Worldlink ads

हिमाली सांस्कृतिक परिवारद्वारा शिक्षाविद् गुरुङ अभिनन्दित

आदर्श समाज सम्वाददाता
माघ २४, २०७४
himali

पोखरा, २३ माघ। हिमाली सांस्कृतिक परिवारले पृथ्वीनारायण क्याम्पसका पूर्व क्याम्पस प्रमुख, शिक्षाविद् गणेशबहादुर गुरुङलाई अभिनन्दन गरेको छ । परिवारको २३ औं वाषिर्कोत्सव अवसरमा मंगलबार गुरुङलाई अभिनन्दन र पुरानो एवं ओझेलमा परेकी पोखरा बाटुलेचौरकी गायिका हरिमाया गायकलाई रुपेन बाबु स्मृति पुरस्कारबाट सम्मान गरियो ।

शिक्षा क्षेत्रमा लामो समयदेखि योगदान पुर्‍याएकोमा  शिक्षाविद् गुरुङलाई प्रमुख अतिथि कर्णेल जेपी क्रस, परिवारका प्रमुख संरक्षक चेतन कार्की र तमु धिं नेपालकी अध्यक्ष कर्म तमुले सम्मानसहित अभिनन्दनपत्र हस्तान्तरण गरे ।

यस्तै, रुपेन बाबु स्मृति पुरस्कारबाट सम्मानित गायकलाई प्रमुख अतिथि जेपी क्रस, प्रमुख संरक्षक चेतन कार्की र परिवारद्वारा मानार्थ सदस्यबाट सम्मानित महेश गुरुङले १० हजार ५ रुपैयाँसहित सम्मानपत्र प्रदान गरे ।

उक्त अवसरमा २०२३ सालमा लोकगायन अन्तर अञ्जच प्रतियोगितामा प्रथम गायकलाई परिवारकी मानार्थ सदस्य बोलमाया गुरुङको तर्फबाट ५ हजार रुपैयाँ प्रदान गर्दै सम्मान गरियो ।

अभिनन्दित गुरुङ शिक्षाविद गुरुङ र सम्मानित गायकको योगदानको बारेमा प्रमुख संरक्षक चेतन कार्कीले जानकारी गराएका थिए ।

अभिनन्दित शिक्षाविद् गुरुङले संस्कृतिको धनी देश नेपालको लोकसँस्कृतिको संरक्षणमा हिमाली सांस्कृतिक परिवारको ठूलो योगदान रहेको भन्दै अत्यन्तै गौरवशाली संस्थाबाट अभिनन्दित हुन पाएको खुशी व्यक्त गरे। हिमालीले नेपालको हिमाल, पहाड, तराईको मौलिक संस्कृतिलाई अन्तर्राष्ट्रिय मञ्चमा पुर्‍याएको भन्दै परिवारको प्रगतिको कामना गरे। सम्मानित हरिकला गायकले सम्मानप्रति आभार व्यक्त गर्दै गीत गाइन् ।

प्रमुख अतिथि समाजसेवी कर्णेल जेपी क्रसले आफ्नो ७३ वर्षको नेपाल बसाइँमा धेरै महत्वपूर्ण कार्यक्रममध्ये शिक्षाविद् गुरुङ जस्ता ठूलो मान्छेलाई आफ्नो अभिनन्दन गर्न पाउनु अत्यन्तै गौरव महसुस गरेको बताए।

तमु धिं नेपालकी अध्यक्ष कर्म तमुले अभिनन्दित र सम्मानितलाई बधाई ज्ञापन गरिन्।

परिवारका प्रमुख संरक्षक चेतन कार्कीले सेतो घोडा चढ्ने रहरकै कारण पनि आफू नाटकको कलाकार बनेको बताउँदै अभिनन्दित गुरुङ शिक्षाविद मात्रै नभई वरिष्ठ समाजसेवी रहेको बताए । यस्तै, परिवारले  लुकेको कलाकार खोजी खोजी सम्मान गर्नु अत्यन्तै उदाहरणीय कार्य भएको भन्दै प्रशंसा गरे।

सामाजिक अभियन्ता महेश गुरुङले परिवारले लोपहुँदै गएको मौलिक सँस्कृति संरक्षण अभियानमा जुटेकाले हिमाली नेपालकै सम्पत्ति भएको बताए । उनले संस्थाका संस्थापक अध्यक्ष रुपेन बाबुको स्मृतिमा कलाकार सम्मानका लागि ३ वर्षसम्म वर्षेनी १० हजार ५ रुपैयाँ प्रदान गर्ने घोषणा गरे।

कार्यक्रमबीच, परिवारले सल्लाहकार महेस गुरुङले लामो समयदेखि संस्थालाई अतुलनीय योगदान पुर्‍याउनुभएकोमा मानार्थ सदस्यता प्रदान गर्दै सम्मान गरेको थियो ।

यस्ते, विभिन्न संस्थाबाट अभिनन्दित र सम्मानित भएकोमा प्रमुख संरक्षक चेतन कार्की, तमु पत्रकारिताबाट पुरष्कृत भएकोमा सल्लाहकार हुमबहादुर गुरुङ र प्रेस चौतारी पुरस्कारबाट पुरस्कृत भएकोमा शान्ति गुरुङलाई बधाई ज्ञापन गरिएको थियो।

परिवारका वर्षभरमा सबैभन्दा उत्कृष्ट कलाकारमा सविना गुरुङ र सहकोषाध्यक्ष सविन गुरुङलाई जनही ५ हजार नगद सहित सम्मानपत्र दिइयो ।

परिवारका अध्यक्ष मेनकाजी गुरुङको अध्यक्षतामा भएको कार्यक्रमका स्वागत वरिष्ठ उपाध्यक्ष ज्ञानबहादुर थापा र सञ्चालन श्रीजंग गुरुङ गरेका थिए ।

उक्त अवसरमा परिवारका कलाकारले विविध सांस्कृतिक प्रस्तुति देखाएका थिए ।

Related News

सम्बन्धित समाचार

    • आमाको स्मृतिमा बास्तोला परिवारको अक्षयकोष

      आदर्श समाज सम्वाददाता असाेज २५, २०७८
      पोखरा । पोखरा ११, फूलबारीका रामचन्द्र बास्तोला र कृष्णप्रसाद बास्तोला (राजु) ले आमाको स्मृतिमा अक्षयकोष स्थापना गरेका छन् । उनीहरुले…
    • विश्व हिन्दू महासंघको पोखरामा महायज्ञ तयारी

      आदर्श समाज सम्वाददाता असाेज २५, २०७८
      पोखरा । विश्व हिन्दू महासंघ राष्ट्रिय समिति कास्कीको आयोजनामा ॐकार सनातन वैदिक धर्म संकल्प महायज्ञ एवं श्रीमद्भागवत् धर्म जागरण विराट…
    • पोखरामा खसी बजारमा अनुगमन

      आदर्श समाज सम्वाददाता असाेज २५, २०७८
      पोखरा । चाडपर्वमा उपभोक्ता ठगिएको गुनासा आएपछि पोखरा महानगरले बजार अनुगमन सुरु गरेको छ । महानगर उपप्रमुख मञ्जुदेवी गुरुङको नेतृत्वमा…
    • पाल्पाली समाज पोखराको शुभकामना आदानप्रदान

      आदर्श समाज सम्वाददाता असाेज २५, २०७८
      पोखरा । पाल्पाली समाज पोखराले दसैं, तिहार, नेपाल संवत, छठ अवसरमा शुभकामना आदानप्रदान कार्यक्रम गरेको छ। कार्यक्रममा पोखरा विश्वविद्यालयका पूर्व…
    • मेयर मानबहादुर जिसी पोखरा फर्के

      आदर्श समाज सम्वाददाता असाेज २३, २०७८
      पोखरा, २३ असोज । पोखरा महानगरपालिकाका मेयर मानबहादुर जिसी झण्डै २ महिनाको उपचारपछि पोखरा फर्केका छन् । उनी शनिबार पोखरा…

    hero news full width

    Jewellery

    sanil ads

    wordlink ads

    trending post

    ट्रेन्डिङ्ग