Worldlink ads

सफाइ अभियान सेतीघाट छिर्दै

आदर्श समाज सम्वाददाता
माघ १२, २०७४
cleaning 9

पोखरा, ११ माघ। फिर्के-बुलौंदी सफाइसँगै अघि बढेको पोखरा उपत्यका बृहत सफाइ अभियान ८७ औं हप्तादेखि सेतीघाट सफाइमा प्रवेश गर्ने भएको छ ।

आगामी शनिबारदेखि पोखरा-२५ स्थित सेती-मर्दीको दोभानघाटबाट उक्त अभियान शुरु गर्न लागिएको बिहीबार आयोजित पत्रकार सम्मेलनमा जानकारी गराइयो।

सेतीनदी पवित्र हुँदाहुँदै सरोकारवाला निकाय र स्थानीय सरकारको अदूरदर्शिताका कारण मलमूत्रसमेतका दुर्गन्धित ढल प्रशोधन नै नगरी सोझै सेतीमा खसाल्ने गरेको पाइकोले सरसफाइको जनचेतनामूलक अभियानका रुपमा अबको सरसफाइ उक्त क्षेत्रमा गरिने अभियान संयोजक रामबहादुर पौडेलले जानकारी दिए । ‘हप्ताको एक घण्टा, राष्ट्रका लागि’ भन्ने मूलमन्त्रका साथ सरसफाइ अभियानलाई जनचेतनामूलक अभियानका रुपमा सञ्चालन गरिएको उनले बताए ।

अभियानअर्न्तर्गत हालसम्म करिब १ हजार २ सय ९५ टन फोहोर व्यवस्थापन गरिसकिएको जनाइएको छ । यस्तै, सफाइ अभियानमा हालसम्म करिब १ हजार ७ सय ८५ संघसंस्था र करिब १ लाख १२ हजार ८ सय जनाले सहभागिता जनाएको बताइएको छ।

अभियान शुरु भएपछि माटेपानी मनाङ्गी गुम्बा, कृस्तिको जन्ती किचेढुङ्गा, नदीपुरको नाराणस्थान मन्दिर परिसर, वडा ९ को अकलादेवी मन्दिर, फेवातालको जलकुम्भी झार सफाइ, वडा ३२ को राजाको चौतारा, भद्रकाली मन्दिर परिसर, महेन्द्रपुलमुनिको फोहरको थुप्रेा, माछापुच्छ्रे गाउँपालिकाअर्न्तर्गत रिभान जोड्ने नयाँपुलस्थित मर्दिखोलाको फोहोरसम्म व्यवस्थापन गरिएको छ ।

यस्तै, हर्पनखोलाको डम्पिङसाइट र अर्मलाको २ सय ९८ रोपनी बेवारिसे सार्वजनिक जग्गाको पहिचान र दर्ता रोक्का प्रक्रिया सफाइ अभियानको ऐतिहासिक उपलब्धि रहेको पत्रकार सम्मेलनमा वितरित विज्ञप्तिमा उल्लेख छ ।

सरसफाइ अभियानअर्न्तर्गत महेन्द्रपुलचोकदेखि अख्तियार कार्यालय नयाँबजारसम्म, राष्ट्रबैंकचोकदेखि फेवाताल किनारस्थित ड्यामसाइडपार्कसम्म र शान्तिनगरचोकदेखि बुँलौंदी खोलासम्मको क्षेत्रलाई पूर्ण सरसफाइ क्षेत्र घोषणा गरिकिएकोे छ।

अभियानमा नेपाली सेना, नेपाल प्रहरी, सशस्त्र प्रहरी बल, प्राविधिक सहयोग जुटाउने पोखरा महानगरपालिका, खानेपानी क्षेत्रीय अनुगमन तथा सुपरीवेक्षण कार्यालय, पहिलो श्रृंखलादेखि नै मुक्तिनाथ विकास बैंक, ५२ औं हप्तादेखि ओम डेभलपमेन्ट बैंक र ७८ औं हप्तादेखि एनआइसी एशिया बैंक लगायत विभिन्न संघसंस्थाले नियमित रुपमा प्रत्यक्ष सहयोग गर्दैआएका छन् ।

कार्यक्रममा अभियन्ता शशी तुलाचन, लोकदर्शन कोइराला, पत्रकार महासंघ कास्की अध्यक्ष दीपेन्द्र श्रेष्ठलगायत बोलेका थिए ।

Related News

सम्बन्धित समाचार

    • गलकोटेलाई पोखराका अस्पतालमा छुट

      रासस कार्तिक ९, २०७८
      बागलुङ । जिल्लाको गलकोट भेगका सर्वसाधारणलाई पोखराका दुई अस्पतालले औषधि र उपचार सेवामा छुटको प्रबन्ध गरेका छन् । फेवासिटी र…
    • प्रतियोगिता पर्खिंदै युकेश

      धनबहादुर गुरुङ कार्तिक ९, २०७८
      पोखरा । पोखराका प्याराग्लाइडिङ पाइलट युकेश गुरुङलाई स्वेदश तथा विदेशको प्रतियोगितामाबाट निम्तो नआएको २ वर्ष बढी भयो । सन् २०१९…
    • त्रिनेत्रेश्वर शिव मन्दिरमा सम्मान

      आदर्श समाज सम्वाददाता कार्तिक ९, २०७८
      लेखनाथ । त्रिनेत्रेश्वर शिव मन्दिर पोखरा ३० शिशुवाले मन्दिरका विभिन्न गतिविधिहरुमा उल्लेखनीय योगदान पुर्‍याएको भन्दै शिशुवा सत्संग भजन भण्डलीलाई सम्मान…
    • ८० प्रतिशत फूल पोखरा आसपासमा नै उत्पादन

      रासस कार्तिक ८, २०७८
      गण्डकी । अधिकांश उत्पादनमा परनिर्भरता नै मौलिकता जस्तै बन्दै गएको वास्तविकतामा पोखरा फूलमा भने आत्मनिर्भर हुने क्रममा छ । तिहार…
    • पोखरा स्टिल फेब्रिकेटर्समा विश्व

      आदर्श समाज सम्वाददाता कार्तिक ८, २०७८
      पोखरा । पोखरा स्टिल फेब्रिकेटर्स एसोसिएसन कास्की अध्यक्षमा विश्वप्रसाद कर्माचार्य निर्वाचित भएका छन् । संस्थाको १४ औं अधिवेशन एवं २१…

    hero news full width

    Jewellery

    sanil ads

    wordlink ads