Worldlink ads

लालीगुराँस टोल विकासको साधारण सभा

आदर्श समाज सम्वाददाता
माघ १७, २०७४
laliguras

पोखरा, १६ माघ । पोखरा ८ मा रहेको लालिगुराँस टोल विकास संस्थाको मंगलबार आठौं साधारण सभा भएको छ ।

साधारण सभालाई सम्बोधन गर्दै पोखरा ८ का वडाध्यक्ष रुद्रनाथ बरालले टोल विकास संस्थाको सहयोगले मात्रै महानगरपालिकाका कार्यक्रम सफल हुने बताए ।

उनले टोल विकास संस्थाको सक्रियताले पोखराको समृद्धीमा टेवा पुगेको उल्लेख गर्दै थप क्रियाशीलता बढाउन आग्रह गरे ।

विश्व हिन्दू महासंघ कास्कीका अध्यक्ष शंकर खरालले धर्म र संस्कृति संरक्षणमा टोल विकास संस्था पनि एकजुट भएर लाग्नुपर्ने बताए । कसैले पनि धर्म परिवर्तन गराउन नपाउने भन्दै उनले पछिल्लो समय नेपालमा यस्ता घटना दिनहुँ भैरहेको बताए । यसलाई रोक्न टोल विकास संस्थाको पनि भूमिका महत्वपूर्ण हुने उनको भनाइ छ ।

पत्रकार महासंघकी पूर्व सदस्य तथा अधिवक्ता शुष्मा पौडेल, विश्व हिन्दू महासंघ पोखरा नगर महिला कमिटी अध्यक्ष पार्वती पौडेल, नागवेली टोल विकास संस्थाकी अध्यक्ष शारदा गिरी, जाल्पादेवी महिला उद्धार संस्थाकी अध्यक्ष कान्ती अधिकारी लगायत बोलेका थिए ।

कार्यक्रमकै अवसरमा कार्यसमिति सदस्य लक्ष्मी कार्की, आजीवन सदस्य जूनु बस्याल, स्वरुप थापा लगायतलाई संस्थामा योगदान दिएको भन्दै सम्मान गरिएको थियो ।

संस्थाकी अध्यक्ष मेनुका बरालको अध्यक्षतामा भएको कार्यक्रमको सञ्चालन सचिव मंगली बास्तोला र स्वागत उपाध्यक्ष दुंर्गादेवी बास्तोलाले गरेकी थिइन् । संस्थाको वाषिर्क प्रगति प्रतिबेदन र आर्थिक प्रतिवेदन समेत साधारण सभाबाट पारित गरिएको छ ।

Related News

सम्बन्धित समाचार

    • त्रिशूलीमा कार खस्दा पोखराका ३ जना बेपत्ता

      आदर्श समाज सम्वाददाता असाेज ८, २०७८
      पोखरा, ८ असोज । त्रिशूली नदीमा कार खस्दा पोखराका ३ जना बेपत्ता भएका छन् । काठमाडौंबाट पोखरा आउँदै गरेको कार…
    • कांग्रेस जिल्ला उपसभापतिमा ढुंगानाकाे उम्मेदवारी

      आदर्श समाज सम्वाददाता असाेज ८, २०७८
      लेखनाथ । नेपाली कांग्रेसको १४ औं महाधिवेशनमा कास्की जिल्लाको उपसभापतिमा पोखरा–३१ का कृष्णप्रसाद ढुंगानाले उम्मेदवारी घोषणा गरेका छन् । वेगनासतालमा…
    • शुभ अवसर ग्रामको तालिम सम्पन्न

      आदर्श समाज सम्वाददाता असाेज ८, २०७८
      पोखरा । शुभ अवसर ग्राम नेपालको आयोजनामा उद्यमशीलता विकास तथा व्यवसाय व्यवस्थापन तालिम सम्पन्न भएको छ । ४ दिनसम्म चलेको…
    • उत्तरदायी पत्रकारितामा जोड

      आदर्श समाज सम्वाददाता असाेज ८, २०७८
      पोखरा  । नेपाल पत्रकार महासंघ केन्द्रीय समिति र कास्की शाखाको संयुक्त आयोजनामा उत्तरदायी पत्रकारिता विषयक अभिमुखीकरण कार्यक्रम भएको छ । कार्यक्रममा…
    • बिरौटा सहकारीको रक्तदान

      आदर्श समाज सम्वाददाता असाेज ७, २०७८
      पोखरा । बिरौटा बचत तथा ऋण सहकारीले १२ औं वार्षिकोत्सवको अवसरमा आयोजना गरेको रक्तदानमा ३३ युनिट रगत संकलन भएको छ…

    hero news full width

    Jewellery

    sanil ads

    wordlink ads