Worldlink ads

२ सय ३८ जनाको आँखा परीक्षण

आदर्श समाज सम्वाददाता
माघ २९, २०७४

लमजुङ, २८ माघ । लमजुङमा सञ्चालन गरिएको एक दिने निःशुल्क आँखा शिविरमा २ सय ३८ जना लाभान्वित भएका छन्। म्ास्र्याङ्दी गाउँपालिका- ४ ताघ्रिङको रामबजारमा सो शिविर सञ्चालन गरिएको हो।

मस्र्याङ्दी गाउँपालिका- ६ का वयोवृद्ध भूमिनाथ घिमिरेको आँखा जाँच गरी शिविरको प्रारम्भ गरिएको थियो। उक्त शिविरमा २ सय ३८ जनाले सेवा लिएको सो शिविरका  छन्। जसमा महिला एक सय ३४ र पुरुष एकसय चार जनाले सेवा लिएको अनुगमन प्रमुख सरोज अधिकारीले बताए। उनकाअनुसार सेवा लिन आएकाहरुको आँखा जाँच गरी चस्मा पनि वितरण गरिएको थियो।

कृषक जागरण साकोस बेसीशहरको आयोजनामा गरिएको शिविर माथिल्लो मस्र्याङ्दी दुर्इ जिएमआर कम्पनीको कार्यालयमा सञ्चालन गरिएको थियो। शिविरमा चार जनामा मोतियाविन्दु भेटिएको चिकित्सकले बताएका छन्। उनीहरूलाई शिविरमा हिमालयन आँखा अस्पतालमा रिफर गरिएको छ। सो शिविरमा हिमालयन आँखा अस्पताल घारिपाटन पोखराका का ४ जना चिकित्सकहरूले प्राविधिक सेवा दिएका थिए।

कार्यक्रममा कृषक जागरण बचत तथा ऋण सहकारी संस्थाका सचिव नरबहादुर गुरुङ, हिमालय आँखा अस्पतालका प्राविधिक विजय यादवलगायतले मन्तव्य राखेका थिए।

कृषक जागरण बचत तथा ऋण सहकारी संस्थाका लेखा संयोजक घनश्याम घले, महाप्रवन्धक सुरेश थापा, माथिल्लो मस्र्याङ्दी २ कार्यक्रम संयोजक राजन गुरुङ, अन्नपूर्ण संरक्षण क्षेत्र आयोजना ताघ्रिङका अध्यक्ष बलबहादुर गुरुङ, स्थानीय समाजसेवी आशबहादुर गुरुङ लगायतको सहभागिता थियो ।

कार्यक्रमको सञ्चालन कृषक जागरण बचत तथा ऋण सहकारी संस्था स्याँगे सेवा केन्द्रका प्रबन्धक पदम गुरुङले गरेका थिए।

Related News

सम्बन्धित समाचार

    hero news full width

    sanil ads

    wordlink ads

    trending post

    ट्रेन्डिङ्ग