पोखरा । नयाँबजारमा जारी ३३ औं संस्करणको राष्ट्रिय औद्योगिक व्यापार मेला तथा आइटी महोत्सव, १२ औं क्यान इन्फोटेक तथा चौंथो मोबाइल मेलामा दर्शकको उत्साहजनक सहभागिता बढेपछि २ दिन लम्बिएको छ ।
महोत्सव संयोजक तथा पोखरा उद्योग वाणिज्य संघका अध्यक्ष गोर्कण कार्कीका अनुसार १० माघदेखि सुरु मेला १९ गते भव्यरुपमा समापन गरिनेछ । दर्शकको बाक्लो उपस्थितिसँगै महोत्सवस्थलमा राखिएको स्टलसमेत उल्लेख्य कारोबार भएको महोत्सवका स्टल बिक्री संयोजक टीकाराम सुवेदी ‘माधव’ले जानकारी दिए । महोत्सवमा विशेषगरी मोवाइल, कम्प्युटर, अटो, हस्तकला, घरायसी सामाग्री, लत्ता कपडा, शृङ्गारका सामग्री, कृषिका सामग्रीसँगै तरकारी लगायतका सामाग्रीको ब्यापार बढेको सुवेदीले बताए ।
सातौं दिन लोकदोहोरी कलाकार चोलेन्द्र पौडेल, शिव हमाल, पार्वती जिसी, कृष्ण भट्टराई, रमा गौतम, केशव घिमिरे लगायतको प्रस्तुतिमा दर्शकले भरपूर मनोरञ्जन लिए । अब भारतको राजस्थानको लोकनृत्यको साथमा कलाकार चोलेन्द्र पौडेल, ज्योति लोहनी, रामजी पौडेल मञ्जु विक, अमर धिताल लगायतको प्रस्तुति रहने सांस्कृतिक उपसमिति संयोजक ललित कुँवरले जानकारी दिए ।
मेलामा हरेक दिन प्रवेश टिकटमा गोलाप्रथाबाट ५ जनालाई मोवाइल तथा १० जनालाई बन्दीपुर केवलकारको टिकट उपहार दिइने व्यवस्था मिलाइएको छ । टिकटक बनाउने प्रतियोगितामा पहिलो हुनेले २० हजार, दोस्रोले १० र तेस्रो हुनेले ५ हजार बराबरको उपहार प्राप्त गर्ने प्रसार उपसमिति संयोजक मनोहरि पौडेलले जनाए ।
पोखरा उद्योग वाणिज्य संघको आयोजनामा भएको मेलाको नेपाल उद्योग वािणज्य महासंघ तथा महासंघ गण्डकी प्रदेश संरक्षक हो भने गण्डकी प्रदेश सरकार, पोखरा महानगपालिका र नेपाल पर्यटन बोर्डले यसको प्रवद्र्धन गरेका छन् ।
Related News
सम्बन्धित समाचार
पोखराको फोहोर उठाउने सहमति, माग पूरा गर्न १५ दिनको अल्टिमेटम
जरोटुप्पोमा सम जयन्ती र सम्मान
सराङकोटमा फागुन १४ देखि महायज्ञ हुने
कोटीहोम गोलचक्करमा पोखरा
‘अनन्त यात्रा’ लिएर आए कवि प्रदीप
hero news full width
मुख्य समाचार
वेगनास ताल डुंगा व्यवसायीको गुनासो-मोटरबोट रोकियो, रोजीरोटी खोसियो
ब्ल्याक बुल्स् सेमिफाइनलमा
माघ २९, २०८१नेपालमै बन्यो शक्तिशाली नवग्रह मन्दिर, यस्ता छन् विशेषता
माघ २९, २०८१प्रतिभामा सिमसार बहस गर्दै विद्यार्थी
माघ २८, २०८१सहारा एकेडेमीका ६ खेलाडी ब्रिगेड ब्वाइजमा अनुबन्धित
माघ २८, २०८१थ्रिस्टार सेमिफाइनलमा प्रवेश
माघ २८, २०८१