पाेखरा नयाँबजारको मेलामा राजस्थानी नृत्य

आदर्श समाज सम्वाददाता
माघ १८, २०८१
mela

पोखरा । भारतको राजस्थान राज्यको उदयपुर संभाग क्षेत्रका महिलाहरु परम्परागत रुपले टाउकोमा ८/९ वटा पानीको घडा (माटोको गाग्री) राखेर नाच्छन् । नाच यति कठीन हुन्छ कि कहिलेकाहिँ उनीहरु नाचकै तालमा आफ्नो खुट्टा काँचको टुक्रा वा तरबारमासमेत राख्छन् ।

सामान्यतः यो नाचको उपक्रममा महिलाहरु टाउकोमा घडा र खुट्टामा पित्तलको थाली राखेर अगाडि बढ्छन् । भवई नाचको रुपमा प्रख्यात यो नाचको पृष्ठभूमिमा पखावज (मादलजस्तै), ढोलक, सारङ्गी र हार्मोनियमको संगीत गुञ्जन्छ । भवई नृत्यको नामले प्रख्यात यो नाचको उत्पत्ति गुजरातमा भएको मानिन्छ तर अहिले यो नाचलाई नजिकको राज्य राजस्थानको भवई समुदायको पहिचानको रुपमा हेरिन्छ ।

पोखरा प्रदर्शनी केन्द्रमा जारी ३३ औं संस्करणको राष्ट्रिय औद्योगिक व्यापार मेलमा शुक्रबार राजस्थानका कलाकारहरुले मञ्चमा यो नृत्य पस्के । रंगीन पोशाकमा सजिएका कलाकार संगीताबाट प्रस्तुत भवईबाट पोखरेलीहरु मन्त्रमुग्ध बने ।

उनलाई ढोलकमा इलामद्दिन, मुर्चुङ्गामा सिकन्दर, हार्मोनियममा मेहबुब खान, मुजुरामा इकवाल, ढोलक र बपाङमा निजाम, सारङ्गीमा सफु खानले साथ थिए । यसकाम साथै गायकीमा इलामद्दिन,बुन्दु खान, कसम खान र मेहबुबको साथ थियो । कलाकारद्वय ममता र मधुले दर्शकसामु कालबेलिया नृत्य प्रस्तुत गरे । कालबेलिया भारतको सीमान्तकृत समुदायमा गनिन्छ । उनीहरु सर्प समात्छन् र सर्पको विषको व्यापार गर्छन् । सर्पलाई पूज्नु र त्यस्तै नाच्नु यो जातिको विशेषता हो । यो समुदायलाई जोगिरा पनि भनिन्छ । कालबेलिया नृत्य अक्सर युगल हुन्छ र यसमा प्रेमका कथा भनिन्छ । यो शैलीका गीतहरु मुलधारका भारतीय सिनेमाहरुमा प्रयोग भएका छन् ।

नेपालस्थित भारतीय राजदूतावासको सदासयतामा मेलाको आयोजक संस्था पोखरा उद्योग वाणिज्य संघले राजस्थानी लोकनृत्य प्रस्तुत गरेको हो । त्यसो त यो सांस्कृतिक समूहले आफ्नो प्रस्तुतिको क्रममा ‘दमादम मस्त कलन्दर’ जस्तो कब्बाली पनि प्रस्तुत गरेको थियो । त्यो प्रस्तुुितमा दर्शकहरु झुमेका थिए । बसिमले सो समूहको नेतृत्व गरेका थिए । यो सांस्कृतिक कार्यक्रम आयोजना गर्न नयाँदिल्लीििस्थत भारतीय सांस्कृतिक सबन्ध परिषद्को सहयोग एवं स्वामी विवेकानन्द सांस्कृतिक केन्दको समन्वय रहेको पोखरा उद्योग वाणिज्य संघका अध्यक्ष गोकर्ण कार्कीले बताए ।

गण्डकीका वन तथा वातारणमन्त्री भेषबहादु पौडेलले सांस्कृतिक कार्यक्रम उद्घाटन गरेका थिए र्। ै उनले यस्ता साँस्कृतिक कार्यक्रमहरुको आयोजनाले नेपाल र भारतबीचको सम्बन्ध अझ बलियो हुने तथा भाइचार बढ्ने विश्वास व्यक्त गरे ।

भारतीय पेन्सन क्याम्पका ले. कर्णेल प्रशान्तसिंह बघेलले सुन्दर नगरी पोखरामा रंगीन पोशाक, पारम्परिक संगीत र आकर्षक नृत्यको लागि प्रख्यात राजस्थानको लोकनृत्य प्रस्तुत गर्न पाएकोमा खुसी व्यक्त गरे ।

संघकी महासचिव शोभा गौतमको संचालन रहेको कार्यक्रममा भारतीय राजदूतावासका प्रथम सचिव वशिष्ठनन्दन, नेपाल उद्योग वाणिज्य महासंघ तथा पोखरा उद्योग वाणिज्य संघका पूर्व अध्यक्ष आनन्दराज मुल्मी, पूर्व अध्यक्ष बसन्त उदास, कास्कीका निमित्त प्रमुख जिल्ला अधिकारी शिव लम्साल, कास्की प्रहरीका डिएसपी वसन्त शर्मासहित संघका पदाधिकारी तथा कार्यसमिति सदस्यहरुको उपस्थिति रहेको थियो ।

शुक्रबार कलाकार चोलेन्द्र पौडेल, ज्योति लोहनी, रामजी पौडेल, मन्जु बिक, अमर धिताललगायतको सांस्कृतिक प्रस्तुति रहेको थियो ।

शनिबार चोलेन्द्र पौडेल, तारापति सुवेदी, सन्तोष बस्याल, पूजा गुरुङलगायतको प्रस्तुति रहने छ । शनिबार नै भजन–चुड्का पनि प्रस्तुत गरिने सांस्कृतिक उपसमिति संयोजक ललित कुँवरले जानकारी दिए ।
प्रचार संयोजक मनोहरि पौडेलका अनुसार शनिबार मेलाको औपचारिक समापन हुनेछ ।

Related News

सम्बन्धित समाचार

hero news full width