पोखरा । लिटिल स्टेप माध्यमिक विद्यालय, पोखराले ४२ औं वार्षिकोत्सव अवसरमा १२औं संस्करणको अन्तरविद्यालयस्तरीय लिटिल स्टेप ह्याण्डबल टुर्नामेन्ट सम्पन्न गरेको छ ।
कुल ३४ टिम (छात्रतर्फ २१ र छात्रातर्फ १३) मध्ये छात्रमा अल्फा बोर्डिङ प्रथम भयो । छात्रातर्फ हिमालयन बोर्डिङ प्रथम भयो । उनीहरुले नगद ८ हजार साथमा ट्रफी, मेडल र प्रमाणपत्र पाएका छन् ।
छात्र–छात्रा दुवैतर्फ आयोजक लिटिल स्टेप दोस्रो भयो । उसले ७ हजार साथमा ट्रफी, मेडल र प्रमाणपत्र पाएको छ ।
सेमिफाइनलमा पराजित दुवै टिमले तृतीय स्थानको पुरस्कार पाए । छात्रतर्फ माउण्ट अन्नपूर्ण र पोखरा एकेडेमीलाई तथा छात्रातर्फ गण्डकी बोर्डिङ स्कुल र माउण्ट अन्नपूर्णलाई नगद ६ हजारसहित ट्रफी, मेडल र प्रमाणपत्रले पुरस्कृत गरियो ।
त्यसैगरी, सर्वाधिक गोलकर्तामा छात्रतर्फ अल्फाका विश्वास केसी र छात्रातर्फ लिटिल स्टेपकी एलिना गुरुङ भइन् । फेयर प्लेमा छात्रतर्फ विन्ध्येश्वरी आदर्श बोर्डिङ र छात्रातर्फ सृजना मावि बन्यो ।
उत्कृष्ट खेलाडी पुरस्कार छात्रतर्फ अल्फाका विपीन छन्त्याल र छात्रातर्फ हिमालय बोर्डिङकी सुनसुभ थापामगर भए । उत्कृष्ट गोलरक्षकमा छात्रतर्फ लिटिल स्टेपका देवबहादुर मगर र छात्रातर्फ हिमालय बोर्डिङकी वर्षा सुनार बने । उनीहरु सबैले जनही १ हजार पुरस्कार प्राप्त गरेका छन् ।
१६–१७ माघसम्म विद्यालय परिसरमा भएको सो प्रतियोगताको सांयेजन पोखरा लिङ्कन इन्टरनेशनल कलेजले गरेको थियो । बालबालिकालाई सानैदेखि खेलकुद सिप विकास गर्ने उद्देश्यले सो प्रतियोगिता हुँदै आएको छ । प्रतियोगितामा कक्षा ५ सम्मका विद्यार्थीले भाग लिएका हुन् ।
प्रमुख अतिथि सशस्त्र प्रहरी बलका पूर्व महानिरीक्षक दोर्जेकुमार राईले बालबालिकालाई लक्षित गरी यस्तो टुर्नामेन्ट आयोजना गरेकोमा आयोजक विद्यालयको प्रशंसा गरे ।
विद्यालय संस्थापक अध्यक्ष शेरबहादुर गुरुङले १२ औं संस्करणसम्म टुर्नामेन्ट सफल बनाउन सहयोग गर्ने सम्पूर्णमा आभार व्यक्त गर्दै टुर्नामेन्टले भविष्यमा पनि निरन्तरता पाउने अपेक्षा गरे । समारोहमा स्वागत मन्तव्य विद्यालयका संस्थापक प्राचार्य पम्फा गुरुङले गरेकी थिइन्।
विद्यालयका संस्थापक अध्यक्ष शेरबहादुर गुरुङको अध्यक्षतामा भएको समापन कार्यक्रमको संचालन गणित विभाग प्रमुख चित्रबहादुर अधिकारीले गरेका थिए । सो अवसरमा अफिसियल टिमलाई मायाको चिनोसमेत प्रदान गरिएको थियो।
Related News
सम्बन्धित समाचार
पूर्व राजा ज्ञानेन्द्रको पोखरा सवारी हुने
रवि लामिछाने चितवनबाट पनि धरौटीमा रिहा
काँग्रेस सभापतिहरुको पोखरा भेला : संविधान संशोधनमा जोड, पन्ध्रौं महाधिवेशनको चिन्ता
काटिएका रुखका मुढा जफत
नातिहरुसँग जन्मदिन, सहारा एकेडेमीमा नगद सहयोग
hero news full width
मुख्य समाचार
‘प्रदेशलाई औचित्य पुष्टि गर्नै सकस’
पोखराबाट देउवाले गरे ओलीको प्रशंसा
माघ २२, २०८१गण्डकी प्रदेश स्थापनाको ७ वर्ष: घट्दो आम्दानी, बढ्दो आकांक्षा
माघ २२, २०८१संस्कृत माविको १२४ औं अभिभावक दिवस
माघ २२, २०८१लमजुङमा पात बजाउने प्रतियोगिता, महिलाले मच्चाए तहल्का
माघ २२, २०८१कोटिहोमलाई दाउरा, मासिए चौतारा
माघ २०, २०८१