Worldlink ads

व्यापार मेलामा फेसन शो

आदर्श समाज सम्वाददाता
माघ ५, २०७४

पोखरा, ४ माघ। सफल राष्ट्रिय व्यापार मेला तथा दोस्रो मोवाइल मेलाअन्तर्गत शुक्रबार फेसन शो हुँदैछ ।

नायिका सञ्चिता लुइँटेल र्‍याम्पमा उत्रने ‘फेसन शो’ को प्रायोजक चेरिष्मा इम्पोरियमकी सञ्चालक समेत रहेकी पोखरा उद्योग वाणिज्य संघ सदस्य सीता बरालले जानकारी दिइन् । उनका अनुसार  फेसन शोमा नेपालका चर्चित पुरुष तथा महिला मोडल सहभागी हुनेछन् ।

शुक्रबार लोकगायक बद्री पगेँनी विशेष आकर्षण रहने सांस्कृतिक उपसमिति संयोजक पवनकुमार प्रजापतिले जनाए । यस्तै,  चोलेन्द्र पौडेल, शंकरविरही गुरुङ, कृष्ण देवकोटा, अमर धिताल, सरला पाण्डे, शिवहरि ढुंगाना, शान्ति डोटेल, पारु गुरुङ, नेत्रपाणि बास्तोला पनि गायन प्रस्तुत गर्नेछन् ।

बिहीबार राजेशपायल राईको विशेष प्रस्तुतिले दर्शकलाई भरपूर मनोरञ्जन प्रदान गर्‍यो। साथै उनलाई रवि रिमाल, मीना निरौलाले साथ दिए ।

लोकगायक खुमन अधिकारी, चोलेन्द्र पौडेल, शंकरविरही गुरुङ, केशव देवकोटा, चन्द्रा कार्की, काजल गुरुङ, सरस्वती परियार, जगत गौडेल, नेत्रपाणि बास्तोलासहित मुलाको साग र जोगिन्दर पानवालको हास्य प्रहशन पनि समावेश गरिएको थियो।

मेला प्रवेश टिकटमा बम्पर उपहारको व्यवस्था समेत गरेको छ। मेला समापनमा प्रवेश टिकटमध्ये एक जनालाई गोलाप्रथाद्धारा हुण्र्डाई कम्पनीको इवन गाडी उपहारको राखिएको छ। सो गाडीको बजार मूल्य १८ लाखभन्दा बढी छ।

आयोजकका अनुसार मंगलबारसम्म करिब १ लाख २० हजार जनाले मेलाको अवलोकन गरेको र ७ करोडजतिको कारोबार भएको छ । यस्तै, दोस्रो मोवाइल मेलाअन्तर्गत मोवाइल एक्सचेञ्ज अफर प्रमुख आकर्षण बन्न पुगेको छ। अफर अनुसार बिहीबार मात्र १ सय भन्दा बढी मोवाइल साटफेर गरिएको छ। पोखरा नयाँबजारस्थित स्थायी प्रदर्शनी केन्द्रमा जारी मेला माघ ८ सम्म चल्नेछ ।

Related News

सम्बन्धित समाचार

    • कोरोनाले लोककवि अलिमियाँ फुटबल प्रतियोगिता स्थगित

      आदर्श समाज सम्वाददाता माघ १, २०७८
      पोखरा । कोरोना महामारीको प्रभावका कारण तेस्रो लोककवि अलिमियाँ स्मृति खुला सेभेन ए साइड फुटबल प्रतियोगिता स्थगित भएको छ। आयोजक…
    • ज्येष्ठ नागरिकको स्वास्थ्य परीक्षण

      आदर्श समाज सम्वाददाता पौष २७, २०७८
      हेमजा । पोखरा हेमजा निवासी ज्येष्ठ नागरिक स्वास्थ्य परीक्षण गरिएको छ । वडास्तरीय ज्येष्ठ नागरिक समितिले विशेष भेलाको आयोजना गरी…
    • प्रहरीद्वारा मास्क वितरण

      आदर्श समाज सम्वाददाता पौष २७, २०७८
      पोखरा । पोखराको तुल्सीघाटस्थित अस्थायी प्रहरी बिटका प्रहरी तथा समाजसेवीको सहयोगमा १ हजार ५ सय मास्क वितरण गरिएको छ ।…
    • महिला उद्यमी संघको साक्षरता

      आदर्श समाज सम्वाददाता पौष २७, २०७८
      पोखरा । महिला उद्यमी संघ नेपाल कास्कीले सातौं साधारण सभा अवसरमा कानुनी एवं बैंकिङ साक्षरता कार्यक्रम गरेको छ । कार्यक्रममा…
    • पेन्सन वितरण कार्यालयमा रक्तदान

      आदर्श समाज सम्वाददाता पौष २७, २०७८
      पोखरा । भारतको ७५ औं स्वतन्त्रता दिवस सन्दर्भमा भारतीय राजदूतावास पेन्सन वितरण कार्यालय, पोखराले सोमबार रक्तदान एवं निशुल्क स्वास्थ्य शिविर…

    hero news full width