सांसद बराललाई शुभचिन्तकको सम्मान

आदर्श समाज सम्वाददाता
पौष २३, २०७४
ramji

पोखरा, २२ पुस। प्रदेशसभा सदस्यमा निर्वाचित भएकोमा रामजी बराल जीवनलाई पोखरामा उनका शुभचिन्तकले शनिबार बधाई तथा सम्मान गरेका छन्।

पुम्दीभुम्दी र पोखराका शुभचिन्तकको समूहले एक कार्यक्रम गरी सांसद बराललाई बधाई दिँदै उत्तरोत्तर प्रगतिको शुभकामना दिए।

कार्यक्रममा सांसद बरालले जनताको अमूल्य मतको कदर गर्ने बताए। आफू इमान्दार सेवकभन्दा माथि कहिल्यै  आफूलाई नसोचेको उल्लेख गर्दै उनले मतदानमा सहयोग पुर्‍याउने सम्पूर्णलाई धन्यवाद दिए। उनले अब नयाँ व्यवस्थापन र सोचमा परिवर्तनको खाँचो रहेको औल्याए।

कार्यक्रममा स्वतन्त्र पत्रकार संघका केन्द्रीय अध्यक्ष एवं आदर्श समाज दैनिकका प्रधानसम्पादक कृष्णप्रसाद बास्तोलाले विजयी बराललाई बधाई दिँदै जनताको मतको कदर गर्दै अघि बढ्न सुझाव दिए। उक्त अवसरमा सांसद बरालका शुभचिन्तकले उनलाई खादा तथा अबिर लगाउँदै बधाई ज्ञापन गरेका थिए।

अमृत बरालको अध्यक्षमा भएको कार्यक्रममा स्वागत माछापुच्छ्रे टोल विकास संस्थाका अध्यक्ष कमला रानाभाट र सञ्चालन सामाजिक अभियन्ता डिल्लीराम बरालले गरेका थिए। कास्कीको पुम्दीभुम्दीका सांसद बराल गत मंसिर २१ मा भएको प्रतिनिधिसभा तथा प्रदेशसभा निर्वाचनमा कास्की क्षेत्र ३ अन्तर्गत प्रदेशसभा (क) बाट विजयी भएका हुन्।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width