Worldlink ads

माघ अन्तिम साता लाहाचोकमा मेला

आदर्श समाज सम्वाददाता
पौष १७, २०७४
lahachook photo

हेमजा,१६ पुस। वाने टाकुरा धार्मिक संरक्षण समिति माछापुच्छे्र गाउँपालिका-४, लाहाचोकले आगामी माघ २७ गतेबाट फागुन २ गतेसम्म मेला गर्ने भएको छ। आइतवार एक कार्यक्रमका बीच उक्त मेला गर्ने घोषण गरिएको हो।

कार्यक्रममा बोल्दै प्रदेशसभा सदस्य रामजी बरालले माछापुच्छे्र गाउँपालिकालाई धार्मिक एवम् पर्यटकीय क्षेत्रको रूपमा विकास गर्ने बताए। गाउँपालिका अध्यक्ष कर्णबहादुर गुरुङले माछापुच्छे्र गाउँपालिकाको चिनारीमा बाने टाकुरा मन्दिर रहेको बताउँदै गाउँपालिकाकातर्फबाट मेलामा सक्दो सहयोग रहने जनाए। वडा नं. १ का अध्यक्ष वीरेन्द्र गुरुङले लाहाचोक गाउँपालिकाको केन्द्र मात्र नभई धार्मिक केन्द्रका रूपमा पनि रहेको आफुले हेरेको टिप्पणी गरे। वडा नं. ४ का अध्यक्ष पूर्णबहादुर शाहीले मेला शिष्ट र मर्यादित वातावरणमा सम्पन्न हुनुपर्नेमा जोड दिए।

मेला सम्पन्न गर्न आइतवार बाटै सहयोग संकलन पनि थालिएको छ। जसअनुसार स्थानीय भुपेन्द्रबहादुर कुँवरले ३५ हजार, रामबहादुर जिसीले २५ हजार, कृष्णबहादुर कार्कीले मन्दिर निर्माण गर्नका लागि रु. १ लाख ६७ हजार तथा मेला सम्पन्न गर्नका लागि २५ हजार, अजित नेपालीले ४९ हजार, देवु दवाडीबाट १० हजार, वडा नं. १ का अध्यक्ष वीरेन्द्र गुरुङबाट ३० हजार, लाहाचोक प्रवासी समाज कतारबाट ५ हजार, सृजनशील आमा समूहबाट ३० हजार सहयोग प्राप्त भएको छ।

उक्त कार्यक्रममा गायिका पार्वती जिसी, श्रीराम अधिकारी, परशुराम अधिकारीलगायतको प्रस्तुति राहेको थियो। मेला सम्पन्न गर्न पानबहादुर जिसीको संयोजकत्वमा कुल तीन सय नौं सदस्यीय मूल आयोजक समिति गठन गरिएको छ। मेला माघ २७ गतेबाट फागुन २ गतेसम्म र शिवरात्री मेला तथा शिव पुराण माघ २२ गतेबाट फागुन १ गतेसम्म चल्ने धार्मिक क्षेत्रविकास समितिका अध्यक्ष केशव अधिकारीले बताएका छन।

मेलामा भजन चुड्का प्रतियोगिता, रत्तौली प्रतियोगिता, लोकदोहोरी प्रतियोगिता, हास्य कलाकारका विभिन्न प्रस्तुति,राष्ट्रिय तथा स्थानीय कलाकारका प्रस्तुति साथै विभिन्न सांस्कृतिक तथा पुरातात्विक स्थलको अवलोकन समेत गराइने जनाइएको छ।

Related News

सम्बन्धित समाचार

    • आमाको स्मृतिमा बास्तोला परिवारको अक्षयकोष

      आदर्श समाज सम्वाददाता असाेज २५, २०७८
      पोखरा । पोखरा ११, फूलबारीका रामचन्द्र बास्तोला र कृष्णप्रसाद बास्तोला (राजु) ले आमाको स्मृतिमा अक्षयकोष स्थापना गरेका छन् । उनीहरुले…
    • विश्व हिन्दू महासंघको पोखरामा महायज्ञ तयारी

      आदर्श समाज सम्वाददाता असाेज २५, २०७८
      पोखरा । विश्व हिन्दू महासंघ राष्ट्रिय समिति कास्कीको आयोजनामा ॐकार सनातन वैदिक धर्म संकल्प महायज्ञ एवं श्रीमद्भागवत् धर्म जागरण विराट…
    • पोखरामा खसी बजारमा अनुगमन

      आदर्श समाज सम्वाददाता असाेज २५, २०७८
      पोखरा । चाडपर्वमा उपभोक्ता ठगिएको गुनासा आएपछि पोखरा महानगरले बजार अनुगमन सुरु गरेको छ । महानगर उपप्रमुख मञ्जुदेवी गुरुङको नेतृत्वमा…
    • पाल्पाली समाज पोखराको शुभकामना आदानप्रदान

      आदर्श समाज सम्वाददाता असाेज २५, २०७८
      पोखरा । पाल्पाली समाज पोखराले दसैं, तिहार, नेपाल संवत, छठ अवसरमा शुभकामना आदानप्रदान कार्यक्रम गरेको छ। कार्यक्रममा पोखरा विश्वविद्यालयका पूर्व…
    • मेयर मानबहादुर जिसी पोखरा फर्के

      आदर्श समाज सम्वाददाता असाेज २३, २०७८
      पोखरा, २३ असोज । पोखरा महानगरपालिकाका मेयर मानबहादुर जिसी झण्डै २ महिनाको उपचारपछि पोखरा फर्केका छन् । उनी शनिबार पोखरा…

    hero news full width

    Jewellery

    sanil ads

    wordlink ads

    trending post

    ट्रेन्डिङ्ग