Worldlink ads

सफल कृपाको पाँचौं वाषिर्कोत्सव

आदर्श समाज सम्वाददाता
फागुन १, २०७४
hemja photo

हेमजा, २९ माघ ।हेमजास्थित सफल कृपा बचत तथा ऋण सहकारी संस्थाको पाँचौं बाषिर्कोत्सव आइतवार सम्पन्न भएको छ। सो अवसरमा स्थानीय राधाकृष्ण मन्दिरमा आश्रृत तीन जना बालबालिकालाई अन्न, पोषाक तथा स्टेशनरी सामग्री पनि सहयोग गरेको छ।

कार्यक्रममा बोल्दै सहकारीका अध्यक्ष धनबहादुर थापाले सहकारीले समुदायप्रति चासो राखी बालबालिकाहरूलाई सहयोग गरेको धारणा राख्दै सहकारीले सधै आफ्नो सामाजिक उत्तरदायित्वलाई बहन गर्ने बताए।शिक्षा उपसमितिका सदस्य शिवकुमार श्रेष्ठले संस्थाका शेयर सदस्यहरूले सधै सकारात्मक सोंच राखी सहकार्यको भावनाका साथ अगाडि बढ्नुपर्नेमा जोड दिए । सहयोग ग्रहण गर्दै संरक्षक शान्ति मञ्जरी बाँनियाले सहयोग प्राप्त गर्दा खुशी लागेको बताइन् र संस्थाको प्रगतिको कामनासमेत गरिन्।

सहकारीका लेखा समिति संयोजक गणेशबहादुर थापाले संस्थाको शेयर पुजी रु.पाँच करोड सात लाख ७९ हजार एक सय, निक्षेप संकलन रु.१० करोड तथा रु. १४ करोडको लगानी गरेको जानकारी दिए।

सहकारीका अध्यक्ष धनबहादुर थापाको अध्यक्षतामा सम्पन्न उक्त कार्यक्रम लेखा समिति संयोजक गणेशबहादुर थापाले संचालन गरेका थिए।

Related News

सम्बन्धित समाचार

    hero news full width

    sanil ads

    wordlink ads

    trending post

    ट्रेन्डिङ्ग