सल्युट गोर्खाको रक्तदान

आदर्श समाज सम्वाददाता
माघ २२, २०८१
bLOOD

पोखरा । सल्युट गोर्खा ट्रेनिङ सेन्टर, चाउथेले आयोजना गरेको रक्तदान कार्यक्रममा ३१ युनिट रगत संकलन भएको छ ।

संस्थाको १६ औं वार्षिकोत्सव तथा १७ औं स्थापना दिवस अवसरमा भएको कार्यक्रममा प्रादेशिक रक्तसञ्चार केन्द्र कास्कीले प्राविधिक सहयोग गरेको थियो ।

भूपू सैनिक तथा प्रहरी संगठन गण्डकी प्रदेशका अध्यक्ष सत्यराज सापकोटाले कार्यक्रम उद्घाटन गरेका थिए ।

कार्यक्रममा सामाजिक अभियन्ता सुस्मा पौडेल, लायन्स क्लब अफ पोखराका अध्यक्ष कृष्ण जिसी, सल्युट गोर्खाका प्रशिक्षक शिवराज सुवेदी, युआरएलका प्रबन्ध निर्देशक गणेशप्रसाद कोइरालालगायतले गोर्खा सल्युट गर्न लायक संस्था भन्दै प्रशंसा गरे ।

संस्थाले अन्तर्राष्ट्रियस्तरको आफ्नै तालिम मैदानसहित सुविधासम्पन्न छात्रावासको व्यवस्था गरेको छ भने सम्पूर्ण तालिम, तयारी कक्षा तथा छात्रबास आफ्नै क्याम्पभित्र सञ्चालन गर्दै आएको छ ।

सल्युट गोर्खामा हाल शारीरिक तालिमका साथै शैक्षिक एवं अन्तर्वार्ता तयारी कक्षा सञ्चालन समेत भइरहेको छ । जसमा हाल १ सय जनाभन्दा बढी युवाले प्रशिक्षण लिइरहेका छन्।

Related News

सम्बन्धित समाचार

hero news full width