Worldlink ads

विद्युतीय व्यवसायी महासंघको साधारणसभा

आदर्श समाज सम्वाददाता
पौष २३, २०७४
bijuli

पोखरा, २२ पुस। पोखरामा विद्युतीय व्यवसायी महासंघको आठौं साधारणसभा भएको छ। महासंघ मातहतका १९ जिल्लाका जिल्ला वा नगर संघ र ६५ एशोसिएट सदस्यको साधारणसभामा सहभागिता छ।

साधारणसभामा उत्पादक, आयातकर्ता, बिक्रेता, उपभोक्ता र सरकारको हितमा कसरी काम गर्ने र न्यून बिजकीकरणी भन्सारमा व्यवसायीले झेल्नुपरेको समस्या लगायत विषय साधारणसभामा छलफल हुने अध्यक्ष तेजनारायण खरेलले बताए।

साधारणसभा महासंघले वर्षभर गरेको कार्य समीक्षा, आम्दानी खर्चको अनुमोदन गर्नुको साथै व्यवसायी तथा एशोसिएट सदस्यले दिएको सुझाव अनुसार महासंघलाई अघि बढाउने अध्यक्ष खरेलले बताए।

देशभरका विभिन्न जिल्लाका विद्युतीय व्यवसायीबीच एकता कायम गर्न र विद्युतीय व्यवसाय निरन्तर रुपमा अघि बढाउन यसपटक महासंघको साधारणसभा पोखरामा गरिएको महासंघका महासचिव रेशम देवकोटाले बताए।

गुणस्तरीय विद्युतीय सामग्रीको उत्पादन र बिक्री वितरणका लागि आवाज उठाउँदैआएको महासंघको एजेण्डा पोखरामा आयोजित साधारणसभाले पारित गर्ने देवकोटाको भनाइ थियो।

साधारणसभा प्रतिनिधिसभा सदस्य रवीन्द्र अधिकारीले उद्घाटन गर्दै  विद्युतीय सामग्रीको मूल्यमा एकरुपता ल्याउन साधारणसभा कोशेढुंगा बन्ने बताए।

न्यून बिजकीकरणको आफू पनि पक्षमा नरहेको औल्याए। ‘बिजकीकरण आर्थिक विकृतिको संकेत हो’-उनले थपे-‘राज्यले यसलाई समयमै नियन्त्रण गर्न जरुरी छ।’

कार्यक्रममा महासंघले जिल्लागत संघमध्येबाट रुपन्देही विद्युतीय व्यवसायी संघ प्रथम, चितवन विद्युतीय व्यवसायी संघ द्वितीय र पोखरा विद्युतीय व्यवसायी संघ तृतीयलाई र एशोसिएट सदस्यमध्येबाट प्राइम भेञ्चर, प्रिमियर ओभर्सिज र ट्रान्सवेल्ड कम्पनि काठमाडौंलाई सम्मान गरेको छ।

कार्यक्रममा महासंघले झापा जिल्लाको विद्युतीय संघका अध्यक्ष दीपचन्द्र अग्रवाललाई कदरपत्रद्वारा सम्मान गरेको थियो। अग्रवाललाई झापा जिल्ला विद्युतीय व्यवसायी संघको कार्यलय भवन निर्माणका लागि भमिदान गरेको भन्दै सम्मान गरेको हो।

महासंघका अध्यक्ष तेजनारायण खरेको अध्यक्षता र स्वागत मन्तब्य रहेको कार्यक्रम महासचिव रेशम देवकोटाले सञ्चालन गरेका थिए।

Related News

सम्बन्धित समाचार

    • फणीन्द्रमान औद्योगिकीकरणका पर्याय

      आदर्श समाज सम्वाददाता कार्तिक ९, २०७८
      पोखरा । पोखरा उद्योग वाणिज्य संघले पूर्व अध्यक्ष फणीन्द्रमान श्रेष्ठको १३ औं दिनको पुण्यस्मृतिमा श्रद्धाञ्जली सभा गरेको छ । संघका…
    • सिजीको दसैं र तिहार योजना

      आदर्श समाज सम्वाददाता कार्तिक ९, २०७८
      पोखरा । सिजीले दसैं र तिहार लक्षित गर्दै ‘यो उत्सबमा घरलाई बनाऔं सिजी स्मार्ट होम’ नामक योजना हालै बजारमा ल्याएको…
    • पोखरा स्टिल फेब्रिकेटर्समा विश्व

      आदर्श समाज सम्वाददाता कार्तिक ८, २०७८
      पोखरा । पोखरा स्टिल फेब्रिकेटर्स एसोसिएसन कास्की अध्यक्षमा विश्वप्रसाद कर्माचार्य निर्वाचित भएका छन् । संस्थाको १४ औं अधिवेशन एवं २१…
    • जय कालिका प्लास्टिक उद्योग पाँचौं वर्षमा

      आदर्श समाज सम्वाददाता कार्तिक ८, २०७८
      पोखरा । पोखरा–३२ स्थित जय कालिका प्लाष्टिक उद्योग प्रालि स्थापनाको पाँचौं वर्षमा प्रवेश गरेको छ । यो कम्पनी पानी ट्यांकी…
    • बुद्ध विशाल बजारमा बधाई

      आदर्श समाज सम्वाददाता कार्तिक ८, २०७८
      पोखरा । बुद्ध विशाल बजार व्यापारिक एसोसिएसन पोखराले नवगठित कार्यसमिति संयोजक तथा सदस्यलाई बधाईसहित परिचयात्मक कार्यक्रम गरेको छ । कार्यक्रममा…

    hero news full width

    Jewellery

    sanil ads

    wordlink ads