विषादी न्यूनीकरणका लागि सांगीतिक कार्यक्रम

आदर्श समाज सम्वाददाता
माघ ८, २०७४
bisadi

हेमजा, ७ माघ । पोखरा-२५, हेमजा स्थित जागरण अभियान नेपालले माघ २७ गते विषादी न्यूनीकरणका लागि सचेतना फैलाउने उद्देश्यका साथ पोखरामा वृत्तचित्र प्रदर्शन, सांगीतिक तथा सांस्कृतिक साँझ गर्ने भएको छ ।

संस्थाले पोखरामा शनिबार पत्रकार सम्मेलन गरी सोबारे जानकारी दिएको हो ।

पोखरा सभागृहमा सारेगम इन्टरनेशनल हाउसको व्यवस्थापन तथा रोट्रयाक क्लब अफ हेमजाको विशेष सहयोगमा उक्त कार्यक्रम गरिने छ ।

कार्यक्रमको महत्वमाथि प्रकाश पार्दै संस्थाका अध्यक्ष मोतिराज तिम्सिनाले गीत संगीत र मनोरञ्जन माध्ययमबाट विषादीको प्रयोगले मानव स्वास्थ्य र वातावरणमा पार्ने असरबारे आमजनतालाई जानकारी दिने उद्देश्यले कार्यक्रम गर्न लागिएको बताए । उनले हिजोआज जथाभावी विषादी प्रयोग बढेको ठहर गर्दै जसका कारण पर्यावरण र मानव स्वास्थ्यमा प्रतिकूल असर पर्दै गएको पनि जनाए ।

छिटो उत्पादन लिने नाममा विषादीको बढ्दो प्रयोगले उपभोक्ता र किसान प्रत्यक्ष रुपमा प्रभावित भएको जिकिर गर्दै तिम्सिनाले विषादी प्रयोगबारे आमसर्वसाधरणमा समयमै सचेतता ल्याउन जरुरी भएको औल्याए । विषादी प्रयोगलाई गम्भीर रुपमा नलिए निकट भविष्यमै ठूलो खतरा हुन सक्ने उनको दावी थियो ।

उक्त कार्यक्रममा कलाकार यसकुमार, जितु नेपाल(मुन्द्रे), केदार घिमिरे-माग्ने बुढा) लगायतको प्रस्तुति रहने छ ।

कार्यक्रम सम्पन्न गर्न करिब  ५ लाख ४० हजार खर्च लाग्ने अनुमान गरिएको छ ।

संस्थाका अध्यक्ष मोतिराज तिम्सिनाको अध्यक्षतामा सञ्चालित उक्त कार्यक्रमको सञ्चालन प्रथम उपाध्यक्ष विनोदप्रसाद त्रिपाठीले गरेका थिए ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width