पर्वत भँगरा पोखराको शिविर

आदर्श समाज सम्वाददाता
माघ २०, २०८१
parbat bhagara

पोखरा । पर्वत भँगरा पोखरा सम्पर्क समाजले फलेवास ९ को वडा कार्यालय भंगरा काउलेमा निःशुल्क स्वास्थ्य शिविर गरेको छ ।

दुर्गम स्वास्थ्य सेवा केन्द्र नेपाल र गण्डकी मेडिकल कलेजको प्राविधिक सहयोगमा भएको शिविरमा छिमेकी वडासहितका २ सय ५० जनाभन्दा बढीले स्वास्थ्य परीक्षण गराएका थिए । बिरामीलाई निःशुल्क औषधी वितरण गरिएको सम्पर्क समाजका अध्यक्ष खड्कबहादुर पौडेलले जानकारी गराए । उनका अनुसार निःशुल्क स्वास्थ्य शिविर योसहित तेस्रोपटक हो ।

शिविरमा जनरल फिजिसियन, दन्तरोग, स्त्रीरोगसम्बन्धी उपचार गरिएको थियो । गण्डकी मेडिकल कलेजका दक्ष डाक्टर तथा प्राविधिकले परीक्षण गरेका थिए ।

कार्यक्रममा प्रमुख अतिथि वडाध्यक्ष हितमान गुरुङ, समाजका संस्थापक अध्यक्ष हुतराज गुरुङ, कार्यक्रम संयोजक तथा निवर्तमान अध्यक्ष नवीन क्षेत्री, सल्लाहाकार ओमबहादुर पौडेल क्षेत्री, महाशिला गाउँपालिका वडा ६ का वडा अध्यक्ष गोविन्दबहादुर बिक दुर्गम स्वास्थ्य सेवा नेपालका को–अर्डिनेटर धर्मराज खड्कालगायतले धारणा राखेका थिए ।

समाजका अध्यक्ष खड्कबहादुर पौडेलको अध्यक्षतामा भएको कार्यक्रममा उपाध्यक्ष देवबहादुर पौडेल क्षत्रीले स्वागत मन्तव्य र सचिव अग्निप्रसाद भुसालले संचालन गरेका थिए ।

Related News

सम्बन्धित समाचार

  • पोखराको फोहोर उठाउने सहमति, माग पूरा गर्न १५ दिनको अल्टिमेटम

    आदर्श समाज सम्वाददाता फागुन १, २०८१
    पोखरा । पोखरामा झण्डै सातादिनदेखि थुप्रिएको फोहोर बिहीबारदेखि उठ्ने भएको छ । त्यसबारे पोखरा महानगरपालिका, वडा कार्यालय ३२ र लामेआहालस्थित…
  • जरोटुप्पोमा सम जयन्ती र सम्मान

    आदर्श समाज सम्वाददाता माघ २८, २०८१
    पोखरा । जरोटुप्पो संरक्षण साहित्य समाज नेपालले नाट्यसम्राट बालकृष्ण सम जयन्ती विविध कार्यक्रमका साथ मनाएको छ । संस्थाले सोही समारोहबीच…
  • सराङकोटमा फागुन १४ देखि महायज्ञ हुने

    आदर्श समाज सम्वाददाता माघ २८, २०८१
    पोखरा । धार्मिक पर्यटन क्षेत्रको रुपमा परिचित सराङकोटमा श्रीमद्भागवत ज्ञानमहायज्ञ एवं धार्मिक पर्यटन महोत्सव तयारी तीव्र पारिएको छ । सराङकोटलाई…
  • कोटीहोम गोलचक्करमा पोखरा

    आदर्श समाज सम्वाददाता माघ २८, २०८१
    पोखरा । सयौं वर्ष पुराना चौतारा र रुख मासेर कोटीहोम महायज्ञका लागि दाउरा बटुलेपछि मानव सेवा फाउण्डेसन र त्यसका संस्थापक…
  • ‘अनन्त यात्रा’ लिएर आए कवि प्रदीप

    आदर्श समाज सम्वाददाता माघ २८, २०८१
    पोखरा । कवि प्रदीप खनाल आफ्नो पहिलो कवितासंग्रह ‘अनन्त यात्रा’ लिएर पाठकमाझ आएका छन् । उनको कृतिको शनिबार पोखरामा आयोजित…

hero news full width