि १० लाख खर्च लाग्ने अनुमान गरिएको छ। प्रतियोगितामा सहभागिताका लागि प्रवेश शुल्क २० हजार तोकिएको छ। खेलाडीहरुलाई आयोजकले नै जर्सीर टाउजर उपलब्ध गराउने छन्। प्रतियोगिता २०/२० ओभरको लिग कम नकाउटका आधारमा खेलाइने छ। पत्रकार सम्मेलनमा खेलकुद पत्रकार मञ्च कास्कीका अध्यक्ष केशव पाठक, हिसान कास्कीका अध्यक्ष रामजी शर्मा र एक्र्सपर्ट एजुकेशन एण्ड भिसा सर्भिसेजका निर्देशक रमेश थापाले बोलेका थिए।

कार्यक्रममा खेलकुद पत्रकार मञ्च कास्की अध्यक्ष केशव पाठकले राष्ट्रिय खेलाडी उत्पादनका लागि यस्ता प्रतियोगिता जरुरी भएको बताए। एक्र्सपर्ट एजुकेशन एण्ड भिसा सर्भिसेजका निर्देशक रमेश थापाले संस्थाले सामाजिक उत्तरदायित्व अन्तर्गत प्रतियोगितालाई सहयोग गरेको उल्लेख गरे।

हिसान कास्कीका अध्यक्ष रामजी शर्माले पोखरामा क्रिकेट गतिविधि कम भएको महसुस भएको बेला यो प्रतियोगिता हुनु खुशीको विषय भएको बताए।

Related News

सम्बन्धित समाचार

    • मादीको ‘ड्रिम प्रोजेक्ट’ खेलग्राम

      सुनील सापकोटा मंसिर १६, २०७८
      पोखरा । कास्कीको मादी गाउँपालिका ४, बेतेनीमा गाउँपालिकाले निर्माण गरेको खेलग्राम बुधबार उद्घाटन गरिएको छ । गाउँपालिका अध्यक्ष वेदबहादुर गुरुङले…
    • खेलकुद परिषद सदस्य सचिवमा टंकलाल नियुक्त

      आदर्श समाज सम्वाददाता मंसिर १४, २०७८
      पोखरा । सरकारले राष्ट्रिय खेलकुद परिषद् सदस्य सचिवमा टंकलाल घिसिङलाई नियुक्त गरेको छ । मन्त्रिपरिषदको सोमवारको बैठकले नेपाल रग्बी संघका…
    • सहारा क्लब हङकङमा दीपक

      आदर्श समाज सम्वाददाता मंसिर १३, २०७८
      पोखरा । सहारा क्लब हङकङको अध्यक्षमा दीपक गुरुङ सर्वसम्मत चयन भएका छन् । आइतबार सम्पनन तेस्रो अधिवेशनले दीपकको अध्यक्षतामा २०…
    • पोखरा आदर्श सेकेण्डरीमा खेलकुद

      आदर्श समाज सम्वाददाता मंसिर ११, २०७८
      पोखरा । पोखरा आदर्श सेकेण्डरी स्कुल, बगरले अन्तरसदनात्मक खेलकुद कार्यक्रम–२०७८ गरेको छ । २ दिनसम्म चलेको खेलकुद कार्यक्रमको उद्घाटन विद्यालय…
    • महिला क्रिकेट : नेपालद्वारा मलेसिया पराजित   

      आदर्श समाज सम्वाददाता मंसिर १०, २०७८
      महिला क्रिकेट : नेपालद्वारा मलेसिया पराजित काठमाडौँ १० मङ्सिर (रासस) : संयुक्त अरब इमिरेट्स (युएई) मा जारी आइसिसी महिला टी–ट्वान्टी…

    hero news full width

    sanil ads

    wordlink ads

    trending post

    ट्रेन्डिङ्ग