Worldlink ads

शिवभजन प्रतियोगितामा सगरमाथा प्रथम

आदर्श समाज सम्वाददाता
फागुन ३, २०७४
bhajan photo shreebhadra

हेमजा, २ फागुन ।कास्कीको अन्नपूर्ण गाउँपालिका-३, पाउँदुर धारापानी शिवालय व्यवस्थापन समितिको आयोजनामा सम्पन्न शिवभजन प्रतियोगितामा सगरमाथा आमासमूह प्रथम भएको छ।

उक्त प्रतियोगितामा समाजसेवा युवा परिवार दोस्रो, नवज्योति महिलासमूह तेस्रो तथा वातावरणीय आमासमूहको टोली सान्त्वना हुन सफल भएका छन्। प्रथम, द्वितिय, तृतीय र सान्त्वना भएसंगै ति समूहहरुले क्रमश रु. ८ हजार, ६ हजार, ४ हजार र १ हजार साथमा प्रमाणपत्र पुरस्कार हात पारेका छन्।

कार्यक्रममा बोल्दै प्रमुख अतिथि अन्नपूर्ण गाउँपालिकाका अध्यक्ष युवराज कुँवरले धर्म, संस्कृतिको संरक्षण गर्नु सबैको दायित्व भएको औंल्याउदै धर्मले नै मानिसलाई सदाचारमा हिड्न सिकाउने बताए। अध्यक्ष कुँवरले धार्मिक संस्थामा कसैलेपनि राजनीति गर्न नहुनेमा जोड दिए। उनले मन्दिरको समग्र बृत्ति विकासमा गाउँपालिकाको सहयोग रहने प्रष्ट पारे ।

गाउँपालिका उपाध्यक्ष सगुन गुरुङले पाउँदुर धारापानी शिवालयको पुरानो इतिहास रहेको चर्चा गर्दै इतिहासको संरक्षण गरी धार्मिक सहिष्णुता कायम राख्न सबैको पहल हुनुपर्नेमा जोड दिइन्। उक्त कार्यक्रममा वडा अध्यक्ष चन्द्रबहादुर गुरुङ, वडासदस्य कमला केसी, वडास्तरिय युवा सञ्जालका सचिव श्रीभद्र पौडेल, वडास्तरीय वन सञ्जालका अध्यक्ष चुडामणि पौडेल, स्थानीय भकरजुङ सामुदायिक वनका अध्यक्ष दुर्गाप्रसाद पौडेल, मन्दिर व्यवस्थापन समितिका सचिव फणिन्द्रप्रसाद पौडेल, स्थानीय विष्णुप्रसाद पौडेल लगायतले पनि बोलेका थिए।

प्रतियोगितामा पृथ्वीनारायण क्याम्पसका उपप्राध्यापक सुरज पौडेल र माछापुच्छे्र शिक्षा क्याम्पसका प्राध्यापक नारायणप्रसाद भण्डारीले निर्णायकको भूमिका निर्वाह गरेका थिए। कार्यक्रमका वक्ताहरुले सनातन हिन्दु धर्मलाई आजका हिन्दु धर्मावलम्बीहरुले नै भुल्दै भएको र नेपालमा पश्चिमा संस्कृतिको प्रभाव बढ्दै गएकोमा चिन्ता प्रकट गरेका थिए।

मन्दिर व्यवस्थापन समितिका अध्यक्ष गोविन्दप्रसाद पौडेलको अध्यक्षतामा सम्पन्न उक्त कार्यक्रममा मन्दिर व्यवस्थापन समितिका कोषाध्यक्ष डिल्लीराम पौडेलले स्वागत तथा स्थानीय समाजसेवा युवा परिवारका महासचिव नारायणप्रसाद पौडेलले उक्त कार्यक्रम सञ्चालन गरेका थिए ।

Related News

सम्बन्धित समाचार

    • ‘आकाशगंगाको किनार’ लोकार्पण

      आदर्श समाज सम्वाददाता मंसिर १३, २०७८
      पोखरा । कवि एवं लेखक अजित उत्सवको कविता संग्रह ‘आकाश गंगाको किनार’ पोखरामा लोकार्पण गरिएको छ । नेपाल संगीत तथा…
    • नीलकण्ठ घिमिरेको ‘शान्ति कामना’ लोकार्पण

      आदर्श समाज सम्वाददाता मंसिर १२, २०७८
      पोखरा । नीलकण्ठ घिमिरेका कविताको संग्रह ‘शान्ति कामना’ शनिबार लोकार्पण गरिएको छ । उनको तेस्रो स्मृति दिवस पारेर महाकाव्यकार जनार्दनशरण…
    • लोकनृत्य कलाकार संघबाट सम्मान

      आदर्श समाज सम्वाददाता मंसिर ७, २०७८
      पोखरा । लोकनृत्य कलाकार संघ कास्कीको प्रथम वार्षिकोत्सव कलाकार सम्मान तथा सांस्कृतिक कार्यक्रमसहित सम्पन्न भएको छ । संस्थाले गुरुङ चलचित्रका…
    • निबन्ध प्रतियोगितामा शीतलादेवीकी करिना प्रथम

      आदर्श समाज सम्वाददाता मंसिर ५, २०७८
      पोखरा । महाकवि लक्ष्मीप्रसाद देवकोटाको ११३ औं जन्म जयन्तीका अवसरमा पोखरा प्रज्ञा–प्रतिष्ठानद्वारा आयोजित पोखरा महानगरपालिकाका विद्यालयबीचमा बीचमा भएको निबन्ध प्रतियोगितामा…
    • समता काव्य सन्ध्याको ३४२ औं शृंखला

      आदर्श समाज सम्वाददाता मंसिर ५, २०७८
      पोखरा । पोखरेली युवा सांस्कृतिक परिवारले कविताको अघोषित पाठशालाका रुपमा सञ्चालन गर्दै आएको समता काव्य सन्ध्याको ३४२ औं शृंखला शनिबार…

    hero news full width

    sanil ads

    wordlink ads

    trending post

    ट्रेन्डिङ्ग