Worldlink ads

ढिकुरपोखरी दूध गाउँ

आदर्श समाज सम्वाददाता
माघ ३, २०७४

हेमजा, २ माघ। अन्नपूर्ण गाउँपालिकाका वडा १, २ र ३ साविक ढिकुरपोखरी गाविसलाई दूध गाउँका रुपमा विकास गरिनुपर्नेमा जोड दिइएको छ।

अन्नपूर्ण गाउँपालिका १ स्थित नागडाँडा दुग्ध उत्पादक सहकारी संस्था लिमिटेडको २० औं वाषिर्क साधारण सभाका वक्ताले सो कुरामा जोड दिएका हुन्।प्रमुख अतिथि सहकारीका वरिष्ठ सल्लाहकार एवं सप्तगण्डकी जिल्ला दुग्ध उत्पादक सहकारी संस्था लिमिटेडका अध्यक्ष पुण्यप्रसाद पौडेलले साविक ढिकुरपोखरी गाविस प्राकृतिक हिसावले पशुपालनका लागि उपयुक्त रहेको ठहर गर्दै ढिकुरपोखरीमा गाईभैसीपालन गरी दूध गाउँ बनाउनुपर्नेमा जोड दिए। पौडेलले ढिकुरपोखरीको हावापानी खेतीपातीको लागि भन्दा पशुपालनकै लागि राम्रो रहेको तर्क समेत गरे।

अन्नपूर्ण गाउँपालिका १ का अध्यक्ष भरतजंग कुँवरले सहकारीसँग मिलेर ढिकुरपोखरीलाई दुग्ध गाउँ बनाउन वडाले सक्दो सहयोग गर्ने प्रतिबद्घता जनाए।वडा ३ का अध्यक्ष चन्द्रबहादुर गुरुङले नागडाँडा दुग्ध सहकारी समग्र गाउँपालिकाकै नमुना उद्योग भएको चर्चा गर्दै पशुपालनको विकासमा गाउँपालिकाले उचित ध्यान दिनुपर्ने आवश्यकता औल्याए।

त्यस अवसरमा वडा २ की सदस्य भगवती भण्डारी, सहकारीका सदस्य मदनप्रसाद पौडेल र खगराज अधिकारी, पशु सेवा प्राविधिक गोविन्दराज पौडेल, पशु विकास अधिकृत गोमा श्रेष्ठ, कृषि विकास कार्यालय ढिकुरपोखरीका प्रमुख शशीकुमार सिंह लगायतले पनि आ-आफ्ना धारणा राखेका थिए।

कार्यक्रममा लेखा संयोजक चूडामणि पौडेलले आव २०७३/०७४ को लेखा परीक्षण प्रतिवेदन, अध्यक्ष चूडामणि अधिकारीले वाषिर्क प्रगति प्रतिवेदन पेस गरे ।

यस्तै, १० करोड २२ लाख रुपैयाँ बराबरको आगामी आर्थिक वर्षको अनुमानित आय-व्यय विवरण सहितको प्रतिवेदन सहकारीका व्यवस्थापक यमप्रसाद अधिकारी, पशुबिमाको वाषिर्क लेखा परीक्षण प्रतिवेदन सचिव तारानाथ अधिकारी र बिमाको आगामी वर्षका कार्यक्रमबारे विमा उपसमितिका अध्यक्ष कलाधर भुगाईले प्रतिवेदन प्रस्तुत गरेका थिए।

सहकारीका अध्यक्ष चूडामणि अधिकारीको अध्यक्षतामा सम्पन्न उक्त कार्यक्रममा उपाध्यक्ष हेमराज अधिकारीले स्वागत र व्यवस्थापक यमप्रसाद अधिकारीले सञ्चालन गरेका थिए।

Related News

सम्बन्धित समाचार

    • गलकोटेलाई पोखराका अस्पतालमा छुट

      रासस कार्तिक ९, २०७८
      बागलुङ । जिल्लाको गलकोट भेगका सर्वसाधारणलाई पोखराका दुई अस्पतालले औषधि र उपचार सेवामा छुटको प्रबन्ध गरेका छन् । फेवासिटी र…
    • प्रतियोगिता पर्खिंदै युकेश

      धनबहादुर गुरुङ कार्तिक ९, २०७८
      पोखरा । पोखराका प्याराग्लाइडिङ पाइलट युकेश गुरुङलाई स्वेदश तथा विदेशको प्रतियोगितामाबाट निम्तो नआएको २ वर्ष बढी भयो । सन् २०१९…
    • त्रिनेत्रेश्वर शिव मन्दिरमा सम्मान

      आदर्श समाज सम्वाददाता कार्तिक ९, २०७८
      लेखनाथ । त्रिनेत्रेश्वर शिव मन्दिर पोखरा ३० शिशुवाले मन्दिरका विभिन्न गतिविधिहरुमा उल्लेखनीय योगदान पुर्‍याएको भन्दै शिशुवा सत्संग भजन भण्डलीलाई सम्मान…
    • ८० प्रतिशत फूल पोखरा आसपासमा नै उत्पादन

      रासस कार्तिक ८, २०७८
      गण्डकी । अधिकांश उत्पादनमा परनिर्भरता नै मौलिकता जस्तै बन्दै गएको वास्तविकतामा पोखरा फूलमा भने आत्मनिर्भर हुने क्रममा छ । तिहार…
    • पोखरा स्टिल फेब्रिकेटर्समा विश्व

      आदर्श समाज सम्वाददाता कार्तिक ८, २०७८
      पोखरा । पोखरा स्टिल फेब्रिकेटर्स एसोसिएसन कास्की अध्यक्षमा विश्वप्रसाद कर्माचार्य निर्वाचित भएका छन् । संस्थाको १४ औं अधिवेशन एवं २१…

    hero news full width

    Jewellery

    sanil ads

    wordlink ads