पिसिएममा आइडिया प्रतियोगिता

आदर्श समाज सम्वाददाता
माघ १२, २०८१
PCM

पोखरा । पोखरा कलेज अफ म्यानेजमेन्ट (पिसिएम) आयोजनामा शुक्रबार आइडिया कन्टेस्ट प्रतियोगिता भयो । १२ समूहले आफ्नो व्यावसायिक योजना प्रस्तुत गरेकामा रिजेन फ्युल्स एण्ड इनर्जी प्रथम भयो । उसले १० हजार र प्रमाणपत्र पुरस्कार प्राप्त गरेको छ ।

डेली बास्केट समूहले दोस्रो स्थान प्राप्त गरी ६ हजारसहित प्रमाणपत्र प्राप्त गरेको कलेज प्राचार्य लिना नेगी श्रेष्ठले बताइन् ।

प्रतियोगीको योजनाको मूल्यांकन व्यवसाय प्रवद्र्धन केन्द्र, पोखरा महानगरपालिकाका प्रमुख कार्यकारी निर्देशक नवराज अधिकारी, मुक्ति इनर्जी तथा हरिलोका संस्थापक प्रकाश आचार्य र पहिरन टे«डिङका कार्यकारी निर्देशक लक्ष्मी थापा गिरीले गरेको कार्यक्रम संयोजक हरि अधिकारीले बताए ।

प्रतियोगिताले उद्यमशीलता विषय अध्ययन गरिसकेका विद्यार्थीमाझ उद्यमी सोच निर्माण गर्न सघाएको उपप्राध्यापक निकेश कर्माचार्यले बताए । कार्यक्रम संचालन उपप्राध्यापक सुवास मल्लले गरेका थिए ।

पोखरा कलेज अफ म्यानेजमेन्टले २ दशकदेखि पोखरा विश्वविद्यालयबाट सम्बन्धप्राप्त गरी व्यवस्थापन संकायमा अध्ययन अध्यापन गराउँदै आएको छ । हाल कलेजमा दिवा तथा बिहानी सत्रमा ६ सय बढी विद्यार्थी बिबिए, बिबिए फाइनान्स र बिसिएसआईटी कार्यक्रममा अध्ययन गरिरहेका छन् ।

Related News

सम्बन्धित समाचार

hero news full width