Worldlink ads

लाहाचोकमा महाशिवरात्री मेला शुरु

आदर्श समाज सम्वाददाता
माघ २३, २०७४
lahachock progremm photo

हेमजा, २२ माघ। ‘पहिचान माछापुच्छे्र गाउँपालिकाको, जगेर्ना धर्म, संस्कृति र पर्यटनको’ भन्ने मूलनाराका साथ माछापुच्छे्र गाउँपालिका-४, लाहाचोकस्थित बानेटाकुर धार्मिक क्षेत्र संरक्षण समितिको आयोजनामा सोमबारदेखि महाशिवरात्री मेला शुरु भएको छ।  उक्त अवसरमा शिवपुराणसमेत शुरु भयो । शिवपुराण पूर्वाङ्गमा लाखबत्ती बाल्ने लगायत अन्य पूजा विधि पनि गरिएको शिवपुराण व्यवस्थापन समितिका संयोजक प्रेमप्रसाद पौडेलले बताए।

पुराणमा सात जना पण्डितद्वारा सामूहिक पूजा गरिएको छ। जसमा भरत दवाडी वाचक, नवराज पहारी उपवाचक, बलराम पौडेल गणेश, मोतीप्रसाद आचार्य रुद्राभिषेक तथा रणबहादुर क्षेत्री, देवीलाल भण्डारी र हरिदेवी भण्डारीले कर्ताको भूमिका निर्वाह गरेका छन्।

रुद्राभिषेक कर्ता पूरोहित मोतीप्रसाद आचार्यले शिवपुराणको ठूलो महत्व रहेको औल्याउँदै यस्तो पुराणको शक्तिले विभिन्न प्रकोपबाट मानिसलाई मुक्ति दिने बताए। उनले शिवपुराणमा रहेका चौबीस हजार श्लोकको वाचन तथा श्रवण गरे अनिष्ट निवारण हुने दावी गर्दै बानेटाकुर क्षेत्रको पुरानो इतिहास रहेको पनि जनाए। शिवपुराण महाशिवरात्री फागुन १ सम्म जारी रहनेछ। कर्ता देवीलाल भण्डारीले कार्यक्रममा पुराणका अलवा ग्रहशान्ति, चौरासीपूजा, ब्रतबन्ध लगायत सबै कर्म गरिने बताए।

शुरुको दिन सोमबार स्थानीय सेती नदी, मर्दीखोला, लस्तीखोला, बराहकुण्ड, २२ धारा, पातीखोला, ठूलो पधेरा लगायतका जलासयको जल सहितको कलशयात्रा समेत निकालिएको थियो। मेलाअन्तर्गत रमाइलो महामेला माघ २७ गतेदेखि शुरु हुदैछ । मेला भने फागुन २ सम्म जारी रहनेछ।

ज्येष्ठ नागरिक बहुउद्देश्यीय भवन निर्माण गर्ने, सांस्कृतिक तथा धार्मिक स्थल जगेर्ना गर्ने, सांस्कृतिक र धार्मिक पर्यटनको विकास साथै व्यवसायिकता पछ्याउने उद्देश्यले मेला आयोजना गरिएको हो ।

यस्तै, सार्वजनिक सम्पत्ति संरक्षण एवं सरसफाइमा केन्द्रित हुने तथा वातावरणीय एवं पर्यावरणीय शुद्घताका लागि जनचेतना जगाइ फोहरमैला व्यवस्थापन गर्ने उद्देश्य पनि रहेको मेला संयोजक पानबहादुर जिसीले जानकारी दिए ।

Related News

सम्बन्धित समाचार

    • गुडिरहेको बसमा आगलागी

      रासस कार्तिक ७, २०७८
      धादिङ । पृथ्वी राजमार्गअन्तर्गत गजुरी गाउँपालिका–१ गजुरीबजारमा गुडिरहेका बसमा आज बिहान आगलागी भएको छ । सुर्खेतबाट काठमाडौँतर्फ आउँदै गरेको ना६ख…
    • मुख्यमन्त्री पोखरेलले लिए पोखराका मेयर जिसीको स्वास्थ्य अवस्थाबारे जानकारी

      आदर्श समाज सम्वाददाता कार्तिक ६, २०७८
      पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले पोखरा महानगरपालिकाका प्रमुख मानबहादुर जिसीलाई भेटेर उनको स्वास्थ्य अवस्थाका बारेमा जानकारी लिएका…
    • महिलाले शव बोकेर घाटसम्म पुर्‍याए

      रासस कार्तिक ६, २०७८
      तनहुँ । छोरीले शव बोक्न तथा काजक्रिया गर्नुहुँदैन भन्ने सामाजिक कुरुतीलाई तोड्दै यहाँका महिलाले शव बोकेर सेतीमादी नदीको सङ्गमस्थल दमौलीघाटसम्म…
    • किन देखिन्छन् समाजमा यौन विकृति ?

      रामप्रसाद सुवेदी कार्तिक ६, २०७८
      अहिले नेपाली समाजमा घटेका अनेक घटनाले सामाजिक सञ्जाल भरिएको पाइन्छ । त्यसको मात्रा हेर्ने हो भने धेरै यौनजन्य क्रियाकलामा जोडिएका…
    • आत्महत्याविरुद्ध पत्रकारलाई अभिमुखीकरण

      आदर्श समाज सम्वाददाता कार्तिक ६, २०७८
      लमजुङ । लमजुङमा कार्यरत पत्रकारका लागि आत्महत्याविरुद्ध अभिमुखीकरण गरिएको छ । नेपाल पत्रकार महासंघको आयोजनामा कोशिस नेपालको सहयोगमा आयोजित अभिमुखीकरण…

    hero news full width

    Jewellery

    sanil ads

    wordlink ads

    trending post

    ट्रेन्डिङ्ग