Worldlink ads

म्याग्दीमा परिवार नियोजन शिविर

आदर्श समाज सम्वाददाता
पौष २३, २०७४
sibir

पोखरा, २२ पुस। जिल्ला स्वास्थ्य कार्यालय म्याग्दी तथा एसआईपीओटु/एमएसआई म्याग्दीको आयोजनामा म्याग्दीका विभिन्न स्थानमा स्थायी तथा अस्थायी परिवार नियोजन शिविर संचालन भएको छ।

गत पुस १२ देखि २० गतेसम्म चलेको उक्त शिविरमा ७५ जनाले स्थायी परिवार नियोजन सेवा लिएका छन्। तीमध्ये ५१ जनाले भ्यासेक्टोमी र २४ जनाले मिनील्याब सेवा लिएका हुन्। यस्तै, २ जनाले अस्थायी इम्प्लान्ट सेवा लिएको एसआईपीओटु/एमएसआईका जिल्ला प्रबन्धक डा मिलनराज सिग्देलले जानकारी दिए।

शिविरमा वरिष्ठ स्त्रीरोग विशेषज्ञ डा लक्ष्मी गौतमले डा लक्ष्मी गौतम लगायत चिकित्सक टोली खटिएको थियो।

सो कार्यक्रमको समापनमा वेनी नगरपालिकाका नगर प्रमुख हरिकुमार श्रेष्ठ, उपप्रमुख सञ्जु बरुवाल, जिल्ला समन्वय समितिका प्रमुख देवेन्द्रबहादुर केसी, सामाजिक विकास अधिकृत हरिकृष्ण आचार्य, जिल्ला स्वास्थ्य कार्यालय म्याग्दीका प्रमुख डा. रोशन न्यौपाने लगायत उपस्थित थिए। शिविर जिल्ला अस्पताल म्याग्दी, अर्मन स्वास्थ्य चौकी, दरवाङ प्राथमिक स्वास्थ्य चौकीमा भएको हो।

यस्तै, पुस २४ मा म्याग्दीको ताकममा परिवार नियोजन शिविर सञ्चालनको तयारी भएको एसआईपीओटु/एमएसआईका जिल्ला प्रबन्धक डा मिलनराज सिग्देलले जानकारी दिए।

Related News

सम्बन्धित समाचार

    hero news full width