Worldlink ads

तझ्यालाई एसकुमारी स्मृति मानवअधिकार पुरस्कार

आदर्श समाज सम्वाददाता
फागुन ३, २०७४
Parmila Tajhya, Hurja

पोखरा २ फागुन।मानवअधिकार पत्रकार संघ हुर्जाद्वारा सञ्चालित प्रदेश ४ स्तरिय एसकुमारी जिसी स्मृति मानवअधिकार पुरस्कार प्रमिला तझ्यालाई प्रदान गरिने भएको छ।

संस्थाले प्राप्त आवेदनमध्ये उत्कृष्टताका आधारमा तझ्यालाई पुरस्कृत गर्न लागेको संघका अध्यक्ष राजेश पराजुलीले बताए। पुरस्कार विनियमावली निर्माणसहित विभिन्न पत्रपत्रिकामा सूचना प्रकाशन गरी प्रतिभा आह्वान गरेको र प्राप्त २३ आवेदनमध्ये तझ्यालाई चयन गरिएको विनियमावली निर्माण उपसमिति संयोजक असफल गौतमले जानकारी दिए। उक्त पुरस्कारको राशि नगद १५ हजार १५ रुपैयाँ रहेको छ। तझ्या २०६१ सालदेखि मानवअधिकारका लागि महिला एकल महिला समूह, महिला आधार बचत तथा ऋण सहकारी सस्था, साथी नेपाल, अस्पतालमार्ग पुरानो धारा टोल विकास संस्थालगायतका विभिन्न संस्थामा आवद्ध भएर काम गर्दै रहेकी छन्।

पिता जूननारायण श्रेष्ठ र माता सुनमाया श्रेष्ठका कोखबाट २०२५ असार २५ गते जामुनेभञ्याङ तनहुँमा जन्मेकी तझ्या विवाहित एकल महिला हुन्। २०४६ सालको वैशाख २५ गते कृष्णकुमार तझ्यासँग वैवाहिक जीवनमा प्रवेश गरेकी तझ्याका श्रीमान्को २०५५ असार १ गते स्वर्गारोहण भएको थियो। पोखरा लेखनाथ महानगरपालिका ११, रानीपौवा बस्दै आएकी तझ्याका एक छोरा र एक छोरी रहेका छन्। प्रमाणपत्र तहसम्मको अध्ययन गरेकी तझ्या २०५५ सालदेखि पृथ्वीनारायण क्याम्पसमा मूख्य कार्यालय सहायकको रुपमा कार्यरत रहेकी छन्। उक्त पुरस्कार जिसीको ३० औं वाषिर्क पुण्यतिथिका अवसरमा जिसीको जन्मस्थल बाटुलेचौरमै वितरण गरिने संघका अध्यक्ष पराजुलीले जानकारी दिए।

महिलाअधिकारका क्षेत्रमा क्रियाशील एसकुमारी जिसीको स्मृतिमा उनको परिवारद्वारा स्थापित अक्षयकोषबाट दुर्इ/दुर्इ वर्षमा पुरस्कार वितरण गर्ने गरी उक्त पुरस्कार सञ्चालन गरेको संस्थाका निर्देशक कृष्ण अन्जान ज्ञवालीले बताए। संघले प्राप्त आवेदनका आधारमा योग्य प्रतिभा छनोटका लागि प्राध्यापक साहित्यकार कुञ्जराज थापाको संयोजकत्वमा पाँच सदस्यीय समिति गठन गरेको थियो।

एस कुमारी जिसी तत्कालीन महिला तथा बालबालिका मन्त्रालय अन्तरगतको महिला तथा बालबालिका विकास कार्यालयको अधिकृतका रूपमा स्याङ्जाको वालिङमा कार्यरत रहँदा स्वर्गारोहण भएको पुरस्कारका संस्थापक सविन जिसीले बताए। २०१४ कार्त्तिक १३ गते पोखराको लामाचौर-१९ मा जन्मेकी जिसीको २०४५ फागुन १ गतेका दिन स्वर्गारोहण भएको थियो।

Related News

सम्बन्धित समाचार

    • गलकोटेलाई पोखराका अस्पतालमा छुट

      रासस कार्तिक ९, २०७८
      बागलुङ । जिल्लाको गलकोट भेगका सर्वसाधारणलाई पोखराका दुई अस्पतालले औषधि र उपचार सेवामा छुटको प्रबन्ध गरेका छन् । फेवासिटी र…
    • प्रतियोगिता पर्खिंदै युकेश

      धनबहादुर गुरुङ कार्तिक ९, २०७८
      पोखरा । पोखराका प्याराग्लाइडिङ पाइलट युकेश गुरुङलाई स्वेदश तथा विदेशको प्रतियोगितामाबाट निम्तो नआएको २ वर्ष बढी भयो । सन् २०१९…
    • त्रिनेत्रेश्वर शिव मन्दिरमा सम्मान

      आदर्श समाज सम्वाददाता कार्तिक ९, २०७८
      लेखनाथ । त्रिनेत्रेश्वर शिव मन्दिर पोखरा ३० शिशुवाले मन्दिरका विभिन्न गतिविधिहरुमा उल्लेखनीय योगदान पुर्‍याएको भन्दै शिशुवा सत्संग भजन भण्डलीलाई सम्मान…
    • ८० प्रतिशत फूल पोखरा आसपासमा नै उत्पादन

      रासस कार्तिक ८, २०७८
      गण्डकी । अधिकांश उत्पादनमा परनिर्भरता नै मौलिकता जस्तै बन्दै गएको वास्तविकतामा पोखरा फूलमा भने आत्मनिर्भर हुने क्रममा छ । तिहार…
    • पोखरा स्टिल फेब्रिकेटर्समा विश्व

      आदर्श समाज सम्वाददाता कार्तिक ८, २०७८
      पोखरा । पोखरा स्टिल फेब्रिकेटर्स एसोसिएसन कास्की अध्यक्षमा विश्वप्रसाद कर्माचार्य निर्वाचित भएका छन् । संस्थाको १४ औं अधिवेशन एवं २१…

    hero news full width

    Jewellery

    sanil ads

    wordlink ads