Worldlink ads

पार्टीएकता निष्कर्षतिर

आदर्श समाज सम्वाददाता
माघ १५, २०७४

काठमाडौं/नेकपा (एमाले) र नेकपा (माओवादी केन्द्र)ले पार्टीएकतालाई शीघ्र निष्कर्षमा पुर्‍याउने सहमति गरेका छन्।

ललितपुरमा आइतबार एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहालबीच भएको छलफलमा सो सहमति भएको हो।

राष्ट्रियसभा निर्वाचनको मिति नजिकिएकाले सबैभन्दा पहिले त्यसलाई सफल बनाउने र प्रदेशका मुख्यमन्त्रीको विषयमा संयुक्त कार्यदलले तयार पार्ने प्रतिवेदनका आधारमा निर्णय गर्न समेत दुर्इ पार्टीका अध्यक्ष तयार भएका हुन्। अध्यक्ष ओली र अध्यक्ष दाहालबीच आइतबार ५ घण्टा एक्लाएक्लै छलफल भएको हो।

राष्ट्रियसभामा वामपन्थीका उम्मेद्वारलाई जिताउन प्रयास गर्ने र त्यसका लागि सबै तह र तप्कालाई संयुक्त निर्देशन दिने, स्थानीय तह र प्रदेशसभाका सदस्यलाई प्रभावकारी रुपमा निर्वाचनमा सहभागी भएर वामगठबन्धनका उम्मेदवारको पक्षमा मत दिने वातावरण बनाउन दुवै पार्टीका अध्यक्ष सहमत भएका हुन् ।

बैठकबारे जानकारी दिँदै अध्यक्ष दाहालका प्रेस संयोजक मनोहरि तिमिल्सिनाले राष्ट्रियसभा निर्वाचनलाई सफल बनाउने विषयमा छलफल केन्द्रित रहेको उल्लेख गरे। नयाँ सरकार गठन, पार्टीएकताबारे छलफल भए पनि सोही दिन निष्कर्षमा नपुगिएको बताइएको छ। छलफल जारी राख्दै शीघ्रातिशीघ्र पार्टीएकतालाई तार्किक निष्कर्षमा पुर्‍याउन अध्यक्षद्वय सहमत भएका हुन् ।

Related News

सम्बन्धित समाचार

    hero news full width