पोखरा, २६ पुस । गुड नेर्वर्स इन्टरनेशलन नेपालको आर्थिक सहयोगमा नौलो घुम्ती नेपालद्वारा संचालित सामुदायिक विकास परियोजनाअन्तर्गत ग्रामीण क्षेत्रका महिलालाई ३ महिने एड्भान्स सिलाई कर्टाई तालिम दिइएको छ ।

अभिभावकको आयआर्जन वृद्धि तथा उद्यमशिलता विकासका लागि नौलो घुम्ती नेपालले असोज ३ महिने एड्भान्स सिलाई कर्टाई तालिम दिएको हो ।

तालिम प्रशिक्षकमा जमुना आचार्य थिइन् । तालिममा साविकका लुम्ले, मिजुरेडाँडा र ल्वाङघलेल हाल अन्नपुर्ण ६ र ७, मादी ८ र माछापुच्छ्रे ८ बाट सहभागी थिए।

तालिमपछि कुथा, शुरुवाल, सर्ट, पाइन्ट, भोटो, जामा, गाउन, चोलो सिलाउन सक्ने सहभागी संगिता परियारले बताइन्। तालिम समापनमा कार्यक्रम संयोजक मना ज्ञवालीले ग्रामीण भेगबाट परिवारबाट ३ महिनासम्म टाढा भएर आर्जन गरेको सीपले आफ्नो परिवारको आयआर्जनमा सघाउने बताइन्।  नौलो घुम्ती नेपालका कोषाध्यक्ष मंगल नेपालीले महिलाले विगतका दिनहरुमा चुलो चौकोमा मात्र सिमित नभई पुरुषसरह आय आर्जनमा सघाउन सक्षम भैसकेको भनि प्रशिक्षार्थीहरुलाई उर्जाशील बनाई शुभकामना व्यक्त गरे।

कार्यक्रम सञ्चालन नौलो घुम्ती नेपाल, सामुदायिक विकास परियोजनाका लघु उद्यम विकास अधिकृत नेहा शाहीले गरेकी थिइन्।