Worldlink ads

भैरव सांस्कृतिक संरक्षणको साधारणसभा

आदर्श समाज सम्वाददाता
पौष २३, २०७४

पोखरा, २२ पुस। भैरव सांस्कृतिक संरक्षण समितिको ४१ औं साधारणसभा सम्पन्न भएको छ।

पोखरा लेखनाथ महानगरपालिका प्रमुख मानबहादुर जिसीले साधारणसभा उद्घाटन गर्दै पोखराको सांस्कृतिक र धार्मिक पर्यटनको विकास र प्रबर्द्धनका लागि महानगरपालिकाले सहयोग गर्ने प्रतिबद्धता जनाए।

कार्यक्रममा समितिका सल्लाहकार तीर्थ श्रेष्ठले भैरव मन्दिरको बिकास गर्ने गुरुयोजनाबारे प्रकाश पारे। पर्यटनमा धार्मिक र सांस्कृतिक क्षेत्रको महत्व छ भन्दै श्रेष्ठले सांस्कृतिक क्षेत्रको विकासमा सम्पदा पहिचान र बिकास गर्न जरुरी रहेको उल्लेख गरे।

नेपाल उद्योग वाणिज्य महासंघका पूर्व अध्यक्ष आनन्दराज मुल्मीले पोखरा महानगरपालिकाको विकासका लागि पुरानो मानसिकता त्याग्नुपर्ने बताए।

पोखराको शहरीकरणका लागि हालको वडा नं २ उद्गमथलो रहेको चर्चा गर्दै मुल्मीले यस क्षेत्रको सांस्कृतिक संरक्षणमा महानगरपालिकाले विशेष महत्व दिन आग्रह गरे। नेवाः खल कास्कीका अध्यक्ष अशोक पालिखेले महानगरपालिकाले नयाँ कामहरुको थालनी गरेको बताए। महानगरमा व्यवस्थित शहर बसाल्न महानगरपालिकाले लिएको कदमलाई आम महानगरवासीले सहयोग गर्नुपर्नेमा जोड दिए। वडाअध्यक्ष रामेश्वर मल्लले वडासमितिको तर्फबाट यस क्षेत्रको संास्कृतिक विकास र संरक्षणका लागि सहयोग गर्ने प्रतिबद्धता जनाए। समितिका अध्यक्ष कृष्णदेव प्रधानाङ्गको अध्यक्षतामा सम्पन्न कार्यक्रममा उपाध्यक्ष तीर्थमान प्रधानाङ्गले स्वागत र सचिव कृष्णबहादुर श्रेष्ठले कार्यक्रम सञ्चालन गरेका थिए।

२ सय ४० वर्ष पुरानो भैरवनृत्य मल्लकालीन संस्कृतिको जीवन्त उदाहरणका रुपमा रहेको बताइन्छ। ५ घण्टा लामो भैरव नृत्यमा वाद्यवादनतर्फ १०, गायनमा १४, नृत्यमा १२ र नृत्य सहयोगीमा १२ जना गरी ६० जनासम्मको कलाकार सहभागी हुन्छन्।

शास्त्रीय संगीतमा आधारित भैरव नृत्यमा गायन, वाद्यवादन र नृत्य गरी तीन पक्ष हुन्छन्। मुखुण्डो लगाएर नाचिने यस नृत्यको आरम्भमा तान्त्रिक पद्धति अपनाइन्छ।

Related News

सम्बन्धित समाचार

    • त्रिशूलीमा कार खस्दा पोखराका ३ जना बेपत्ता

      आदर्श समाज सम्वाददाता असाेज ८, २०७८
      पोखरा, ८ असोज । त्रिशूली नदीमा कार खस्दा पोखराका ३ जना बेपत्ता भएका छन् । काठमाडौंबाट पोखरा आउँदै गरेको कार…
    • कांग्रेस जिल्ला उपसभापतिमा ढुंगानाकाे उम्मेदवारी

      आदर्श समाज सम्वाददाता असाेज ८, २०७८
      लेखनाथ । नेपाली कांग्रेसको १४ औं महाधिवेशनमा कास्की जिल्लाको उपसभापतिमा पोखरा–३१ का कृष्णप्रसाद ढुंगानाले उम्मेदवारी घोषणा गरेका छन् । वेगनासतालमा…
    • शुभ अवसर ग्रामको तालिम सम्पन्न

      आदर्श समाज सम्वाददाता असाेज ८, २०७८
      पोखरा । शुभ अवसर ग्राम नेपालको आयोजनामा उद्यमशीलता विकास तथा व्यवसाय व्यवस्थापन तालिम सम्पन्न भएको छ । ४ दिनसम्म चलेको…
    • उत्तरदायी पत्रकारितामा जोड

      आदर्श समाज सम्वाददाता असाेज ८, २०७८
      पोखरा  । नेपाल पत्रकार महासंघ केन्द्रीय समिति र कास्की शाखाको संयुक्त आयोजनामा उत्तरदायी पत्रकारिता विषयक अभिमुखीकरण कार्यक्रम भएको छ । कार्यक्रममा…
    • बिरौटा सहकारीको रक्तदान

      आदर्श समाज सम्वाददाता असाेज ७, २०७८
      पोखरा । बिरौटा बचत तथा ऋण सहकारीले १२ औं वार्षिकोत्सवको अवसरमा आयोजना गरेको रक्तदानमा ३३ युनिट रगत संकलन भएको छ…

    hero news full width

    Jewellery

    sanil ads

    wordlink ads