पोखरा । पोखरा उद्योग वाणिज्य संघ आयोजनामा ३३ औं राष्ट्रिय औद्योगिक व्यापार मेला तथा आइटी महोत्सव शनिबार समापन भएको छ ।
क्यान कास्कीले आयोजना गर्दै आएको क्यान इन्फोटेकको १२ औं संस्करण र मोबाइल वितरक संघले आयोजना गर्दै आएको मोबाइल मेलाको चौंथो संस्करण पनि सोही मेला अवसरमा भएको थियो ।
गत १० माघदेखि पोखरा नयाँबजारस्थित प्रदर्शनी केन्द्रमा संचालन भएको मेला निर्धारित मितिभन्दा २ दिन थप गरिएको थियो ।
आयोजक संघका अध्यक्ष गोकर्ण कार्कीका अनुसार यो मेला नाफा आर्जन गर्ने हिसाबले नभई उद्यमशीलता विकासका निम्ति आयोजना गरिएको थियो । उनले यो पटकको मेलालाई फरक शैलीले आयोजना गरिएको पनि बताए । ‘हामीले योपटकको मेलामा साँच्चै फरक गर्न खोज्यौँ । मेलालाई सूचना प्रविधि सिक्ने थलो बनायौं । योपटकको मेला सूचना प्रविधिबारे जानकारी पस्कने, टक शो माध्यमबाट उद्यमशीलता विकास, रोजगारी सिर्जनाबारे मन्थन गर्ने, सूचना प्रविधिसँग मान्छेलाई जोड्ने तथा आधुनिक जीवनको अपरिहार्य शर्त बनेको मोबाइल र त्यसका सामानको प्रदर्शन गर्ने थलो बन्यो,’ उनले भने ।
मेलाबाट देशका सातवटै प्रदेशका उत्पादन, खाना एवं संस्कृतिको प्रदर्शन गर्ने प्रयत्न सुरुवात गरिएको पनि उनको भनाइ छ । संघका उपाध्यक्ष दीनेशचन्द्र बास्तोलाले मेलामा सघाउनेलाई धन्यवाद ज्ञापन गर्दै उद्यमशीलता विकास तथा व्यवसायीको हितका लागि संघ निरन्तर क्रियाशील रहने बताए ।
मेलाको संरक्षक नेपाल उद्योग वािणज्य तथा महासंघ गण्डकी प्रदेश संरक्षक थियो भने गण्डकी प्रदेश सरकार, पोखरा महानगपालिका र नेपाल पर्यटन बोर्डले यसको प्रवद्र्धन गरेका थिए । ‘लगानीको सम्वद्र्धन : उद्योग व्यवसायको प्रवद्र्धन’ भन्ने मूलनाराका साथ आयोजित मेलामा संघले पोखरा औद्योगिक क्षेत्र उद्योग संघ, क्यान कास्की, नेपाल मोबाइल बिवरक संघ गण्डकी र सिएसआइटी एसोसिएसनसँग सहकार्य गरेको संघ महासचिव शोभा गौतमले बताइन् ।
यस्तै, संघका प्रचार संयोजक मनोहरि पौडेलले मधेश प्रदेश सरकार, नेपालस्थित भारतीय राजदूतावास, स्वामी विवेकानन्द कल्चरल सेन्टर, पोखरा महानगरपालिका आर्थिक विकास महाशाखा, कृषि विकास निर्देशनालय गण्डकीसँग पनि सहकार्य गरिएको बताए ।
मेलाको मुख्य प्रायोजन बाल्ट्रा होम एप्लाइन्सेसले गरेको थियो । सहप्रायोजकमा समृद्धि स्टिल्स, लक्ष्मी इन्टरकन्टिनेण्टल (हुण्डाइ), सुजल डेरीको सफल दूध र राष्ट्रिय वाणिज्य बैंक थिए ।
१० दिनसम्म चलेको मेलाको गण्डकीका मुख्यमन्त्री सुरेन्द्रराज पाण्डेले उद्घाटन गरेका थिए ।
Related News
सम्बन्धित समाचार
पोखराको फोहोर उठाउने सहमति, माग पूरा गर्न १५ दिनको अल्टिमेटम
जरोटुप्पोमा सम जयन्ती र सम्मान
सराङकोटमा फागुन १४ देखि महायज्ञ हुने
कोटीहोम गोलचक्करमा पोखरा
‘अनन्त यात्रा’ लिएर आए कवि प्रदीप
hero news full width
मुख्य समाचार
वेगनास ताल डुंगा व्यवसायीको गुनासो-मोटरबोट रोकियो, रोजीरोटी खोसियो
ब्ल्याक बुल्स् सेमिफाइनलमा
माघ २९, २०८१नेपालमै बन्यो शक्तिशाली नवग्रह मन्दिर, यस्ता छन् विशेषता
माघ २९, २०८१प्रतिभामा सिमसार बहस गर्दै विद्यार्थी
माघ २८, २०८१सहारा एकेडेमीका ६ खेलाडी ब्रिगेड ब्वाइजमा अनुबन्धित
माघ २८, २०८१थ्रिस्टार सेमिफाइनलमा प्रवेश
माघ २८, २०८१